ແຜ່ນດິນໄຫວສະເທືອນຟີລິບປິນບ້ານເຮືອນເສຍຫາຍໜັກ

448

ເກີດແຜ່ນດິນໄຫວຂະໜາດ6,8ຮິກເຕີທາງພາກໃຕ້ຂອງປະເທດ ຟີລິບປິນເຮັດໃຫ້ບ້ານເຮືອນຂອງປະຊາຊົນພັງເສຍຫາຍ,ມີຜູ້ເສຍຊີວິດຢ່າງໜ້ອຍ3ຄົນເມື່ອວານນີ້.

ແຜ່ນດິນໄຫວໃນຄັ້ງນີ້ເກີດຂຶ້ນຢູ່ເມືອງ ດາເວົາໃນດອນມິນດາເນົາທາງພາກໃຕ້ຂອງຟີລິບປິນເຮັດໃຫ້ມີຜູ້ເສຍຊີວິດຢ່າງໜ້ອຍ3ຄົນ ແລະ ໄດ້ຮັບຈາດເຈັບກວ່າ3ໄຄົນ.ທັງນີ້,ຕຶກອາຄານ,ບ້ານເຮືອນຈໍານວນຫຼາຍຕະຫຼອດໂຮງຮຽນຫຼາຍແຫ່ງໄດ້ຮັບຄວາມເສຍຫາຍຢ່າງໜັກຕ້ອງຢຸດການຮຽນ-ການສອນເປັນການຊົ່ວຄາວ.

ນອກຈາກນີ້ຍັງທາງການຟີລິບປິນຕ້ອງສັ່ງປິດຂົວຫຼາຍແຫ່ງເພື່ອເປີດທາງໃຫ້ເຈົ້າໜ້າທີ່ເຂົ້າມາກວດກາຫຼັງພົບຮ່ອງຮອຍຕາມຈຸດຕ່າງໆ.

ທາງການຟີລິບປິນຢືນຢັນວ່າ:ເຫດແຜ່ນດິນໄຫວໃນຄັ້ງນີ້ໄດ້ເກີດອັບເຕີຊ໊ອກຫຼືແຜ່ນດິນໄຫວຕໍ່ເນື່ອງຕາມຫຼາຍຄັ້ງລວມທັງຍັງອັບເຕີຊ໊ອກຮ້າຍແຮງເຖິງຂະໜາດ5ແມກນິຈູດ,ແຕ່ວ່າບໍ່ມີການປະກາດເຕືອນໄພສຶນາມິແຕ່ຢ່າງໃດເນື່ອງຈາກສູນກາງແຜ່ນດິນໄຫວເກີດເທິງບົກບໍ່ໄດ້ເກີດໃນທະເລ.