ໄຟສົງຄາມອັບການິດສະຖານຜານຊີວິດຄົນນັບແສນແລ້ວ

350

ສະຖິຕິຂອງສປຊໃຫ້ຮູ້ວ່າ:ປະຊາຊົນອັບການິດສະຖານຫຼາຍກວ່າ100.000ຄົນເສຍຊີວິດຈາກການຕໍ່ສູ້ພາຍໃນປະເທດຕະຫຼອດໄລຍະເວລາ1ທົດສະວັດທີ່ຜ່ານມາ.

ສໍານັກງານຜູ້ແທນພິເສດຂອງອົງການສະຫະປະຊາຊາດຫຼືສປຊປະຈໍາອັບການິດສະຖານເຜີຍແຜ່ບົດລາຍງານເມື່ອອາທິດທີ່ຜ່ານມາກ່ຽວກັບສະຖານະການສົງຄາມໃນອັດການນິດສະຖານເຊິ່ງເປັນການສູ້ຮົບທີ່ຍາວນານນັບທົດສະວັດລະຫວ່າງຝ່າຍຕໍ່ຕ້ານ,ນາໂຕທີ່ມີອາເມຣິກາເປັນຜູ້ນໍາເຊິ່ງສະໜັບສະໜູນຝ່າຍລັດຖະບານອັບການິດສະຖານວ່າຈໍານວນປະຊາຊົນເສຍຊີວິດຈາກຄວາມຮ້າຍແຮງຂອງການສູ້ຮົບເພີ່ມຂຶ້ນຢ່າງຕໍ່ເນື່ອງໂດຍສະເພາະສິຖິຕິໃນຮອບ1ທົດສະວັດທີ່ຜ່ານມາຫຼືຕັ້ງແຕ່ປີ2009ນັ້ນມີປະຊາຊົນອັບການິດສະຖານຫຼາຍກວ່າ100.000ຄົນເສຍຊີວິດຈາກການສູ້ຮົບພາຍໃນປະເທດ.

ທັງນີ້,ຄະນະກໍາມະການເລືອກຕັ້ງອັບການິດສະຖານປະກາດຜົນການນັບຄະແນນເບື້ອງຕົ້ນຂອງເລືອກຕັ້ງປະທານາທິບໍດີເມື່ອບໍ່ດົນມານີ້ວ່າປະທານາທິບໍດີອັດຣາບ ການີ ຜູ້ນໍາຄົນປັດຈຸບັນໄດ້ຮັບຄະແນນສຽງສະໜັບສະໜູນຫຼາຍທີ່ສຸດກາຍ50%.

ຢ່າງໃດກໍຕາມ,ຝ່າຍຕໍ່ຕ້ານລັດຖະບານຫຼືກຸ່ມຕາລີບັນບໍ່ເຄີຍຍອມຮັບລັດຖະບານຂອງການີໂດຍເຫັນວ່າຜູ້ນໍາຄົນນີ້ຄືຫຸ່ນເຊີດຂອງອາເມຣິກາ ແລະ ປະຕິເສດເຈລະຈານໍາອີກເຮັດໃຫ້ຂະບວນການສັນຕິພາບລະຫວ່າງສອງຝ່າຍເກືອບບໍ່ມີຄວາມຄືບໜ້າ.