ຄວາມຮັກໄຮ້ເຂດແດນ! ສາວຣັດເຊຍ ຫອບສິນສອດແຕ່ງງານກັບສາວໄທ

338

ຄວາມຮັກຖືວ່າບໍ່ມີເຂດແດນແທ້! ສາວຣັດເຊຍຫອບສິນສອດເງິນສົດ, ຄຳ, ເຄື່ອງເພັດ ແຕ່ງເຈົ້າສາວຊາວພະນັດນິຄົມໃນວັນຄຣິດສະມາດ ຈັດພິທີແຫ່ຂັນຫມາກ ຫົດນ້ຳແບບໄທ ແຂກຮ່ວມສະແດງຄວາມຍີ້ນດີ.

ໃນເວລາ 9.09 ໂມງ ຂອງວັນທີ່ 25 ທັນວາ 2019 ທີ່ບ້ານເລກທີ່ 19/5 ຫມູ່ 13 ຕຳບົນນາເຣິກ, ອຳເພືອພະນັດນິຄົມ, ຈັງຫວັດຊົນບຸລີ, ປະເທດໄທ ຊຶ່ງເປັນບ້ານເຈ້າສາວ ໄດ້ມີການຈັດງານແຕ່ງງານ ລະຫວ່າງ ນາງ ພອນມະນີ ສານພັນ ອາຍຸ 34 ປີ ເຈົ້າສາວຊາວໄທ ກັບນາງ ຣີນ່າ ອາຍຸ 34 ປີ ສາວຊາວຣັດເຊຍ ທີ່ເປັນຝ່າຢເຈົ້າບ່າວ ຫອບສິນສອດ ຄຳຫມັ້ນເງິນສົດ 1 ແສນບາດ ຄຳຄຳຫນັກ 4 ບາດ ແລະ ຊຸດເຄື່ອງເພັດ ຫລັງພົບຮັກແລະ ເບິ່ງໃຈກັນມານານກວ່າ 3 ປີ.


ສຳລັບງານແຕ່ງຄັ້ງນີ້ ໄດ້ຖືເອົາວັນຄຣິດສະມາດ ຊຶ່ງຖືວ່າເປັນວັນດີ ແຕ່ຈັດງານຕາມແບບປະເພນີຂອງໄທ ແຕ່ດັ່ງເດີມ ທ່າມກາງແຂກມາຮ່ວມງານມີທັ້ງຄົນໄທ ແລະ ຕ່າງປະເທດ ເຂົ້າຮ່ວມເປັນຈຳນວນຫຼາຍ.


ນາງ ພອນມະນີ ເຈົ້າສາວ ເວົ້າວ່າ ຕົນກັບ ນາງ ຣີນ່າ ໄດ້ພົບຮັກກັນທີ່ເມືອງພັດທະຍາ ແລະ ໄດ້ຂໍເບີ, ຂໍເປັນເພື່ອນເຟສບຸ໊ກກັນໄວ້ ມີການຕິດຕໍ່ລົມກັນມາຕະຫຼອດ ດ້ວຍຄວາມດີ ແລະ ຄວາມຈິງໃຈຂອງ ນາງ ຣີນ່າ ຈຶ່ງໄດ້ຕົກລົງປົງໃຈຄົບຫາກັນ ແລະ ເບິ່ງໃຈກັນມາຕະຫຼອດ 3 ປີ ແລ້ວ ນາງ ຣີນ່າ ກໍ່ໄດ້ໂທລະສັບມາຂໍແຕ່ງງານ ຊຶ່ງຕົນກໍ່ຕົກລົງຮັບ ໂດຍຍາດພີ້່ນ້ອງຂອງທັງ 2 ຝ່າຍກໍ່ຍີ້ນດີດ້ວຍ
ຂໍ້ມູນຈາກ: www.thairath.co.th