ຈີນຊີ້ການສ້າງຕັ້ງກອງທັບອະວະກາດອາເມຣິກາຜິດລະບຽບສປຊ

366

ລັດຖະບານຈີນໃຫ້ຮູ້ວ່າ:ການທີ່ອາເມຣິກາສ້າງຕັ້ງກອງທັບອະວະກາດຖືເປັນການຜິດກົດລະບຽບສາກົນດ້ານອະວະກາດທີ່ປະຊາຄົມໂລກປະຕິບັດຕາມຮ່ວມກັນຕັ້ງແຕ່ປີ1971.

ທ່ານ ເກິງ ສວງ ໂຄສົກກະຊວງຕ່າງປະເທດຈີນກ່າວວ່າ:ກ່ຽວກັບການທີ່ອາເມຣິກາສະຖາປະນາກອງທັບອະວະກາດເມື່ອອາທິດກ່ອນໂດຍທ່ານ ໂດນັນ ທຣໍາ ປະທານາທິບໍດີໃຫ້ເຫດຜົນປະກອບລວມເຖິງໄພຄຸກຄາມຈາກຣັດເຊຍ ແລະ ຈີນຕໍ່ອະວະກາດທີ່ກໍາລັງເປັນສະໜາມຮົບໃໝ່ລັດຖະບານອາເມຣິກາຈຶ່ງຕ້ອງຍົກລະດັບຕົນເອງໃຫ້ເໜືອກວ່າທັງສອງປະເທດໃນດ້ານອະວະກາດວ່າຄວາມໝາຍທີ່ແທ້ຈິງຄືຄວາມຕ້ອງການຂອງອາເມຣິກາໃນການສະແຫວງຫາໂອກາດສ້າງສົງຄາມນອກໂລກ.

ຄວາມເຄື່ອນໄຫວດັ່ງກ່າວເປັນການລະເມີດສັນທາມະຕິສາກົນວ່າດ້ວຍການກໍາານົດໃຫ້ອະວະກາດເປັນເຂດອໍານາດຂອງປະຊາຄົມໂລກທັງຂໍ້ຕົກລົງລະຫວ່າງປະເທດດ້ານອະວະກາດທີ່ລັດຖະບານຈີນໝາຍເຖິງຄືສົນທິສັນຍາອະວະກາດທີ່ອົງການສະຫະປະຊາຊາດຫຼືສປຊເປັນຜູ້ຮັບຜິດຊອບຕັ້ງແຕ່1971ເຊິ່ງຄວາມຕົກລົງສາກົນຫຼືລະຫວ່າງປະເທດຂັ້ນພື້ນຖານວ່າດ້ວຍການສໍາຫຼວດ ແລະ ເຮັດວຽກໃນອະວະກາດຕະຫຼອດຮອດດວງເດືອນ ແລະ ວັດຖຸທາງດາລາສາດບໍ່ວ່າຈະເປັນດວງດາວທັງຫຼາຍໃນຈັກກະວານຫຼືແມ່ນແຕ່ດວງດາວນອກລະບົບຈັກກະວານ.

ເຖິງວ່າສົນທິສັນຍາດັ່ງກ່າວຍັງບໍ່ໄດ້ລະບຸຄໍາກໍາຈັດຄວາມໝາຍຂອງອະວະກາດຢ່າງຈະແຈ້ງ,ຢ່າງໃດກໍຕາມເນື້ອໃນໃຈຄວາມຂອງຂໍ້ຕົກລົງດັ່ງກ່າວຫ້າມປະເທດສະມາຊິກໃຊ້ອາວຸດທໍາລາຍລ້າງສູງໃນວົງໂຄຈອນໂລກ ແລະ ບໍ່ອະນຸຍາດໃຫ້ຕິດຕັ້ງອາວຸດຮ້າຍແຮງ.