ຫາຍະນະຄັ້ງໃຫຍ່ເມື່ອມະນຸດສ້າງຂີ້ເຫຍື້ອໃນອະວະກາດຫຼາຍໂພດ

379

ອົງການອະວະກາດເອີຣົບຫຼືອີເອສເອເຜີຍແຜ່ຜົນການສຶກສາຄົ້ນຄວ້າຕົວເລກຂີ້ເຫຍື້ອໃນອະວະກາດຂອງໂລກທີ່ມະນຸດສ້າງຂຶ້ນຢູ່ທີ່ປະມານ34.000ລ້ານອັນໂດຍເປັນດາວທຽມທີ່ປົດປະຈໍາການປະມານ3.500ດວງຕະຫຼອດຮອດວັດຖຸນ້ອຍໆອີກວ່າ750.000ອັນເຊິ່ງວັດຖຸເຫຼົ່ານີ້ເດີນທາງດ້ວຍຄວາມໄວເຖິງ20.000ກິໂລແມັດຕໍ່ຊົ່ວໂມງ.

ຮູບຈໍາລອງບັນຫາຈໍານວນຂີ້ເຫຍື້ອໃນອະວະກາດເກີດຂຶຶ້ນໃນໄລຍະເດືອນ ກັນຍາທີ່ຜ່ານມາເມື່່ອດາວທຽມຂອງອີເອສເອຕ້ອງພະຍາຍາມຫຼົບຫຼີກກັບຍານອະວະກາດໃຫ້ບໍລິການອິນເຕີເນັດຂອງບໍລິສັດຕ່າງໆ.

ສະຖານະການໃນວົງໂຄຈອນໂລກປັດຈຸບັນມີຄວາມອັນຕະລາຍຂອງຈໍານວນເສດຂີ້ເຫຍື້ອປະປົນໃນອະວະກາດຄ້າຍຄືກັນກັບການແລ່ນເຮືອໃນທະເລທ່າມກາງເສດຊາກສິ້ນສ່ວນເຮືອທີ່ຈົມຢູ່ກົ້ນທະເລໃນປະຫວັດສາດຂອງມວນມະນຸດ.

ເຖິງວ່າຈໍານວນການເກືອບຕໍາກັນຂອງຍານອະວະກາດຫຼືດາວທຽມໃນວົງໂຄຈອນໂລກຈະເກີຍເກີດຂຶ້ນໃນຈໍານວນເທົ່າໆປັດຈຸບັນ,ແຕ່ເມື່ອໂຄງການເຄືອຂ່າຍດາວທຽມສະຕາລິງຂອງ ອີລອນມັກ ທີ່ຕັ້ງເປົ້າວ່າຈະປ່ອຍດາວທຽມກວ່າ12.000ດວງຂຶ້ນໄປໃນວົງໂຄຈອນອາດຈະເຮັດໃຫ້ສະຖານະການນັບຈາກນີ້ສຸກເສີນຫຼືຮ້າຍແຮງກວ່າເກົ່າຫຼາຍ.