ອາລີບາບາສະເທືອນຕະຫຼາດຮົງກົງລາຄາຮຸ້ນພຸ່ງສູງ

372

ອາລີບາບາຊື້ຂາຍມື້ທໍາອິດໃນຕະຫຼາດຫຼັກຊັບຮົງກົງຢ່າງເປັນທາງການເມື່ອບໍ່ດົນມານີ້ໂດຍລາຄາຮຸ້ນຂຶ້ນສູງເຖິງ7%ຢູ່ທີ່176ໂດລາຮົງກົງຫຼືປະມານ22,5ໂດລາສະຫະລັດກາຍເປນບໍລິສັດຈົດທະບຽນໃຫຍ່ທີ່ສຸດປະຈໍາປີ2019.

ການຈົດທະບຽນໃນຮົງກົງຂອງອາລີບາບານັບຈົນເຖິງຂະນະນີ້ຖືວ່າປະສົບຄວາມສໍາເລັດຢ່າງງົດງາມໂດຍມີການຄາດຄະເນວ່າໃນອະນາຄົດ10ປີຕໍ່ໜ້າລາຄາຮຸ້ນຈະເພີ່ມຂຶ້ນ5-6ເທົ່າ.

ຄວາມເຄື່ອນໄຫວໃນຄັ້ງນີ້ຍັງເຮັດໃຫ້ອາລີບາບາເປັນບໍລິສັດທີ່ສະເໜີຂາຍຮຸ້ນຄັ້ງໃຫຍ່ຂອງໂລກປະຈໍາປີນີ້ໃຫຍ່ກວ່າການລະດົມທຶນປະມານ8ຕື້ໂດລາຂອງອູເບີ ເມື່ອເດືອນ ພຶດສະພາທີ່ຜ່ານມາ,ແຕ່ກໍຄາດຄະເນວ່າອາດຈະຖືກບຽດຕໍາແໜ່ງໂດຍບໍລິສັດນໍ້າມັນ ຊາອຸດິີ ອາຣາໂກ ຂອງອາຣັບບີຊາອຸດິດທີ່ຈະເຂົ້າຕະຫຼາດຮຸ້ນລິຢາດໃນເດືອນ ທັນວາຈະເຖິງນີ້.

ຢ່າງໃດກໍຕາມການທີ່ອາລີບາບາເຂົ້າຕະຫຼາດຮຸ້ນຮົງກົງໃນໄລຍະທີ່ກໍາລັງເກີດບັນຫາການເມືອງທີ່ຍືດເຍື້ອຍາວນານມາຫຼາຍເດືອນຖືເປັນການພິສູດຄວາມເຊື່ອໝັ້ນຕໍ່ສູນກາງການເງິນອາຊີແຫ່ງນີ້ນໍາອີກ.