ຈໍານວນປະເທດທີ່ໄດ້ຮັບຜົນກະທົບຈາກກໍ່ການຮ້າຍຍັງເພີ່ມຂຶ້ນ

339

ດັດຊະນີການກໍ່ການຮ້າຍໂລກປະຈໍາປີ2019ໃຫ້ຮູ້ວ່າ:ຈໍານວນປະເທດທີ່ໄດ້ຮັບຜົນກະທົບຈາກການກໍ່ການຮ້າຍຍັງຄົງເພີ່ມຂຶ້ນເຖິງວ່າຍອດຜູ້ເສຍຊີວິດຫຼຸດລົງ15,2%ເມື່ອປີກ່ອນກໍ່ຕາມ.

ການກໍ່ການຮ້າຍຍັງຄົງແຜ່ກະຈາຍ ແລະ ເພີ່ມຂຶ້ນເຖິງວ່າຮ້າຍແຮງຈະຫຼຸດລົງໂດຍເມື່ອປີກ່ອນມີ71ປະເທດທີ່ມີຜູ້ເສຍຊີວິດຢ່າງໜ້ອຍ1ຄົນຈາກເຫດທີ່ກ່ຽວຂ້ອງກັບການກໍ່ການຮ້າຍຫຼາຍເປັນອັນດັບສອງນັບຕັ້ງແຕ່ເຂົ້າສູ່ທົດສະວັດໃໝ່.

ຂະນະທີ່ຍອດຜູ້ເສຍຊີວິດຈໍານວນຫຼຸດລົງເຫຼືອ15.952ຄົນຈາກທີ່ເຄີຍຫຼາຍເຖິງ33.555ຄົນໃນປີ2014ທີ່ກຸ່ມໄອເອສພາກອງທັບນັກຮົບເຂົ້າໄປໃນຕາເວັນອອກກາງ,ອັບການິດສະຖານເປັນປະເທດທີ່ເກີດການກໍ່ການຮ້າຍຫຼາຍທີ່ສຸດ1.443ຄັ້ງ,ມີຜູ້ເສຍຊີວິດ7.379ຄົນຕາມມາດ້ວຍອີຣັກ1.131ຄັ້ງ,ມີຜູ້ເສຍຊີວິດ1.054ຄົນ,ນີເຊຣີ562ຄັ້ງ,ມີຜູ້ເສຍຊີວິດ2.040ຄົນ ແລະ ຊີຣີ131ຄັ້ງ,ມີຜູ້ເສຍຊີວິດ662ຄົນ.

ດັດຊະນີນີ້ນິຍາມຄໍາວ່າ ກໍ່ການຮ້າຍ ວ່າໝາຍເຖິງການີ່ຜູ້ບໍ່ແມ່ນລັດໃຊ້ຫຼືຂູ່ຈະໃຊ້ກໍາລັງ ແລະ ຄວາມຮ້າຍແຮງຜິດກົດໝາຍເພື່ອບັນລຸເປົ້າໝາຍທາງການເມືອງ,ເສດຖະກິ,ສາສະໜາຫຼືສັງຄົມໂດຍໃຊ້ຄວາມຢ້ານຂົ່ມຂູ່ຫຼືຄຸກຄາມ.