ທຸລະກິດໂຄສະນາອາເມຣິກາຈະກວາດລາຍໄດ້ໃນການເລືອກຕັ້ງປີໜ້າ

359
Voters cast their ballots at voting stalls in Stamp on Tuesday, Nov. 5, 2019. (Joe Ryan/The Diamondback)

ບໍລິສັດວິໄຈການຕະຫຼາດໂຄສະນາຫຼາຍແຫ່ຄາດຄະເນວ່າຈໍານວນເງິນລົງທຶນໃນການໂຄສະນາທາງການເມືອງໃນໄລຍະຫາສຽງເລືອກຕັ້ງປະທານາທິບໍດີອາເມຣິກາໃນເດືອນ ພະຈິກປີ2020ຫຼືອີກປະມານ1ປີນັບຈາກນີ້ຈະມີຈໍານວນມະຫາສານ.

ໂດຍຫຼາຍບໍລິສັດຄາດຄະເນວ່າ:ຜູ້ລົງສະໝັກຮັບເລືອກຕັ້ງຂອງແຕ່ລະພັກການເມືອງຈະມີການໃຊ້ເງິນຈໍານວນຫຼາຍໃນການຊື້ເນື້ອທີ່ໂຄສະນາເພື່ອຫາສຽງ ແລະ ສ້າງຄວາມຮັບຮູ້ຕໍ່ປະຊາຊົນໂດຍສະເພາະການໂຄສະນາໃນໂທລະພາບທ້ອງຖິ່ນ ແລະ ສື່ສັງຄົມອອນລາຍຕ່າງໆ.

ການໂຄສະນາໃນໄລຍະການເລືອກຕັ້ງໃນປີໜ້າຈະສູງເຖິງ6.000ລ້ານໂດລາເປັນຕົ້ນການໂຄສະນາຜ່ານສະຖານີໂທລະພາບທີ່ຈະໄດ້ຮັບສ່ວນແບ່ງສູງເຖິງກວ່າ3.000ລ້ານໂດລາຫຼືຄິດເປັນ47%ຂອງຈໍານວນເງິນທັງໝົດໃນການໂຄສະນາ,ສ່ວນສື່ສັງຄົມອອນລາຍຈະມີອັດຕາສ່ວນໂຄສະນາທາງການເມືອງປະມານ21%,ເຄເບິນທີວີ14% ແລະ ວິທະຍຸເກືອບ5%.

ການປະເມີນເປັນໄປຕາມຂໍ້ມູນຈາກການເລືອກຕັ້ງກາງສະໄໝເມື່ອປີ2018ທີ່ຜ່ານມາທີ່ມີຈໍານວນເງິນລົງທຶນໃນໂຄສະນາທາງການເມືອງສູງກວ່າ4.000ລ້ານໂດລາ,ຂະນະທີ່ຄາດຄະເນວ່າຈະມີການອອກອາກາດໂຄສະນາທາງການເມືອງຜ່ານທາງສະຖານີໂທລະພາບເພີ່ມຂຶ້ນຈາກ5,5ລ້ານລາຍການໃນປີ2018ເປັນ8ລ້ານລາຍການໃນປີໜ້າ.