ອົດສະຕຣາລີປິດໂຮງຮຽນກວ່າ100ແຫ່ງໜີໄຟປ່າ

377

ທາງການອົດສະຕຣາລີປິດໂຮງຮຽນທາງຕາເວັນອອກສຽງໃຕ້ຂອງປະເທດກວ່າ100ແຫ່ງເມື່ອວານນີ້ໜີ້ໄຟປ່າ,ຂະນະທີ່ທາງການເຕືອນປະຊາຊົນໃນພື້ນທີ່ສ່ຽງໃຫ້ກຽມພ້ອມອົບພະຍົບເນື່ອງຈາກອຸນຫະພູມທີ່ຄາດຄະເນວ່າຈະສູງຂຶ້ນກໍໃຫ້ເກີດໄຟປ່າຈຸດໃໝ່.

ຂະນະນີອົດສະຕຣາລີກໍາລັງຮັບມືກັບໄຟປ່າປະມານ100ຈຸດໃນລັດຄວີນແລນທາງຕາເວັນອອກສຽງເໜືອ ແລະ ລັດນິວເຊົາເວວທາງຕາເວັນອອກມີຜູ້ເສຍຊີວິດ4ຄົນ,ເນື້ອທີ່ປູກຝັງ ແລະ ປ່າຖືກເຜົາປ່າກວ່າ4ແສນເຮັກຕາ,ບ້ານເຮືອນເສຍຫາຍກວ່າ300ແຫ່ງໂດຍບັນຫາເລີ່ມລາມມາທີ່ລັດເຊົາອົດສະຕຣາລີທາງພາກກາງ.

ອົດສະຕຣາລີມັກເກີດໄຟປ່າໃນໄລຍະລະດູແລ້ງຢູ່ສະເໝີ,ແຕ່ໄຟປ່າຂະນະນີ້ເກີດຂຶ້ນຕັ້ງແຕ່ລະດູໃບໄມ້ປົ່ງເນື່ອງຈາກພາວະແຫ້ງແລ້ງແກ່ຍາວມາເປັນເວລາ3ປີແລ້ວເຮັດໃຫ້ພື້ນທີ່ແຫ້ງຈົນເປັນເຊື້ອໄຟຢ່າງດີ.

ທັງນີ້ສະເພາະນະຄອນ ຊິດນີເມືອງໃຫຍ່ສຸດໃນອົດສະຕຣາລີທີ່ມີປະຊາກອນ5ລ້ານຄົນໝອກຄວັນໄຟປ່າໜາທຶບທົ່ວເມືອງມາຫຼາຍມື້ແລ້ວ,ເຈົ້າໜ້າທີ່ສາທາລະນະສຸກເຕືອນວ່າໃຫ້ປະຊາຊົນຢູ່ໃນຕຶກອາຄານເນື່ອງຈາກໝອກຄວັນເຖິງລະດັບອັນຕະລາຍຕໍ່ສຸຂະພາບ.