ຈີນຍົກເລີກການນໍາເຂົ້າຊີ້ນສັດປີກຈາກອາເມຣິກາ

344

ຈີນປະກາດຍົກເລີກການສະກັດກັ້ນນໍາເຂົ້າຊີ້ນສັດປີກຈາກອາເມຣິກາເພື່ອແກ້ໄຂບັນຫາຂາດແຄນຊີ້ນໝູເນື່ອງຈາກພະຍາດໝູສາຍພັນອາຟຣິກາລະບາດທີ່ເຮັດໃຫ້ໝູພາຍໃນຕາຍໄປຫຼາຍລ້ານໂຕໃນໄລຍະ1ປີທີ່ຜ່ານມາ.

ຜູ້ແນການຄ້າອາເມຣິກາເຊື່ອວ່າທ່າທີ່ຫຼ້າສຸດຂອງຈີນຈະຊ່ວຍເພີ່ມມູນຄ່າການສົ່ງອອກຊີ້ນສັດປີກຂອງອາເມຣິກາເຊິ່ງລວມເຖິງຊີ້ນໄກ່,ຊີ້ນເປັດ ແລະ ໄກ່ງ່ວງໄດ້ປະມານປີລະ1.000ລ້ານໂລດາ.

ການປະກາດຍົກເລີກການສະກັດກັ້ນນໍາເຂົ້າຊີ້ນສັດປີກຈາກອາເມຣິກາເຮັດໃຫ້ລາຄາຮຸ້ນຂອງບໍລິສັດຊີ້ນສັດປີກໃນອາເມຣິກາເພີ່ມຂຶ້ນ.

ຈີນເລີ່ມສະກັດກັ້ນສັດປີກ ແລະ ໄຂ່ຈາກອາເມຣິກາເມື່ອເດືອນ ມັງກອນປີ2015ເນື່ອງຈາກການລະບາດຂອງພະຍາດໄຂ້ຫວັດສັດປີກໃນອາເມຣິກາເຊິ່ງຖືເປັນການປິດຕະຫຼາດທີ່ສ້າງລາຍໄດ້ໃຫ້ກັບບໍລິສັດອາເມຣິກາປີລະ500ລ້ານໂດລາ.