ເສດຖະກິດຮົງກົງເສື່ອມໂຊມຕໍ່ເນື່ອງ2ໄຕມາດຊ້ອນ

272

ທາງການຮົງກົງລາຍງານວ່າ:ເສດຖະກິດເສື່ອມໂຊມຕໍ່ເນື່ອງ2ໄຕມາດຊ້ອນເນື່ອງຈາກນັກທ່ອງທ່ຽວຫຼຸດລົງເຄິ່ງໜຶ່ງຍ້ອນເຫດການໂຮມຊຸມນຸມມີທ່າອ່ຽງບໍ່ເຊົາງ່າຍໆ.

ລາຍງານໃຫ້ຮູ້ວ່າ:ເປັນໄປໄດ້ຍາກຫຼາຍທີ່ເສດຖະກິດໝົດປີຂອງຮົງກົງຈະຂະຫຍາຍຕົວໄດ້ເຖິງການປະເມີນໄວ້ທີ່0-1%.

ການເສື່ອມໂຊມຂອງເສດຖະກິດຮົງກົງຖືວ່າຮ້າຍແຮງເຂົ້າຂັ້ນສຸກເສີນ,ຍອດນັກທ່ອງທ່ຽວຫຼຸດລົງຕໍ່ເນື່ອງ ແລະ ຮ້າຍແຮງທີ່ສຸດໃນເດືອນ ຕຸລາຫຼຸດລົງເກືອບ50%ສ່ວນບັນດາຮ້ານຄ້ານັບຕັ້ງແຕ່ສູນການຄ້າໄປຈົນເຖິງຮ້ານນ້ອຍໆກໍຕ້ອງຢຸດຍາວມາຫຼາຍຄັ້ງໃນໄລຍະການໂຮມຊຸມນຸມ ແລະ ເຖິງວ່າທາງການຮົງກົງຈະອອກນະໂຍບາຍຊ່ວຍເຫຼືອທຸລະກິດຂະໜາດກາງ ແລະ ຂະໜາດນ້ອຍ,ແຕ່ກໍຊ່ວຍບໍ່ໄດ້ຫຼາຍ.

ທັງນີ້,ການໂຮມຊຸມນຸມປະທ້ວງໃນຮົງກົງດໍາເນີນຕໍ່ເນື່ອງເປັນອາທິດ21ຕິດຕໍ່ກັນໂດຍເມື່ອວັນອາທິດທີ່ຜ່ານມາຜູ້ໂຮມຊຸມນຸມໃສ່ຊຸດດໍາ,ໃສ່ໜ້າກາກຈູດໄຟເຜົາ ແລະ ແກວ່າງລະເບີດໄຟໃນຫຼາຍຂົງເຂດຂອງຮົງກົງ.