ໜຸ່ມເນປານທໍາລາຍສະຖິຕິໂລກປີນພູສູງ14ໜ່ວຍໃຊ້ເວລາໜ້ອຍ

309

ຊາຍເນປານອາຍຸ36ປີທໍາລາຍສະຖິຕິພິຊິດຍອດພູສູງກາຍ8.000ແມັດຂອງໂລກທັງໝົດ14ໜ່ວຍພາຍໃນເວລາພຽງເຄິ່ງປີໂຄ່ນເຈົ້າຂອງແຊັມເກົ່າທີ່ໃຊ້ເວລາເກືອບ8ປີກວ່າຈະພິຊິດສໍາເລັດ.

ບໍລິສັດປີນພູ ເຊເວນ ຊໍາມິດ ແຈ້ງການວ່າ:ທ້າວ ນີມັນ ປູຈາ ພິຊິດຍອດພູ ຊິຊາພັງມະສູງເປັນອັນດັບທີ14ຂອງໂລກ ແລະ ສູງທີ່ສຸດຂອງຈີນຕັ້ງຢູ່ໃນທິເບດໄດ້ເມື່ອບໍ່ດົນມານີ້ຫຼັງເລີ່ມການປີນພູໃນໂຄງການເປັນໄປໄດ້ເມື່ອ6ເດືອນ 1ອາທິດກ່ອນຖືເປັນສະຖິຕິການພິຊິດຍອດພູສູງທີ່ສຸດໃນໂລກ14ຍອດໄດ້ໄວທີ່ສຸດໃນໂລກ.

ທ້າວ ປູຈາ ເລີ່ມຈາກການປີນພູໃນເນປານ6ໜ່ວຍຈາກນັ້ນລາວໄປປີນພູປາກີສະຖານ ແລະ ໃນຈີນ.

ຜູ້ຊ່ຽວຊານດ້ານການປີນພູໃຫ້ຮູ້ວ່າ:ຈົນເຖິງຕອນນີ້ມີນັກປີນພູທີ່ພິຊິດຄົບທັງ14ໜ່ວຍພຽງ30ກວ່າຄົ້ນເທົ່ານັ້ນ,ສ່ວນເຈົ້າຂອງສະຖິຕິເກົ່າທີ່ຫາກໍຖືກຊາຍເນປານລົ້ມແຊັມຄື ຄິມ ຊາງໂຮ ຄົນສ.ເກົາຫຼີທີ່ໃຊ້ເວລາ7ປີ,10ເດືອນກັບ6ມື້.