ໂຣຮິນຢາ ສ່ວນໜຶ່ງລີ້ໄພໄປຢູ່ດອນໃນ ອ່າວເບງກໍ ທີ່ສ່ຽງນໍ້າຖ້ວມ

238

ລັດຖະບານບັງກລາເທດ ໃຫ້ຮູ້ວ່າ: ຄົນໂຣຮິນຢາ ຫຼາຍພັນຄົນໃນຄ້າຍຜູ້ລີ້ໄພເຫັນດີຍ້າຍໄປຢູ່ໃນ ອ່າວເບງກໍ ທີ່ສ່ຽງເກີດນໍ້າຖ້ວມ.

ຜູ້ລີ້ໄພຄົນໂຣຮິນຢາ ປະມານ 7.000 ຄົນ ສະແດງ ຄວາມສະໝັກໃຈຂໍຍ້າຍໄປຢູ່ດອນ ບາຊັນຊາ ໃນອ່າວເບງກໍຂອງ ບັງກລາເທດ ໂດຍຈໍານວນເພີ່ມຂຶ້ນເລື້ອຍໆ, ຂະນະທີ່ເຈົ້າໜ້າທີ່ທີ່ຮັບຜິດຊອບຍົກຍ້າຍໃນຄັ້ງນີ້ຈະໄປປະຈໍາການທີ່ດອນ ບາຊັນຊາ ໃນອາທິດນີ້.

ທັງນີ້, ບັງກລາເທດ ຕ້ອງການຍ້າຍຜູ້ລີ້ໄພ 100.000 ຄົນ ໄປຢູ່ດອນແຫ່ງນີ້ທີ່ເຕັມໄປດ້ວຍຂີ້ຕົມອ້າງວ່າຫຼຸດຄວາມໜາແໜ້ນໃນຄ້າຍຜູ້ລີ້ໄພ ດອກບາຊາ ຕາມແລວຊາຍແດນມຽນມາ ທີ່ຄົນໂຣຮິນຢາ ອາໄສຢູ່ເກືອບ 1 ລ້ານຄົນ.

ແຜນການຍ້າຍຄົນ ໂຣຮິນຢາ ໄປຢູ່ດອນທີ່ສ່ຽງເກີດນໍ້າຖ້ວມງ່າຍຫ່າງຈາກແຜ່ນດິນ  ໃຫຍ່ປະມານ 1 ຊົ່ວໂມງ ໂດຍທາງເຮືອມີມາຕັ້ງແຕ່ປີ 2018 ແຕ່ກຸ່ມສິດທິມະນຸດເຕືອນວ່າດອນນີ້ຫາກໍໂຜ່ຈາກນໍ້າທະເລເມື່ອ 20 ປີກ່ອນເທົ່ານັ້ນອາດຈະຕ້ານທານພາຍຸລົມແຮງບໍ່ໄດ້.

ທີ່ມາ: ໜັງສືພິມ ເສດຖະກິດ-ການຄ້າ