ເສດຖະກິດ ອົສຕຣາລີ ສົ່ງສັນຍານມີບັນຫາ

281

ທາງການອົສຕຣາລີ ລາຍງານວ່າ: ເຖິງວ່າເສດຖະກິດ ອົສຕຣາລີ ຈະຂະຫຍາຍຕົວ 1,7% ໃນປີ 2019 ແຕ່ຫຼຸດລົງຈາກລະດັບ 2,7% ໃນປີ 2018 ກ່ອນທີ່ຈະຟື້ນຄືນສູ່ລະດັບ 2,3% ໃນປີ 2020.

ທ່ານ ຈອດ ຟຣາຍເດນເບິກ ລັດຖະມົນຕີກະຊວງການເງິນ ອົສຕຣາລີ ກ່າວວ່າ: ເຖິງວ່າເສດຖະກິດຂອງ ອົສ ຕຣາລີ ຍັງແຂງແກ່ນໂດຍປັດໄຈພື້ນຖານ ແຕ່ກໍປະເຊີນກັບບັນຫາຕ່າງໆ.

ລັດຖະບານອົສຕຣາລີ ໃຫ້ຄວາມສໍາຄັນເປັນອັນດັບທໍາອິດກັບການມີຍອດເກີນດຸນງົບປະມານຄັ້ງທໍາອິດໃນຮອບກວ່າທົດສະວັດສໍາລັບສົກງົບປະມານ 2019 – 2020.

ທັງນີ້, ໄອເອັມເອັຟ ເຕືອນວ່າການປັບຫຼຸດອັດຕາດອກເບ້ຍຂອງທະນາຄານຕ່າງໆບໍ່ພຽງພໍທີ່ຈະຊຸກຍູ້ການຂະຫຍາຍຕົວທາງເສດຖະກິດ ແລະ ຮຽກຮ້ອງໃຫ້ລັດຖະບານຕ່າງໆເພີ່ມການໃຊ້ຈ່າຍ.

ສໍານັກຂ່າວຊິນຮວາ ລາຍງານວ່າ: ທະນາຄານກາງອົສຕຣາລີ ໄດ້ປັບຫຼຸດອັດຕາດອກເບ້ຍລົງເປັນຄັ້ງທີ 3 ຂອງປີນີ້ ເມື່ອວັນທີ 1 ເດືອນຕຸລາທີ່ຜ່ານມາ ສູ່ລະດັບຕໍ່າສຸດເປັນປະຫວັດການທີ່ 0,75%.

ທີ່ມາ: ໜັງສືພິມ ເສດຖະກິດ-ການຄ້າ