ລັດຖະບານຢີ່ປຸ່ນເຜີຍ ຈະບໍ່ຂໍຮັບບໍລິຈາກເງິນຊ່ວຍເຫຼືອ ເພາະມີງົບຟື້ນຟູສຳຮອງແລ້ວ

463

ຫຼາຍຄົນຄົງຈະຮູ້ນຳກັນແລ້ວວ່າ ຢີ່ປຸ່ນກຳລັງປະສົບກັບອຸກກະໄພຈາກພາຍຸໄຕ້ຝຸ່ນ ພັດຖະຫຼົ່ມ ສົ່ງຜົນໃຫ້ຫຼາຍພື້ນທີ່ທາງພາກຕາເວັນອອກ ແລະ ພາກກາງຂອງປະເທດເສຍຫາຍໜັກ, ຂະນະທີ່ລັດຖະບານຢີ່ປຸ່ນເຜີຍ ຈະບໍ່ຂໍຮັບບໍລິຈາກເງິນຊ່ວຍເຫຼືອ ເນື່ອງຈາກປະເທດມີງົບສໍາຮອງຟື້ນຟູປະເທດແລ້ວ.

ເຊິ່ງນັບວ່າເປັນອີກແງ່ມູນໜຶ່ງຂອງຜູ້ນຳ ທີ່ຄິດເຖິງປະຊາຊົນ ແລະ ມີການວາງແຜນການຮັບມືກັບສະຖານະການຕ່າງໆ ໄດ້ເປັນຢ່າງດີ. ຈາກກໍລະນີທີ່ປະເທດຢີ່ປຸ່ນປະສົບກັບພາຍຸໄຕ້ຝຸ່ນ ຮາກິບີສ ຖະຫຼົ່ມເມືອງເມື່ອວັນທີ 12-13 ຕຸລາ ຜ່ານມານີ້. ໂດຍນາຍົກລັດຖະມົນຕີຢີ່ປຸ່ນ ຊິນໂຈ ອາເບະ ໄດ້ອອກມາເວົ້າເຖິງມາດຕະການຊ່ວຍເຫຼືອວ່າ ເມື່ອພາສີຖືກໃຊ້ໄປໃນທາງທີ່ຖືກຕ້ອງ ແລະ ລັດຖະບານ ຈະບໍ່ຂໍຮັບບໍລິຈາກເງິນຊ່ວຍເຫຼືອ ຫຼັງຈາກປະເທດ ພົບກັບໄພພິບັດຢ່າງໜັກໜ່ວງ ບໍ່ວ່າຈະເປັນແຜ່ນດິນໄຫວ, ພູເຂົາໄຟ, ສືນາມີ ລວມໄປເຖິງຫຼ້າສຸດນີ້ ຖືກກະທົບໜັກຈາກພາຍຸໄຕ້ຝຸ່ນພັດຖະຫຼົ່ມໃສ່ ຈົນສ້າງຄວາມເສຍຫາຍຕໍ່ຊັບສິນ ແລະ ຊີວິດຂອງຜູ້ຄົນຢ່າງຫຼວງຫຼາຍ.

ເຊິ່ງກ່ອນໜ້າຈະເກີດເຫດການນີ້ ລັດຖະບານຢີ່ປຸ່ນ ໄດ້ມີການກຽມການ ແລະ ພ້ອມຮັບມືກັບອຸທົກກະໄພທີ່ຍິ່ງໃຫຍ່ໄດ້ຢ່າງວ່ອງໄວ ບໍ່ວ່າຈະເປັນການສັ່ງອົບພະຍົບ, ອີກທັງປະກາດລ່ວງໜ້າ ໂດຍບໍ່ໄດ້ນິ່ງນອນໃຈ ເພາະຊີວິດປະຊາຊົນໃນປະເທດ ຕ້ອງມາກ່ອນສະເໝີ. ພ້ອມຈັດຕັ້ງສູນຊ່ວຍເຫຼືອສຸກເສີນ ພ້ອມທັງລົງພື້ນທີ່ ແລະ ຄວບຄຸມການເຮັດວຽກດ້ວຍຕົວເອງທັງໝົດ.

ຫຼັງພາຍຸຜ່ານພົ້ນໄປ, ທ່ານ ຊິນໂຈ ອາເບະ ລັດຖະບານຢີ່ປຸ່ນ ໄດ້ສັ່ງການທັນທີ ສົ່ງເຈົ້າໜ້າທີ່ຈຳນວນຫຼາຍ ທັງດັບເພີງ, ກູ້ໄພ, ທະຫານທຸກໜ່ວຍ, ແພດ ແລະ ແພດສະເພາະທາງ ລົງພື້ນທີ່ຊ່ວຍເຫຼືອປະຊາຊົນທົນທີ. ພ້ອມທັງຍັງສົ່ງເຄື່ອງຊ່ວຍເຫຼືອ ບໍ່ວ່າຈະເປັນນໍ້າ, ອາຫານ ພ້ອມກັນສິ່ງຂອງຈຳເປັນອີກຈຳນວນໜຶ່ງ ໂດຍທີ່ບໍ່ໃຫ້ປະຊາຊົນມາຮຽກຮ້ອງ.

ພາລະກິດຫຼັກ ຄືການຊ່ວຍເຫຼືອປະຊາຊົນ ທີ່ໄດ້ຮັບຄວາມເດືອດຮ້ອນ ກັບເຫດການນີ້ ໃຫ້ທຸກຄົນປອດໄພ ແລະ ສາມາດກັບມາໃຊ້ຊີວິດໄດ້ຕາມປົກກະຕິອີກຄັ້ງ ແລະ ທຸກຢ່າງຕ້ອງວ່ອງໄວ ແລະ ທັນການ. ໂດຍສັ່ງຫ້າມຂ້າລາຊະການທຸກໜ່ວຍຫ້າມລາຢຸດເດັດຂາດ, ພ້ອມທັງສ້ອມແປງ, ຟື້ນຟູນໍ້າປະປາ, ຖະໜົນຫົນທາງ ລວມທັງລະບົບພື້ນຖານໂຄງລ່າງທຸກຢ່າງໃຫ້ຮຽບຮ້ອຍໂດຍດ່ວນ. ທີ່ສໍາຄັນລັດຖະບານບໍ່ຮຽກຮ້ອງຂໍຮັບບໍລິຈາກເງິນ ຊ່ວຍເຫຼືອຜູ້ປະສົບໄພ, ດ້ວຍການກຽມການ ແລະ ການບໍລິການທີ່ດີ ເພາະມີການຈັດຕັ້ງງົບປະມານສຸກເສີນ ຫຼື ງົບຟື້ນຟູປະເທດສຳຮອງໄວ້ແລ້ວ.

ທີ່ມາ: tubesmile.com