ກອງປະຊຸມໄຊເຕສ ເຂັ້ມງວດ ການຄ້າຂາຍລູກຊ້າງປ່າອາຟຣິກາ

339

ກອງປະຊຸມໄຊເຕສ ມີມະຕິສຽງສ່ວນຫຼາຍ ຫ້າມການຊື້-ຂາຍ ລູກຊ້າງປ່າອາຟຣິກາ “ຖ້າບໍ່ໄດ້ຮັບການອະນຸມັດ” ຈາກປະເທດສະມາຊິກເສຍກ່ອນ.

ສຳນັກຂ່າວຕ່າງປະເທດລາຍງານຈາກເມືອງເຈນີວາ ປະເທດສະວິດເຊີແລນ ເມື່ອວັນພຸດ ທີ 28 ສິງຫາ ວ່າ ໃນທີ່ປະຊຸມວ່າດ້ວຍການຄ້າລະຫວ່າງປະເທດກ່ຽວກັບສັດປ່າ ແລະ ພືດພັນປ່າທີ່ໃກ້ສູນພັນ ຫຼື ໄຊເຕສ (CITES) ທີ່ເມືອງເຈນີວາ ເມື່ອວັນອັງຄານ ມີມະຕິສຽງຂ້າງຫຼາຍ 87 ສຽງ ຄັດຄ້ານ 29 ສຽງ ແລະ ງົດອອກສຽງ 25 ສຽງ ເພື່ອແກ້ໄຂກົດໝາຍລະຫວ່າງປະເທດ ວ່າດ້ວຍການສົ່ງອອກລູກຊ້າງປ່າ “ໃຫ້ມີຄວາມເຂັ້ມງວດຫຼາຍຂຶ້” ທັງນີ້ ປະເທດທີ່ໄດ້ລົງຄະແນນສຽງຄັດຄ້ານ ລວມທັງຊິມບັບເວ, ບັອດສະວານາ ແລະ ສະຫະລັດ ອາເມລິກາ. ແຕ່ສຽງສ່ວນຫຼາຍທີ່ສະໜັບສະໜຸນເກີນ 2 ໃນ 3 ສົ່ງຜົນໃຫ້ມະຕິດັ່ງກ່າວເປັນທີ່ຮອງຮັບ ເຖິງວ່າສະຫະພາບເອີຣົບ (EU: European Union) ພະຍາຍາມ “ປະນີປະນອມ” ໂດຍຍົກເວັ້ນຂໍ້ຈຳກັດການສົ່ງອອກລູກຊ້າງອາຟຣິກາ ລະຫວ່າງປະເທດທີ່ຢູ່ໃນເອີຣົບດ້ວຍກັນ.

ຢ່າງໃດກໍ່ຕາມ, ສຽງສ່ວນໃຫຍ່ໃນທີ່ກອງປະຊຸມຍົກລະດັບມາດຕະການ ໂດຍການຫ້າມເຄື່ອນຍ້າຍລູກຊ້າງປ່າອາຟຣິກາອອກຈາກທີ່ຢູ່ອາໄສຕາມທຳມະຊາດ ໄປສວນສັດ ຫຼື້ ສະຖານທີ່ອື່ນໃນປະເທດໃດກໍ່ຕາມ ຖ້າບໍ່ໄດ້ຮັບອະນຸຍາດຈາກໄຊເຕສ. ອີກປະການໜຶ່ງ ຂໍ້ມູນຈາກອົງການ HSI (Humane Society International ) ເຊິ່ງເປັນອົງການອິດສະຫຼະຊ່ວຍເຫຼືອສັດຂອງອາເມລິກາ ລະບຸວ່າ ປະເທດຊິມບັບເວ ສົ່ງອອກລູກຊ້າງປ່າອາຟຣິກາ ໄປສວນສັດໃນຈີນຫຼາຍກວ່າ 100 ໂຕ ຕັ້ງແຕ່ປີ 2012 ເປັນຕົ້ນມາ.

ທັງນີ້ການສົ່ງອອກລູກຊ້າງປ່າ ເປັນ “ການສ້າງລາຍໄດ້” ໃຫ້ແກ່ຫຼາຍໆປະເທດໃນອາຟຣິກາ ຈຶ່ງບໍ່ເໜືອຄວາມຄາດໝາຍທີ່ສຽງ ຄັດຄ້ານສ່ວນໃຫຍ່ແມ່ນມາຈາກບັນດາປະເທດໃນທະວີບອາຟຣິກາໂດຍຜູ້ແທນຈາກປະເທດຊິມບັບເວ, ບັອດສະວານາ ແລະ  ນາມິເບຍກ່າວວ່າ “ຊ້າງປ່າຄືໂອກາດທາງເສດຖະກິດ”ເຖິງວ່າກ່ອນໜ້ານີ້ ຈະມີບັນດານັກອະນຸກລັກ ແລະນັກສະແດງຜູ້ທີ່ຢູ່ຝນວົງການບັນເທີງລະດັບຮອລລີວູດຈະພະຍາຍາມຮ່ວມກັນປະຊາສໍາພັນຕໍ່ຕ້ານການແຍກລູກຊ້າງອອກຈາກຝູງກໍ່ຕາມ.