ອິຣານ ຢຶດເຮືອຂົນສົ່ງນໍ້າມັນຕ່າງປະເທດ ໃນເຂດຊ່ອງແຄບຮໍມຸຊ

346

ກອງກໍາລັງປ້ອງກັນປະຕິວັດອິຣານ ໄດ້ຢຶດເຮືອບັນທຸກນໍ້າມັນລໍາໜຶ່ງຂອງ “ສັນຊາດຕ່າງປະເທດ” ທີ່ພະຍາຍາມ “ລັກລອບ” ຂົນສົ່ງນໍ້າມັນດິບຜ່ານຊ່ອງແຄບຮໍມຸຊ.

ສຳນັກຂ່າວຕ່າງປະເທດລາຍງານຈາກນະຄອນຫຼວງເຕຫະຣານ ປະເທດອິຣານ ເມື່ອວັນຈັນ ທີ 5 ສິງຫາ ວ່າ ກອງກໍາລັງປ້ອງກັນປະຕິວັດອິຣານ (IRGC) ໄດ້ອອກຖະແຫຼງການ ເມືອວັນອາທິດກ່ຽວກັບການຢຶດເຮືອບັນທຸກຂອງຕ່າງປະເທດ ບໍລິເວນນອກຝັ່ງເກາະຟາຊີ ຕັ້ງຢູ່ສ່ວນໃນຂອງຊ່ອງແຄບຮໍມຸຊ ທາງພາກຕາເວັນຕົກຂອງອີຣານ ແລະ ເກາະຟາຊີ ຍັງເປັນໜຶ່ງໃນສະຖານທີ່ຕັ້ງຂອງກອງທັບໄອອາຈີຊີ ອີກດ້ວຍ ເຖິງຍັງບໍ່ທັນມີການເປີດເຜີຍວ່າ ເຮືອລໍາທີ່ຖືກຢຶດເປັນຂອງປະເທດໃດ  ແຕ່ສໍານັກງານແຫ່ງຊາດອີຣານ (IRNA) ລາຍງານວ່າ ເຈົ້າໜ້າທີ່ໄດ້ຄວບຄຸມລູກເຮືອ 7 ຄົນ ເຊິ່ງເປັນຊາວຕ່າງປະເທດທັງໝົດ ແລະ ຢຶດນໍ້າມັນດິບ ປະມານ 700.000 ບາເຣວ ເຊິ່ງຕ້ອງສົງໃສວ່າລັກລອບນໍາສົ່ງໄປປະເທດທີ 3 ເປັນຂອງກາງໄວ້ກ່ອນ ຈົນກວ່າການສືບສວນແລ້ວສໍາເລັດ.

ຢ່າງໃດກໍ່ຕາມ ສຳນັກຂ່າວອັລ-ມາຢາດິນ ຂອງປະເທດເລບານອນ ລາຍງານວ່າໃນຄວາມເປັນຈິງກອງກໍາລັງ ໄອອາຈີຊີ ໄດ້ຢຶດເຮືອລໍາດັ່ງກ່າວ ຕັ້ງແຕ່ວັນພຸດ ທີ່ຜ່ານມາ.ແຕ່ຫາກໍ່ເປີດເຜີຍ ແລະ ຈຸດໝາຍປາຍທາງຂອງລຳນີ້ ຄື “ບາງປະເທດໃນກຸ່ມອາຣັບ” ທັງນີ້ການຢຶດເຮືອບັນທຸກນໍ້າມັນໂດຍກອງກໍາລັງໄອອາຈີຊີຄັ້ງນີ້ ນັບເປັນຄັ້ງທີ 3 ຕັ້ງແຕ່ເດືອນກໍລະກົດ ຜ່ານມາ ແຕ່ມີພຽງເຮືອ “ເອັມທີຣິອາ”ຂອງສັນຊາດປານາມາ ແລະ ລູກເຮືອຊາວອິນເດຍ 9 ຄົນເທົ່ານັ້ນ ທີ່ຖືກປ່ອຍຕົວ ສ່ວນເຮືອຂອງສະຫະຣາຊະອານາຈັກ ຊື່ວ່າ”ສະເຕນາ ອິມເພໂຣ” ຍັງຖືກຢຶດໄວ້ຕັ້ງແຕ່ຕົ້ນເດືອນກໍລະກົດພ້ອມດ້ວຍລູກເຮືອ 23 ຄົນ ພຽງບໍ່ດົນຫຼັງກອງທັບສະຫະຣາຊະອານາຈັກໄດ້ຢຶດເຮືອບັນທຸກນໍ້າມັນ”ເກຣຊ ວັນ” ຂອງ ອີຣານ ໄປຈອດໄວ້ຢູ່ຢິບຣອລຕາດ້ານສະຫະລັດ ແລະ ສະຫະຣາຊະອານາຈັກ ບໍ່ໄດ້ສະແດງທ່າທີຕໍ່ການຢຶດເຮືອງຂອງໄອອາຈີຊີໃນຄັ້ງນີ້.