ອັງກິດ ອົບພະຍົບປະຊາຊົນ ເນື່ອງຈາກກັງວົນເຂື່ອນໄຟຟ້າ ພົບບ່ອນເສຍຫາຍ

343

ຕຳຫຼວດອັງກິດສັ່ງໃຫ້ອົບພະຍົບປະຊາຊົນຫຼາຍພັນຄົນ ອອກຈາກເມືອງເວລີ ບຣິດຈ໌ ມົນທົນເດີບີ້ ທາງພາກກາງຂອງປະເທດ ເນື່ອງຈາກວ່າອ່າງເກັບນໍ້າອາດຈະຍຸບຕົວລົງ ຫຼັງຈາກກວດກາພົບຈຸດເສຍຫາຍ.

ສຳນັກຂ່າວຣອຍເຕີ ລາຍງານຈາກນະຄອນຫຼວງລອນດອນ ປະເທດອັງກິດ ເມື່ອວັນພະຫັດ ທີ 1 ສິງຫາ ວ່າ ນໍ້າທີ່ໄຫຼອອກຈາກອ່າງເກັບນໍ້າທອດບຣຸ໊ກ ຈາກຮູບທີ່ເຜີຍແຜ່ຜ່ານສື່ ສະແດງໃຫ້ເຫັນຄວາມເສຍຫາຍຂອງເຂື່ອນໃນອ່າງເກັບນໍ້າ ເຊິ່ງຕັ້ງຢູ່ເໜືອເມືອງເວລີ ບຣິດຈ໌ ເຂດມົນທົນເດີບີ້ເຊຍ ທາງພາກກາງຂອງປະເທດອັງກິດ ເຈົ້າໜ້າທີ່ຕຳຫຼວດໄດ້ແຈ້ງໃຫ້ຮູ້ວ່າ ກຳແພງຂອງເຂື່ອນໄດ້ຮັບຄວາມເສຍຫາຍ ຈຶ່ງຂໍໃຫ້ປະຊາຊົນອົບພະຍົບອອກຈາກເມືອງກ່ອນ ເພື່ອຄວາມປອດໄພຂອງປະຊາຊົນ 5 ພັນຄົນ ພ້ອມທັງນຳເອົາສັດລ້ຽງ ແລະ ອຸປະກອນຢາທີ່ຈຳເປັນຕິດໂຕໄປນຳ. ນອກຈາກນັ້ນ, ກໍ່ຍັງໄດ້ແນະນຳໃຫ້ຢູ່ຫ່າງຈາກເມືອງໄວກ່ອນ ເພື່ອຄວາມປອດໄພຂອງຊີວິດປະຊາຊົນ.

ອົງການສິ່ງແວດລ້ອມຂອງອັງກິດໄດ້ແຈ້ງເຕືອນກ່ຽວກັບເລື່ອງໄພນໍ້າຖ້ວມໃນບໍລິເວນຂອງເມືອງເວລີ ບຣິດຈ໌ ເນື່ອງຈາກວ່າລະດັບນໍ້າໃນແມ່ນໍ້າກອຍທ໌ ທີ່ໄຫຼຜ່ານໃຈກາງເມືອງເພິ່ມຂື້ນຢ່າງວ່ອງໄວ.

ຄຳສັ່ງອົບພະຍົບປະຊາຊົນໃນເມືອງເວລີບຣິດຈ໌ ມີຂື້ນເນື່ອງຈາກຝົນທີ່ຕົກລົງມາຢ່າງໜັກເມື່ອສອງວັນຜ່ານມາ ເຮັດໃຫ້ເກີດນໍ້າຖ້ວມກະທັນຫັນໃນຫຼາຍພື້ນທີ່ທາງພາກເໜືອຂອງອັງກິດ ແລະ ຍັງເຮັດໃຫ້ຂົວຫັກຂາດ ແລະ ເສັ້ນທາງເປ່ເພຄວາມເສຍຫາຍ ຫ້ອງການອຸຕຸນິຍົມວິທະຍາວັດແທກປະລິມານນໍ້າຝົນໄດ້50ມິນລີລິດ ໃນໄລຍະ 1 ຊົ່ວໂມງ ຂອງວັນພຸດ ຜ່ານມາ.