ເສຍຊີວິດ – ເຈັບ ຫຼາຍຄົນ ເຫດໄຟໄໝ້ສະຕູດິໂອອານິເມຊັ່ນ ທີ່ມີຊື່ສຽງ ຂອງຍີ່ປຸ່ນ

389

ເມື່ອເວລາ ປະມານ 10:30 ໂມງ ຂອງວັນພະຫັດ ທີ 18 ກໍລະກົດ ຕາມເວລາທ້ອງຖິ່ນ ເກີດເຫດໄຟໄໝ້ສະຕູດິໂອອານິເມຊັ່ນ ໃນເມືອງກຽວໂຕ ທາງພາກຕາເວັນຕົກຂອງປະເທດຍີ່ປຸ່ນ ເຮັດໃຫ້ມີຜູ້ເສຍຊີວິດຫຼາຍຄົນ ເຊິ່ງແຫຼ່ງຂ່າວທ້ອງຖິ່ນຍັງບໍ່ລະບຸຈໍານວນ ສ່ວນຜູ້ໄດ້ຮັບບາດເຈັບກວ່າ 30 ຄົນ ໂດຍ 10 ຄົນ ໃນຈໍານວນນີ້ ມີອາການສາຫັດ.

ເຫດໄຟໄໝ້ເກີດຂຶ້ນທີ່ສະຕູດິໂອສາມຊັ້ນຂອງບໍລິສັດກຽວໂຕອານິເມຊັ່ນ ຈໍາກັດ (KyotoAnimation Co) ເຊິ່ງມີຊື່ສ່ຽງໃນດ້ານການຜະລິດຊີຣີສອານິເມຊັ່ນຍອດນິຍົມທາງໂທລະທັດແລະ ຜົນງານອື່ນໆ.

ຜົນງານຊື່ມີຊື່ສຽງທີ່ສຸດຂອງສະຕູດິໂອນີ້ກໍ່ຄື: ອິນຸຢາສະ (InuYasha), ແຄລນນາດ (Clannad), ເຄ – ອົງ! (K-On!), ຟຣີ! (Free!) ແລະ ປິດສະໜາຄວາມຊົງຈໍາ (Hyouka).

Firefighters work as smoke billows from a three-story building of Kyoto Animation in a fire in Kyoto, western Japan, Thursday, July 18, 2019. Kyoto prefectural police said the fire broke out Thursday morning after a man burst into it and spread unidentified liquid and put fire. (Kyodo News via AP)

ຕໍາຫຼວດທ້ອງຖິ່ນແລະ ຜູ້ເຫັນເຫດການກຸ່ມທໍາອິດໄດ້ໃຫ້ສໍາພາດວ່າ ຊາຍຄົນໜຶ່ງຖືກຄວບຄຸມຕົວຫຼັງຈາກເຈົ້າໜ້າທີ່ພົບວ່າຜູ້ກ່ຽວຖືສິ່ງທີ່ເບິ່ງຄືຈະເປັນນ້ໍາມັນແອັດຊັງ ເຊິ່ງອາດເປັນຕົ້ນຕໍຂອງເຫດການຄັ້ງນີ້.