ປະເທດມຽນມາ ກໍ່ຫຼິ້ນນ້ຳກຸດສົງການ ຫຼື ເທສະການທິນຈັນ

332

ບ້ານໃກ້ເຮືອນຄຽງໃນອາຊ້ຽນທັງໄທ, ມຽນມາ ແລະ ລາວເຮົາ ຕ່າງກໍ່ສະເຫຼີມສະຫຼອງບຸນປີໃໝ່ ຫຼື ກຸດສົງການ ເຊັ່ນກັນ ເຊິ່ງປະເທດມຽນມານັ້ນ ເອີ້ນວ່າ ເທສະການທິນຈັນ.

ສໍານັກຂ່າວເອເອັຟພີ ໄດ້ລາຍງານ ເມື່ອວັນເສົາ ທີ 13 ເມສາ ວ່າ ກຸດສົງການປະເພນີທີ່ສືບທອດຕໍ່ສານກັນມາຍາວນານໃນປະເທດລາວເຮົາຄືມີການເຮັດບຸນໄຫວ້ພະທີ່ວັດຫົດສົງນໍ້່າຜູ້ເຖົ້າຜູ້ແກ່ ຫຼື ການສົມມາ ແລະ ການຫົດນໍ້າກັນ ໃນໄລຍະມື້ກຸດວັນພັກຕາມປະເພນີ 3 ວັນ ສະເຫຼີມສະຫຼອງວັນຂຶ້ນປີໃໝ່ແບບດັ້ງເດີມ ເຊິ່ງປະເທດບ້ານໃກ້ເຮືອນຄຽງໃນອາຊ້ຽນຂອງລາວ ເຊັ່ນໄທ ແລະ ມຽນມາ ກໍ່ມີການສະເຫຼີມສະຫຼອງບຸນກຸດສົງການເຊັ່ນກັນ ທັງເດັກນ້ອຍ, ຄົນໜຸ່ມສາວ ແລະ ຜູ້ໃຫຍ່ ຫົດນໍ້າກັນ ຂະນະທີ່ມີສຽງເພງດົນຕີສຽງດັງໄປທົ່ວ.

ໃນເມືອງຢ່າງກຸ້ງຂອງປະເທດມຽນມາ ກຸດສົງການນັ້ນມີຊື່ເອີ້ນວ່າ ທິນຈັນ ເດັກນ້ອຍຫຼິ້ນຟອງສະບູ່ກັນຢ່າງມ່ວນຊື່ນ ໄວໜຸ່ມສາວກໍ່ໃສ່ຊຸດຕາມປະເພນີເພື່ອຟ້ອນລຳໃກ້ກັບພຣະທາດຊູເລ.

ກຸດສົງການຍັງເປັນໄລຍະເວລາທີ່ອັນຕະລາຍສໍາລັບການເດີນທາງສະເໝີ ຕັ້ງແຕ່ວັນທີ 12 ເມສາ ທີ່ຜ່ານມາ ເຊິ່ງເອີ້ນກັນວ່າ 7 ວັນອັນຕະລາຍ ເພາະປະຊາຊົນຈຳນວນຫຼາຍກໍ່ເດີນທາງກັບຖິ່ນຖານບ້ານເກີດເພື່ອກັບໄປສະເຫຼີມສະຫຼອງກຸດສົງການ ແຕ່ກໍ່ຍັງມີອຸບັດເຫດຮ້າຍແຮງເກີດຂຶ້ນ ເຖິງວ່າທາງພາກລັດຈະກໍານົດບົດລົງໂທດສໍາລັບຜູ້ທີ່ດື່ມສິ່ງມືນເມົາຂະນະຂັບລົດ.