ບຣາຊິນ ຫ້າມໃຊ້ນ້ຳທີ່ປົນເປື້ອນມົນລະພິດຫຼັງເຂື່ອນແຕກ

329
FILE - In this Jan. 29, 2019 file photo, fish swim past mud that was released by the collapse of a mining company's dam, in a tributary that leads to Paraopeba River near a community of the Pataxo Ha-ha-hae indigenous people, in Brumadinho, Brazil. The SOS Mata Atlantica environmentalist group said on Wednesday, Feb. 27, that toxic waste from a mine dam collapse wiped out life in more than half the Paraopeba River that flows past the city where the disaster occurred. (AP Photo/Leo Correa, File)

ທາງການລັດມີນາດ ເກຣາຍ ຂອງບຣາຊິນ ປະກາດຫ້າມປະຊາຊົນໃຊ້ນ້ຳໃນແມ່ນ້ຳ ປາຣາວເປບາ ຍ້ອນກວດພົບວ່ານໍ້າປົນເປື້ອນມົນລະພິດຈາກເຫດການເຂື່ອນແຕກ ເມື່ອເດືອນມັງກອນທີ່ຜ່ານມາ ເຮັດໃຫ້ລະດັບຂອງທາດໂລຫະຢູ່ໃນແມ່ນ້ຳດັ່ງກ່າວສູງກວ່າລະດັບມາດຕະຖານ.

ເຈົ້າໜ້າທີ່ຂອງ ບຣາຊິນ ແຈ້ງໃຫ້ຮູ້ວ່າ: ຂໍ້ກຳນົດກົດລະບຽບໃໝ່ແມ່ນນຳໃຊ້ໃຫ້ແກ່ທຸກໆກໍລະນີ ໂດຍທີ່ບໍ່ໃຫ້ປະຊາຊົນໃຊ້ນ້ຳໃນແມ່ນ້ຳ ປາຣາວເປບາ ທີ່ຍັງບໍ່ທັນໄດ້ຮັບການບຳບັດເທື່ອ ບໍ່ວ່າຈະເປັນການດຳລົງຊີວິດ, ລ້ຽງສັດ ຫຼື ນໍາໃຊ້ໃນພາກກະສິກຳ.

ແຫຼ່ງນ້ຳໃນແມ່ນ້ຳດັ່ງກ່າວ ເກີດມົນລະພິດຫຼັງເຫດການເຂື່ອນກັນນ້ຳເປື້ອນທີ່ປ່ອຍອອກມາຈາກບໍ່ແຮ່ເຫຼັກ Corrego do Feijao ແຕກ ເປັນເຫດໃຫ້ຂີ້ຕົມຫຼາຍພັນແມັດກ້ອນ ແລະ ນ້ຳເປື້ອນໄຫຼລົງສູ່ເຂດຊຸມຊົນ.

ໄພພິບັດໃນຄັ້ງນັ້ນເຮັດໃຫ້ມີຜູ້ເສຍຊີວິດ 179 ຄົນ ແລະ ຍັງມີຜູ້ຫາຍສາບສູນອີກ 131 ຄົນ. ໃນນີ້, ມີ 31 ຄົນ ເປັນພະນັກງານຂອງບໍລິສັດບໍ່ແຮ່ Vale ແລະ ສ່ວນທີ່ຍັງເຫຼືອແມ່ນປະຊາຊົນໃນທ້ອງຖິ່ນ.