UN ເລັ່ງຊ່ວຍ 3 ປະເທດ ອາຟຣິກາ ຫຼັກພັນຄົນ ຈາກພາຍຸໄຊໂຄນ

370

ສະຫະປະຊາຊາດ ແລະ ໜ່ວຍງານພັນທະມິດຫຼາຍແຫ່ງ ຮ່ວມໂດຍລັດຖະບານນານາຊາດ ເລັ່ງຊ່ວຍເຫຼືອປະຊາຊົນຊາວຊິມບັບເວ, ໂມຊຳບິກ ແລະ ນາລາວີ ເຊິ່ງໄດ້ຮັບຜົນກະທົບຢ່າງໜັກຈາກອິດທິພົນຂອງພາຍຸໄຊໂຄນ “ອີດາຍ” ທີ່ພາດຜ່ານເມື່ອອາທິດຜ່ານມາ ແລະ ຈໍານວນຜູ້ເສຍຊີວິດອາດຮອດພັນຄົນ.

ສໍານັກຂ່າວຕ່າງປະເທດລາຍວຽກຈາກນະຄອນຫຼວງມາປູໂຕ ປະເທດໂມຊໍາບິກ ເມື່ອວັນພພຸດ ທີ 20 ມີນາ ວ່າ ສໍານັກງານເພື່ອການປະສານງານດ້ານມະນຸດສະທໍາແຫ່ງສະຫະປະຊາຊາດ (OCHA) ແລະ ອົງການກາແດງສາກົນ (IFRC) ຍັງເຮັດໜ້າທີ່ເປັນໜ່ວຍງານຫຼັກລະດັບນານາຊາດ ໃນການສົ່ງມອບຄວາມຊ່ວຍເຫຼືອໃຫ້ແກ່ປະຊາຊົນໃນໂມຊໍາບິກ, ມາລາວີ ແລະ ຊິມບັບເວ ເຊິ່ງຍັງເດືອດຮ້ອນຢ່າງໜັກຈາກອິດທິພົນຂອງພະຍຸໄຊໂຄນອີດາຍ (Idai) ທີ່ພາດຜ່ານທັງ 3 ປະເທດ ທີ່ຢູ່ທາງຕາເວັນອອກສຽງໃຕ້ຂອງທະວີບອາຟຣິກາ ເມື່ອອາທິດທີ່ຜ່ານມາ.

ປະທານາທິບໍດີຟິລິເປ ເອັນຢູຊີ ຜູ້ນໍາໂມຊໍາບິກ ກ່າວວ່າ ພື້ນທີ່ໄດ້ຮັບຄວາມເສຍຫາຍຮຸນແຮງທີ່ສຸດຄືເມືອງເບຣົາ ຕັ້ງຢູ່ໃນພາກກາງ ໂດຍຈໍານວນຜູ້ເສຍຊີວິດເພິ່ມຂຶ້ນຢ່າງວ່ອງໄວຫຼາຍກວ່າ 200 ຄົນແລ້ວ “ແຕ່ມີແນວໂນ້ມເພິ່ມຂຶ້ນຮອດຫຼັກພັນຄົນ” ແລະ ປະຊາຊົນປະມານ 350.000 ຄົນ ຕ້ອງການຄວາມຊ່ວຍເຫຼືອດ້ານມະນຸດສະທໍາຢ່າງເລັ່ງດ່ວນທີ່ສຸດ ຂະນະທີ່ ດ້ວຍກະແສລົມທີ່ພັດຮຸນແຮງໃກ້ສູນກາງຫຼາຍກວ່າ 170 ກິໂລແມັດຕໍ່ຊົ່ວໂມງ ພາຍຸໄຊໂຄນອິດາຍໄດ້ພາກຊີວິດປະຊາຊົນຊິມບັບເວ ເກືອບ 100 ຄົນ ແຕ່ຍັງສູນຫາຍອີກ 200 ຄົນ ສ່ວນຈໍານວນຜູ້ເສຍຊີວິດໃນມາລາວີ ເພິ່ມຂຶ້ນຢ່າງໜ້ອຍ 176 ຄົນ.

ในภาพอาจจะมี หนึ่งคนขึ้นไป, เด็ก, สถานที่กลางแจ้ง และธรรมชาติ

ທັງນີ້ ອິດທິພົນຂອງໄຊໂຄນອິດາຍຖືເປັນພາຍຸທີ່ມີກຳລັງລົມຮຸນແຮງທີ່ສຸດໃນຮອບຫຼາຍສິບປີ ທີ່ພັດຖະຫຼົ່ມກຸ່ມປະເທດທາງພາກໃຕ້ຂອງທະບີບອາຟຣິກາ ໂດຍມີລັດສະໝີການທຳລາຍກວ້າງຫຼາຍຮ້ອຍກິໂລແມັດ ອົງການອາຫານໂລກ (WFP) ພະຍາຍາມລໍາລຽງອາຫານສໍາລັບປະຊາຊົນ 600.000 ຄົນ ໃຫ້ແກ່ທັງສາມປະເທດ ແຕ່ກໍ່ຜະເຊີນກັບອຸປະສັກຄືລະດັບນໍ້າທີ່ຍັງຖ້ວມສູງ, ກະແສລົມພັດແຮງ ແລະ ເສັ້ນທາງຄົມມະນາຄົມສາຍຫຼັກທີ່ຖືກຕັດຂາດເພາະພາຍຸ. ໃນເວລາດຽວກັນ, ປະເທດໃກ້ຄຽງທັງອາຟຣິກາໃຕ້ ບັອດສະວານາ, ນາມິເບຍ ແລະ ແອງໂກລາ ຕະຫຼອດຈົນປະເທດທີ່ຢູ່ຫ່າງໄກເຊັ່ນສະຫະລັດ ອາຣັບ ເອມິເຣສ (UAE) ໄດ້ສົ່ງເຄື່ອງຍົນລໍາລຽງສິ່ງຂອງຊ່ວຍເຫຼືອມາຢ່າງຕໍ່ເນື່ອງ.

ในภาพอาจจะมี หนึ่งคนขึ้นไป และสถานที่กลางแจ้ง

ສ່ວນດ້ານສະຖານທູດອາເມລິກາປະຈຳນະຄອນຫຼວງຮາຣາເຣ ປະເທດຊິມບັບເວ ປະກາດເປັນສູນການຂອງສະຖານທູດອາເມຣິກາ ໃນພາກພື້ນ ເພື່ອຮວບຮວມສິ່ງຂອງຊ່ວຍເຫຼືອ ສ່ວນສະຫະພາບເອີຣົບ (EU) ບໍລິຈາກເງິນເບື້ອງຕົ້ນ 3,9 ລ້ານໂດລາ (ປະມານ 33 ຕື້ກີບ) ຜ່ານທາງສະຫະປະຊາຊາດ (UN) ແລະ ສະຫະຣາຊະອານາຈັກ ໄດ້ບໍລິຈາກຕ່າງຫາກອີກ 7,9 ລ້ານໂດລາ (ປະມານ 67 ຕື້ກີບ).