ເປັນທາງການ! ຄາວານີ ຕໍ່ສັນຍາກັບ ແມນເຊັສເຕີ ຢູໄນເຕັດ ເຖິງປີ 2022

271

ເອດິນສັນ ຄາວານີ ກອງໜ້າປະສົບການສູງ ຕັດສິນໃຈຕໍ່ສັນຍາກັບ ແມນເຊັສເຕີ ຢູໄນເຕັດ ຈົນເຖິງປີ 2022 ຢ່າງເປັນທາງການ.

ກ່ອນໜ້ານີ້, ນັກຂ່າວທີ່ມີຊື່ສຽງຟາບິຊິໂອ ໂຣມາໂນ (Fabrizio Romano) ລາຍງານວ່າ ເອດິນສັນ ຄາວານີ (Edinson Cavani) ອະດີດກອງໜ້າປາຣີສ ແຊັງແຊັກແມັງ ໄດ້ບັນລຸຂໍ້ຕົກລົງກັບ ແມນເຊັສເຕີ ຢູໄນເຕັດ ໃນການຂະຫຍາຍສັນຍາສະບັບໃໝ່ 1 ປີ ຫຼື ຈົນຈົບລະດູການ 2021-2022 ຫຼັງຈາກສ້າງຜົນງານໄດ້ຢ່າງໂດດເດັ່ນ ໃນລະດູການນີ້ ໂດຍຍິງໄດ້ 15 ປະຕູ ຈາກການລົງສະໜາມ 35 ນັດ ໃນທຸກລາຍການ.

อาจเป็นรูปภาพของ 1 คน, กำลังเล่นกีฬา และข้อความพูดว่า "CHEVROLE"

ເມື່ອບໍ່ດົນມານີ້ ປະມານເກືອບທ່ຽງຄືນຂອງວັນຈັນ ທີ 10 ພຶດສະພາ ເວັບໄຊທ໌ທາງການຂອງແມນເຊັສເຕີ ຢູໄນເຕັດ ໄດ້ຖະແຫຼງການວ່າ ໄດ້ຂະຫຍາຍສັນຍາກັບດາວຍິງ ປະສົບການສູງ ທີມຊາດອຸຣຸກວາຍ ອາຍຸ 34 ປີ ອອກໄປຈົນເຖິງເດືອນມິຖຸນາ 2022 ເປັນທີ່ຮຽບຮ້ອຍ.

ຫຼັງຈາກຕໍ່ສັນຍາ ຄາວານີ ກ່າວວ່າ “ການຢູ່ທີ່ນີ້ ຂ້ອຍຮູ້ສຶກໝັ້ນໃຈຈາກຜູ້ຈັດການທີມ ໃນຖານະນັກເຕະຄວາມເຊື່ອໝັ້ນດັ່ງກ່າວຈະໃຫ້ເຮົາມີໂອກາດສ້າງຜົນງານໄດ້ທີ່ດີທີ່ສຸດ ແລະ ຂ້ອຍຕ້ອງຂໍຂອບໃຈລາວສຳລັບສິ່ງນັ້ນ”.

อาจเป็นรูปภาพของ 1 คน และข้อความพูดว่า "adidas UNITED AON"

“ຂ້ອຍຍັງບໍ່ສາມາດສ້າງຜົນງານ ແລະ ມີຄວາມສຸກຕໍ່ໜ້າແຟນບານ ໃນສະໜາມໂອລດ໌ ແທຣັຟຟອດ ໄດ້ ແລະ ນັ້ນຄືສິ່ງທີ່ຂ້ອຍອົດໃຈຖ້າບໍ່ໄຫວ” ຄາວານີ ກ່າວລົງທ້າຍ.