ສື່ລາຍງານ ເດ ເຄອາ ຈະຕໍ່ສັນຍາຍາວກັບ ແມນຢູ 5 ປີ ຮັບຄ່າຈ້າງມະຫາສານ

488

ສື່ຈາກອັງກິດລົງຂ່າວດາວິດ ເດ ເຄອາ ຜູ້ຮັກສາປະຕູມືໜຶ່ງທີມຊາດສະເປນ ຕົກລົງທີ່ຈະເຊັນສັນຍາສະບັບໃໝ່ກັບ ແມນເຊັສເຕີຢູໄນເຕັດ ເປັນທີ່ຮຽບຮ້ອຍແລ້ວ ໂດຍນັກເຕະຈະໄດ້ຮັບຄ່າຕອບແທນມະຫາສານຫຼັງຫັກພາສີແລ້ວ ເຖິງ13,3 ລ້ານປອນ (ປະມານ 146,5 ຕື້ກີບ) ຕໍ່ລະດູ.

ເດລີ ເຣັກຄອດ ສື່ທີ່ມີຊື່ສຽງຂອງອັງກິດ ລາຍງານວ່າ ດາບິດ ເດ ເຄອາ (David de Gea) ຜູ້ຮັກສາປະຕູມືໜຶ່ງຂອງທີມ ຕັດສິນໃຈຈະຕໍ່ສັນຍາກັບ ແມນເຊັສເຕີ ຢູໄນເຕັດ ແລ້ວ ໂດຍນັກເຕະຊາວສະເປນນິສ ຈະເຊັນສັນຍາຍາວ 5 ປີ ພ້ອມທັງກາຍເປັນນັກເຕະທີ່ໄດ້ຮັບຄ່າຈ້າງຫຼາຍທີ່ສຸດໃນທີມອີກດ້ວຍ.

ຜູ້ຮັກສາປະຕູມື ຂອງແມນເຊັສເຕີ ຢູໄນເຕັດ ຕົກເປັນຂ່າວສະຖານະການກ່ຽວກັບອະນາຄົດກັບຕົ້ນສັງກັດມາດົນ ເມື່ອຕົວນັກເຕະບໍ່ຍອມຕໍ່ສັນຍາສະບັບໃໝ່ ທີ່ຈະສິ້ນສຸດລົງ ຫຼັງສິ້ນສຸດລະດູການນີ້ ຈຶ່ງເຮັດໃຫ້ ເດ ເຄອາ ສາມາດເຊັນສັນຍາລ່ວງໜ້າກັບສະໂມສອນໃດກໍ່ໄດ້ແບບໍ່ມີຄ່າຕົວ ໃນໄລຍະຕະຫຼາດຊື້-ຂາຍນັກເຕະ ທີ່ຈະມາເຖິງໃນເດືອນມັງກອນ 2020 ນີ້.

ທັງນີ້ຂ່າວດັ່ງກ່າວເຮັດໃຫ້ອະນາຄົດຂອງ ເອ ເຄອາ ກັບ ແມນເຊັສເຕີຢູໄນເຕັດ ຊັດເຈນຂຶ້ນ ເມື່ອກ່ອນໜ້ານີ້ ມີລາຍງານວ່າຫຼາຍສະໂມສອນ ຕ້ອງການທີ່ຈະເຊັນສັນຍາກັນເດ ເຄອາ ເຊັ່ນ: ເຣອັລ ມາດຣິດ, ປາຣີສ ແຊັງແຊັກແມັງ ແລະ ຢູເວັນຕູສ.