‘’ ບໍ່ມີສິ່ງໃດທີ່ເຮັດບໍ່ໄດ້ ຂໍພຽງແຕ່ເຮົາຕັ້ງໃຈ ແລະ ມີເປົ້າໝາຍທຸກຢ່າງສາມາດປະສົບຜົນສຳເລັດຢ່າງແນ່ນອນ ’’

148

ມື້ນີ້ຈະມາແນະນຳສາວງາມໃນເວທີປະກວດ Miss Universe Laos 2021  ປາຖະໜາ ອຸດທະຍອດ ຫຼຶ ຄິດຕີ້ ໝາຍເລກ001 ປັດຈຸບັນອາຍຸ 20 ປີ ສ່ວນສູງ 170 ຊັງຕີແມັດ, ກໍາລັງສຶກສາຢູ່ມະຫາວິທະຍາໄລເເພດສາດ ສາຂາເເພດທົ່ວໄປທີ່ ສປ ຈີນ.

May be an image of 1 person and standing

ຜ່ານມາຄິດຕີ້ເຄີຍລົງປະກວດນາງສາວລາວ ໄດ້ເຂົ້າຮອບ 40 ຄົນ ປີນີ້ຈຶ່ງເຮັດໃຫ້ຕັດສິນໃຈລົງປະກວດອີກຄັ້ງ ຄວາມໃຝ່ຝັນສຳລັບການປະກວດເວທີນີ້ກໍຄືຢາກເປັນຕົວເເທນແມ່ຍິງລາວນຳເອົາຄວາມເປັນລາວໄປເຜີຍແຜ່ໃຫ້ຕ່າງຊາດໄດ້ຮູ້, ນ້ອງຢາກໃຫ້ປະເທດເຮົາເປັນທີ່ຮູ້ຈັກໃນລະດັບສາກົນໃຫ້ຫຼາຍຂຶ້ນ ແລະ ນ້ອງກໍຢາກເປັນແຮງບັນດານໃຫ້ໄວໜຸ່ມຍິງ ກ້າກ້າວຕາມຄວາມຝັນຂອງຕົນເອງ ໃຫ້ເຊື່ອໝັ້ນໃນຕົນເອງ ແລະ ເປັນຕົວເອງໃນແບບທີ່ເຈົ້າຕ້ອງການ.

May be an image of 1 person and standing

ຄະຕິປະຈຳໃຈຂອງຄິດຕີ້ແມ່ນ: ‘’ ບໍ່ມີສິ່ງໃດທີ່ເຮັດບໍ່ໄດ້ ຂໍພຽງແຕ່ເຮົາຕັ້ງໃຈ ແລະ ມີເປົ້າໝາຍທຸກຢ່າງສາມາດປະສົບຜົນສຳເລັດຢ່າງແນ່ນອນ ’’, ຖ້າຫາກວ່າຜ່ານເຂົ້າຮອບເລິກໆໄດ້ ສິ່ງທີ່ຄິດຕີ້ຈະສະແດງໃຫ້ທຸກຄົນໄດ້ເຫັນກໍຄືຄວາມສາມາດດ້ານສິລະປະ ກໍຄືການຟ້ອນລຳ ແລະ ຄວາມສາມາດດ້ານກີລາ; ຄິດຕີ້ ຄິດວ່າຕົນເອງມີຈຸດເດັ່ນທີ່ຈະສາມາດເອົາຊະນະໃຈກຳມະການໄດ້ນັ້ນຄື: ຄວາມຕັ້ງໃຈ, ມຸ່ງໝັ້ນ, ບວກກັບພອນສະຫວັນທີ່ນ້ອງມີເໜືອສິ່ງອື່ນໃດຄືການທີ່ນ້ອງເປັນຕົວຂອງຕົວເອງ, ກ້າຄິດ ແລະ ກ້າສະແດງອອກ ນ້ອງຄິດວ່າສິ່ງນີ້ແລະຄືສິ່ງທີ່ຈະສະແດງໃຫ້ເຫັນວ່ານ້ອງມີຄວາມພ້ອມກັບການປະກວດໃນຄັ້ງນີ້.

May be a closeup of 1 person

ຜ່ານມາໄດ້ມີການປະກອບສ່ວນຊ່ວຍເຫຼືອສັງຄົມຄື ຮັບບໍລິຈາກເຄື່ອງອຸປະກອນການຮຽນໃຫ້ກັບນ້ອງໆທີ່ຫ່າງໄກສອກຫຼີກຢູ່ແຂວງຫຼວງນ້ຳທາ ແລະ ຖ້າມີໂອກາດກໍຢາກຈະປະກອບສ່ວນໃນການຊ່ວຍເຫຼືອສັງຄົມໃນຫຼາຍດ້ານເລີຍຕາມກໍາລັງແຮງ. ສ່ວນກິດຈະກຳຍາມວ່າງມັກຈະອອກກຳລັງກາຍ ແລະ ໃຊ້ເວລາຢູ່ນຳຄອບຄົວ, ມັກຟັງເພງ ແລະ ອ່ານບົດຄວາມຕ່າງໆຕາມສື່ອອນລາຍ ເພື່ອຜ່ອນຄາຍ ແລະ ເພີ່ມພູນຄວາມຮູ້ໃໝ່ໆໃຫ້ຕົນເອງ.

May be an image of 1 person and standing

ສຸດທ້າຍນີ້ ຝາກທຸກຄົນຊ່ວຍເຊຍ ແລະ ເປັນກໍາລັງໃຈໃຫ້ຄິດຕີ້ແດ່ເດີ ສາມາດຕິດຕາມຜົນງານ ແລະ ການເຄື່ອນໄຫວຕ່າງໆ ຂອງຄິດຕີ້ໄດ້ຜ່ານທາງເຟສບຸ໊ກສ່ວນຕົວ Pathana Outthayoth.

ຮູບ: Pathana Outthayoth.