ເຊຍຕົວແທນສາວກຶມມຸ ລິນຄຳ ຄຼີນຍາເຍີ ໝາຍເລກ003 ແດ່ເດີ

114

ເຮົາມາທໍາຄວາມຮູ້ຈັກກັບສາວຄົນນີ້ໃຫ້ຫຼາຍຂຶ້ນໂດຍຜ່ານບົດສໍາພາດນີ້ນໍາກັນ ແນະນໍາຮູ້ຈັກ ລິນຄຳ ຄຼີນຍາເຍີ ຜູ້ເຂົ້າປະກວດ Miss Universe Laos 2021 ໝາຍເລກ003 ຈາກແຂວງອຸດົມໄຊ ປັດຈຸບັນກຳລັງກຽມພາສາຈີນເພື່ອໄປສຶກສາຕໍ່ທີ່ ສປ ຈີນ ຄະນະອັກສອນສາດພາສາຈີນ ລະດັບປະລີນຍາຕີ.

May be a closeup of 1 person

ຜົນງານການປະກວດເວທີທີ່ຜ່ານມາໃນປີ 2018 ນ້ອງໄດ້ເຂົ້າຮ່ວມປະກວດນາງສາວລາວ ເຊິ່ງນ້ອງເອງເປັນຕົວແທນຂອງ ແຂວງອຸດົມໄຊ ສົ່ງເຂົ້າປະກວດແມ່ນຕິດ Top 40  ແລະ ໃນປີຕໍ່ມາ 2019 ນ້ອງໄດ້ເຂົ້າປະກວດນາງສາວກຶມມຸແຂວງອຸດົມໄຊ ແມ່ນໄດ້ຮັບລາງວັນຊະນະເລີດ, ເປັນຕົວແທນນາງສາວກຶມມຸແຂວງອຸດົມໄຊປີ2019.

May be an image of 1 person, standing and outdoors

ເວົ້າເຖິງຄວາມໃຝ່ຝັນຂອງນ້ອງກັບເວທີນີ້ ນ້ອງເອງກໍເປັນຄົນໜຶ້ງທີ່ຢາກເປັນຕົວແທນສາວລາວ ໃນມິສຢູນິເວີສ ເວທີລະດັບຈັກກະວານ ເພາະນ້ອງຢາກສະແດງຄວາມຮູ້ຄວາມສາມາດ ແລະ ຄວາມເປັນເອກະລັກຂອງຕົນເອງໃນແບບສາວກຶມມຸ ໄປສູ່ສາຍຕາຂອງໃຜຫຼາຍໆຄົນ ພ້ອມທັງຢາກໃຫ້ຊາວໂລກຮັບຮູ້ວ່າແມ່ຍິງລາວມີຄວາມຮູ້, ຄວາມສາມາດ, ພ້ອມເຜີຍແຜ່ວັດທະນະທຳທີ່ມີເອກະລັກສູ່ສາຍຕາຄົນທັງໂລກເທິງເວທີຈັກກະວານ ແລະ ຄວາມຝັນການເຮັດວຽກໃນວົງການບັນເທິງກໍຄືການຢາກເປັນນາງແບບ, ນັກສະແດງ ແລະ ພິທິກອນພາສາກຶມມຸ.

ຄະຕິປະຈຳໃຈຂອງນ້ອງແມ່ນ ‘’ ກ້າວໄປທາງໜ້າ ແລະ ເຮັດທຸກບາດກ້າວໃຫ້ດີທີ່ສຸດ’’, ຖ້ານ້ອງສາມາດຜ່ານເຂົ້າຮອບເລິກໆໄດ້ຢາກຈະສະແດງທັດສະນະຄະຕິຂອງນ້ອງ ພ້ອມກັບໂຄງການ ການສຶກສາໃຫ້ໂອກາດກັບເດັກນ້ອຍຊົນເຜົ່າໃນເຂດຊົນນະບົດ ພ້ອມຂັບລຳກຶມມຸ ຫຼື ວ່າເຕີມ, ເຈີມ ເພາະມັນເປັນສິ່ງທີ່ບົ່ງບອກຕົວຕົນຂອງນ້ອງໄດ້ເປັນຢ່າງດີ.

ໃນການປະກວດຄັ້ງນີ້ ນ້ອງໄດ້ກຽມຕົວໃນການຕອບຄຳຖາມ ແລະ ດ້ານຕ່າງໆ, ການຍ່າງ, ການຕອບຄຳຖາມຢ່າງມີໄຫວພິບ ແລະ ຫຼາຍໆຢ່າງໃນຕົວນ້ອງທີ່ຄິດວ່າຍັງຂາດກໍຈະຕື່ມແຕ່ງ ແລະ ຝຶກຝົນຕົນເອງໄປເລື້ອຍໆ ນ້ອງກໍໄດ້ຝຶກຕາມນາງງາມຮຸ່ນເອື້ອຍຂອງ Miss Universe ທີ່ຜ່ານມາບໍ່ວ່າຈະເປັນການຍ່າງການວາງຕົວ ແລະ ຄວາມເປັນຕົວຂອງຕົວເອງ.

May be an image of 1 person and standing

ຜ່ານມານ້ອງຍັງບໍ່ເຄີຍໄດ້ຮ່ວມວົງການບັນເທິງລາວເທື່ອຖ້າມີໂອກາດນ້ອງກໍຈະຮັບ ແລະ ເຮັດໃຫ້ດີທີ່ສຸດ ຝາກທຸກຄົນຊ່ວຍສະໜັບສະໜູນ ແລະ ເປັນກໍາລັງໃຈ ໝາຍເລກ003 ແດ່ເດີ ເຟສບຸ໊ກ N`Linkham Ssll.

ຮູບ: N`Linkham Ssll.