ນີວັນ ເປົ້າໝາຍຄືການຢາກເປັນຕົວແທນນາງງາມລາວໃນເວທີສາກົນ

192

ຈະກັບມາສ້າງຄວາມຕື່ນຕາຕື່ນໃຈໃຫ້ກັບແຟນໆນາງງາມອີກຄັ້ງກັບເວທີ Miss Universe Laos ເປີດຮັບສະໝັກຕັ້ງແຕ່ມື້ນີ້ຈົນເຖິງວັນທີ 29 ກັນຍາ 202 1 ນີ້ ເຊິ່ງປັດຈຸບັນເວທີນີ້ໄດ້ເປີດໂອກາດໃຫ້ກັບສາວໆຜູ້ທີ່ມີຄວາມຝັນ ແລະ ມັກຮັກໃນວົງການນາງງາມໄດ້ສະແດງສັກກະຍະພາບທີ່ມີ.

May be an image of 1 person and standing

ມື້ນີ້ຈະແນະນໍາໃຫ້ທຸກຄົນໄດ້ຮູ້ຈັກກັບສາວງາມຜູ້ເຂົ້າປະກວດ ນີວັນ ຕູ່ວີກື້ ຫຼື ນີ ໝາຍເລກ 04 ສ່ວນສູງ 165 cm ປັດຈຸບັນອາຍຸ 25 ປີ ຈາກແຂວງຫົວພັນ, ຈົບການສຶກສາຈາກ ສສ ຫວຽດນາມ ເຊິ່ງຜ່ານມານີ້ເຄີຍຮ່ວມການປະກວດເວທີ Miss World Laos 2021 ແຕ່ໄປບໍ່ເຖິງຝັນ, ສະນັ້ນຈຶ່ງເຮັດໃຫ້ ນີ ຕັດສິນໃຈກັບມາປະກວດອີກຄັ້ງ ແລະ ເຖິງວ່າໃນເວທີຜ່ານມາ ນີບໍ່ໄດ້ເຂົ້າຮອບເລິກໆແຕ່ຢ່າງໜ້ອຍນີກໍໄດ້ປະສົບການໃຫ້ຕົນເອງ, ຮຽນຮູ້ອີກຫຼາຍຢ່າງ ໄດ້ມິດຕະພາບຈາກໝູ່ເພື່ອນທີ່ຮ່ວມປະກວດນໍາກັນ ເຊິ່ງຈາກຈຸດເລີ່ມຕົ້ນນັ້ນແລະ ທີ່ເຮັດໃຫ້ມັກຮັກໃນດ້ານນີ້ ແລະ ຢາກເຮັດວຽກໃນວົງການບັນເທີງ.

May be an image of 1 person and standing

ສໍາລັບ ຄະຕິ ປະຈຳໃຈແມ່ນ: ‘’ແຂງແກ່ນ ແຕ່ບໍ່ແຂງກະດ້າງ ອ່ອນໂຍນ ແຕ່ບໍ່ອ່ອນແອ” ໃຫ້ສົມກັບເປັນແມ່ຍິງລາວທີ່ທັນສະໄໝ ຄືການມີກິລິຍາມາລະຍາດທີ່ອ່ອນໂຍນ, ອ່ອນນ້ອມ ແຕ່ໃນຂະນະດຽວກັນກໍມີຄວາມເຂັ້ມແຂງ ແລະ ພ້ອມຈະຜ່ານຜ່າທຸກອຸປະສັກບັນຫາທີ່ເຂົ້າມາ ເຊິ່ງການທີ່ນີເລືອກປະກວດເວທີນີ້ ເພາະນີມີຄວາມຝັນສູງສຸດກໍຄືວ່າຢາກເປັນຕົວແທນຂອງສາວລາວໃນເວທີສາກົນ ໃນການເປັນກະບອກສຽງໜຶ່ງເພື່ອເຜີຍແຜ່ວັດທະນະທໍາ ແລະ ສະຖານທີ່ທ່ອງທ່ຽວຂອງລາວໃຫ້ຊາວໂລກໄດ້ຮັບຮູ້ເຖິງຄວາມເປັນລາວ.

ຈຸດເດັ່ນຂອງນີເອງຄິດວ່າງາມຢ່າງໝັ້ນໃຈ ບໍ່ວ່າຈະໜ້າຕາແບບໃດ, ຜິວສີໃດ, ຄົນຊົນເຜົ່າໃດກໍຕາມ ກໍມີຄວາມຮູ້, ຄວາມສາມາດ ແລະ ໄຫວພິບປະຕິພານບໍ່ແພ້ກັນ ສິ່ງນີ້ແລະທີ່ສາມາດເອົາຊະນະໃຈຄະນະກຳມະການ ແລະ ເປັນ Miss Universe Laos 2021 ຫຼື ຈັກກະວານໄດ້. ກ່ອນການປະກວດນີໄດ້ມີການກຽມຕົວຫຼາຍຢ່າງເລີຍບໍ່ວ່າຈະເປັນການຝຶກຊ້ອມຍ່າງ, ຝຶກຕອບຄໍາຖາມ ແລະ ປັບທັດສະນະຄະຕິອື່ນໆອີກຫຼາຍຢ່າງ.

May be an image of 1 person and standing

ຖ້າໄດ້ຕຳແໜ່ງອັນຊົງກຽດຈາກເວທີນີ້ ນີຢາກປະກອບສ່ວນເພື່ອຊ່ວຍເຫຼືອສັງຄົມ ໂດຍສະເພາະແມ່ນເດັກນ້ອຍທີ່ດ້ອຍໂອກາດຢູ່ເຂດຫ່າງໄກສອກຫຼີກ, ບໍ່ມີໂອກາດໄດ້ຮ່ຳຮຽນຕາມຈຸດປະສົງ ໃຫ້ໄດ້ຮັບໂອກາດຄືກັບຄົນທົ່ວໄປໃນສັງຄົມ ເຊິ່ງເວລາວ່າງນີກອອກກຳລັງກາຍ, ອ່ານຂ່າວນາງງາມ ແລະ ອີກຫຼາຍທີ່ຢ່າງທີ່ກ່ຽວກັບວົງການນາງງາມ.

ສຸດທ້າຍນີ້ຂໍຝາກທຸກຄົນຊ່ວຍເຊຍໃຫ້ເຂົ້າຮອບເລິກໆແດ່ເດີ ສາມາດຕິດຕາມຜົນງານການເຄື່ອນໄຫວຕ່າງໆຂອງນີໄດ້ຜ່ານທາງ ເຟສບຸ໊ກສ່ວນຕົວ NI Ny.

ຮູບ: NI Ny