ມາອັບເດດສາວໝັ້ນມະຫາສະເໜ່ ໃນຊີຣີ ສະບາຍດີຊໍາເໜືອ

194

ຍິ່ງເວລາຜ່ານໄປຍິ່ງງາມຂຶ້ນກັບ ສາວ ມາລາວອນ ສິງທອງປະດິດ ຮູ້ຈັກກັນດີໃນນາມ (Took the wow) ເປັນທັງນາງແບບ ແລະ ນັກສະແດງ ທີ່ບໍ່ວ່າຈະເຄື່ອນໄຫວເຮັດຫຍັງກໍຈະມີແຟນໆໃຫ້ຄວາມສົນໃຈເປັນພິເສດເລີຍ ເພາະສາວຄົນນີ້ມີເອກະລັກສະເພາະຕົວ ແລະ ຖ້າໃຜໄດ້ຢູ່ໃກ້ ກໍຈະມີຄວາມສຸກ ແລະ ຮອຍຍິ້ມໄປນໍາ.

May be an image of 1 person and standing

ເຊິ່ງ ຕຸກ ເລີ່ມເຂົ້າສູ່ວົງການເປັນຈິງເປັນຈັງແມ່ນຕອນ ປະກວດ The Wow Laos ປີ2016,​ ແຕ່ກ່ອນໜ້ານີ້ແມ່ນເຮັດຫຼາຍຢ່າງ ບໍ່ວ່າຈະເປັນນັກເຕັ້ນ,​ ສະແດງຮູບເງົາສັ້ນ ແລະ ຊີຣີ ສະແດງໂຄສະນາເປັນຕົ້ນ, ປັດຈຸບັນກໍາລັງມີຜົນງານຊີຣີ ທີ່ໃກ້ຈະສາຍໃຫ້ທຸກຄົນໄດ້ຮັບຊົມໄວໆນີ້ ເຊິ່ງເລີ່ມທໍາອິດເລີຍກ່ອນຈະໄດ້ຮ່ວມສະແດງໃນຊີຣີເລື່ອງນີ້ແມ່ນທາງ ໄຕ໋ບ້ານ Production​ ໄດ້ທາບທາມໃຫ້ມາຫຼິ້ນສະບາຍດີຊຳເໜືອ ເລີຍຕອບຮັບຫຼິ້ນເລື່ອງນີ້.

ຄວາມຮຸ້ສຶກຕອນໄດ້ສະແດງ ມ່ວນດີເພາະໃນກອງນີ້ເປັນກັນເອງ ໂດຍສະເພາະພະເອກນ້ອງເທເລີກັບຕຸກຈະເປັນຕົວປ່ວນໃນກອງເລີຍ ເຮັດໃຫ້ທຸກຄົນມີຮ່ອຍຍີ້ມ ແລະ ສຽງຫົວ​, ຄາແລັກເຕີ້ໃນ ຊີຣີ ຈະແຕກຕ່າງກັບຊີວິດຈິງໃນດ້ານນິດໄສທັດສະນະຄະຕິ ໃນເລື່ອງຕຸກຈະເປັນເລຂາຕຸກ ທີ່ມີນິດໄສເຫັນແກ່ຕົວ, ເອົາແຕ່ໃຈ ໃຊ້ແສງຫູແສງຕາມາກ່ອນເລີຍ ຮ່າຮ່າ ແຕ່ໃນຊີວິດຈິງຈະເປັນຄົນເຮຮາ,​ ຕະລົກ,​ ໃຈດີ. ພ້ອມທັງເປັນຄົນສະບາຍໆ ແຕ່ກໍມັກແຕ່ງຕົວໃນແບບທີ່ຕົວເອງມັກ ບໍ່ຄ່ອຍຄືໃຜ ບາງມື້ກໍເຊັກຊີ ບາງມື້ກໍເສື້ອຢືດໂສ້ງຂາສັ້ນໜ້າສົດອອກເຮືອນ ຮ່າຮ່າ ເວລາວ່າງມັກຟັງເພງເບິ່ງຮູບເງົາ ແລະ  ມ່ວນຊື່ນກັບການກິນ.

May be an image of 1 person and standing

ສຸດທ້າຍກໍຂໍຝາກຜົນງານ ກັບ ຊີຣີ ສະບາຍດີຊຳເໜືອພາກ2 ແດ່ເດີທຸກຄົນ ແລະ ກໍຂໍຝາກຜົນງານຖ່າຍ MV ” I Wanna ” ຂອງ ວົງ Mset075 (ຝາກເຖິງນ້ອງໆທີ່ມີຝັນ ຢາກໃຫ້ລົງມືເຮັດບໍ່ຕ້ອງຟັງສຽງຄົນອື່ນທີ່ເວົ້າໃຫ້ ພຽງເຊື່ອໝັ້ນໃນຕົວເຮົາວ່າເຮົາເຮັດໄດ້ ເຮົາກໍສາມາດເຮັດຝັນໃຫ້ເປັນຈິງໄດ້); ສຸດທ້າຍຝາກຕິດຕາມຜົນງານຕຸກໄດ້ທີ່ Facebook:​ Malavone​ took Singthongpadith​ ແລະ ig took_the_wow.

ຮູບ: Malavone​ took Singthongpadith​