ຄວາມຝັນຄືກ້າວເຂົ້າສູ່ວົງການບັນເທີງ ໜຸ່ມກ້າມໃຫຍ່ ຈອນນີ້ ລັດຕະນະວົງ

129

ມື້ນີ້ທໍາຄວາມຮູ້ຈັກກັບອີກໜຶ່ງໜຸ່ມໃນເວທີປະກວດຊາຍງາມ Mister Laos Mister International Laos 2021 ຜູ້ຜ່ານເຂົ້າຮອບ 20 ຄົນ ໜຸ່ມກ້າມໃຫຍ່ ລັດຕະນະວົງ ບຸດດີ ຫຼື ຈອນນີ້ MR10 ປັດຈຸບັນອາຍຸ 26 ປີ ກໍາລັງສຶກສາທີ່ ສສ ຫວຽດນາມ ເປັນຕົວແທນຈາກນະຄອນຫຼວງວຽງຈັນນີ້ເອງ. ສາວໆຄົນໃດເຫັນກໍຕ້ອງໃຈລະລາຍ ກັບກ້າມໝັດໃຫຍ່ທີ່ໄດ້ຈາກການອອກກໍາລັງກາຍ ເຮັດໃຫ້ມີຮູບຮ່າງ ແລະ ສຸຂະພາບທີ່ດີ.

May be an image of 1 person, standing and outdoors

ໜຸ່ມຈອນນີ້ ໃຫ້ຮູ້ວ່າ: ເວທີ Mister Laos Mister International Laos ຄືເວທີທໍາອິດທີ່ໄດ້ເຂົ້າປະກວດເລີຍ ເພາະບໍ່ເຄີຍຜ່ານເວທີໃດມາກ່ອນ ການເຂົ້າປະກວດໃນເວທີນີ້ກໍຄືການເລີ່ມຕົ້ນ ຫຼື ກຽມພ້ອມທີ່ຈະເຂົ້າໃນວົງການບັນເທີງໃນອະນາຄົດ ບໍ່ວ່າຈະເປັນການເດີນແບບ ຫຼືລື ຖ່າຍແບບຕ່າງໆ ເຊິ່ງເປົ້າໝາຍໃນເວທີນີ້ ກໍຄືການຢູ່ໃນລະດັບທັອບຂອງເວທີ ແລະ ໄດ້ຕໍາແໜ່ງອັນຊົງກຽດມາຄອບຄອງ ເພື່ອຈະເປັນປະຕູໃນອະນາຄົດໃຫ້ຕົນເອງໄດ້ກ້າວເຂົ້າສູ່ວົງການບັນເທີງ.

May be an image of 1 person and standing

ສິ່ງທີ່ເປັນຄວາມສາມາດຂອງຕົນເອງຢາກຈະສະແດງອອກສູ່ສາຍຕາທຸກຄົນ ແມ່ນການລຳມວຍໄຫວ້ຄູຄືສິລະປະຂະແໜງໜຶ່ງທີ່ຢູ່ຄູ່ຊາວລາວເຮົາມາແຕ່ສະໄໝບູຮານ ແລະ ເປັນອີກສິ່ງໜຶ່ງທີ່ບົ່ງບອກເຖິງຄວາມເປັນລາວເຮົາໄດ້ເປັນຢ່າງດີ ຈອນນີ້ເອງກໍຢາກຈະນໍາວັດທະນະທໍາ ແລະ ຄວາມເປັນລາວນີ້ໄປເຜີຍແຜ່ໃຫ້ສາກົນໄດ້ຮັບຮູ້.

ສໍາລັບ ຈອນນີ່ ຄິດວ່າຕົນເອງມີຈຸດເດັ່ນຢູ່ທີ່ຮ່າງກາຍ ເພາະຜ່ານການຝຶກຝົນມາຢ່າງໜັກເປັນເວລາດົນນານພໍສົມຄວນເປັນຈຸດເດັ່ນອີກຢ່າງທີ່ນ້ອງມີ ນອກຈາກຮ່າງກາຍແລ້ວກໍຈະແມ່ນການມີຮອຍຍິ້ມທີ່ເປັນເອກະລັກ, ຄວາມກົງໄປກົງມາບວກກັບການເປັນຄົນລ່າເລີງອອກຈະຂີ້ດື້ໜ້ອຍໜຶ່ງ ນ້ອງຄິດວ່ານີ້ແຫຼະມັນຄືສະເໜ່ອີກຢ່າງທີ່ມີ, ນອກຈາກນີ້ກໍຄືການມີມິດຕະພາບ, ຄວາມສາມັກຄີ, ການຊ່ວຍເຫຼືອກັນພາຍໃນກອງກໍສຳຄັນເຊັ່ນດຽວກັນ.

May be an image of 1 person and standing

ສຳລັບຄຳເວົ້າທີ່ເກັບໄວ້ເຕືອນໃຈຂອງນ້ອງຕະຫຼອດກໍຄື.. ” ຈົ່ງເປັນຕົວຂອງຕົວເອງໃນເວີຊັນທີ່ດີກວ່າເກົ່າ ” ຮູ້ຈັກຮັບຟັງ ແລະ ໄຈ້ແຍກຄຳຕິຊົມຂອງຄົນອື່ນ ແຕ່ກໍບໍ່ຄວນເກັບທຸກຄຳເວົ້າມາໃສ່ໃຈ ຈົ່ງເລືອກສະເພາະຄຳເວົ້າທີ່ມີປະໂຫຍດ ແລະ ມີຜົນທີ່ຈະເຮັດໃຫ້ການພັດທະນາຂອງເຮົາດີຂຶ້ນໄປເທົ່ານັ້ນ ”.

ສຸດທ້າຍແລ້ວນ້ອງກໍຢາກຝາກໃຫ້ທຸກຄົນຕິດຕາມໂຄງການ ແລະ ເປັນກໍາລັງໃຈໃຫ້ MR10 ແດ່ເດີ ຊ່ອງທາງການຕິດຕາມແມ່ນເຟສບຸ໊ກສ່ວນຕົົວ Johnny Lattanavong.

ຮູບ: Johnny Lattanavong