ຖ້າຕິດຕາມ! ຮູບເງົາ ບຳເບິລບີ ຈະມີພາກຕໍ່ແນ່ນອນ

369

ຫຼັງຈາກກ່ອນໜ້ານີ້ ມີຂ່າວວ່າຮູບເງົາ Bumblebee ອາດຈະຖືກຕັດໃຫ້ຈົບ ແລະ ຈະບໍ່ສ້າງພາກ 2-3 ເນື່ອງຈາກສ້າງລາຍໄດ້ບໍ່ຄ່ອຍດີ.

ແຕ່ຫຼັງຈາກຮູບເງົາສາມາດກອບໂກຍລາຍໄດ້ມາກວ່າ 417 ລ້ານໂດລາ ຈາກທົ່ວໂລກ (ປະມານ )ໂດຍແບ່ງອອກເປັນລາຍໄດ້ໃນປະເທດເມຣິກາ 117 ລ້ານໂດລາ () ແລະ ລາຍໄດ້ຈາກທົ່ວໂລກອີກ 300 ລ້ານໂດລາ.

ນັ້ນຈຶ່ງເຮັດໃຫ້ຮູບເງົາສ້າງລາຍໄດ້ຕາມເປົ້າ ແລະ ກຽມສ້າງພາກຕໍ່ຕາມແຜນເກົ່າທີ່ວາງເອົາໄວ້ ໂດຍແນວທາງຂອງຮູບເງົາຈະຍັງໃຊ້ Bumblebee ແລະ Optimus Prime ເປັນຕົວດໍາເນີນເລື່ອງ.

ຄາດການວ່າອາດຈະມີການເພິ່ມຄອບຄົວໃໝ່ຂອງຄົນເຂົ້າມາປະກອບໃນຮູບເງົາ ຫຼື ບໍ່ ອາດຈະບໍ່ເນັ້ນໃນເລື່ອງຂອງຄວາມສໍາພັນຂອງຄົນ ກັບ ຫຸ່ນເຫຼັກຫຼາຍປານໃດ.

ທາງໂປຣດິວເຊີ Lorenzo Di Bonaventura ລະບຸວ່າ “ກ່ອນໜ້ານີ້ພວກເຮົາມີຫຼາຍແນວທາງລວມເຖິງການນໍາຄອບຄົວໃໝ່ (ນາງເອກຂອງພາກຫຼ້າສຸດ) ເຂົ້າມາໃສ່ໃນຊີຣີສນີ້ ແລະ ເຫັນວ່າມັນປະສົບຄວາມສໍາເລັດ”

“ພວກເຮົາຈະພະຍາຍາມຕໍ່ຍອດຄວາມສໍາເລັດໃຫ້ຫຼາຍຍິ່ງຂຶ້ນ ສິ່ງໜຶ່ງທີ່ພວກເຮົາພະຍາຍາມກໍ່ຄືການນໍາສະເໜີຮູບແບບໃໝ່ທີ່ທາງແຟນຄັບບໍ່ເຄີຍໄດ້ພົບໃນແຟນໄຊນີ້ ເຊິ່ງຜົນລັບມັນອອກມາໜ້າພໍໃຈ.

ຄວາມຕັ້ງໃຈຫຼັກຄື ພວກເຮົາຈະພະຍາຍາມເອົາໃຈແຟນຄັບທີ່ຫຼົງໄຫຼໃນທານສ໌ຟອມເມີ ແຕ່ກໍຈະພະຍາຍາມດຶງດູດກຸ່ມຄົນເບິ່ງໃໝ່ເຂົ້າມາດ້ວຍເຊັ່ນກັນ “

ໃນເລື່ອງຂອງບົດ ແລະ ການກໍາກັບຍັງບໍ່ມີການຢືນຢັນແຟນຄັບເຊິ່ງຕ້ອງຕິດຕາມຂ່າວອັບເດດກັນຕໍ່ໄປ ແຕ່ຈັ່ງໃດຕອນນີ້ເຮົາກໍ່ດີໃຈກັນໄດ້ວ່າ ຮູບເງົາແຟນໄຊທຣານສ໌ຟອມເມີ ຈະບໍ່ຖືກເກັບເຂົ້າກ່ອງມ້ຽນຄ່ອນຂ້າງແນ່ແລ້ວເດີ້.