ດາວມີໄຊ ພະຈັນສິດທິ ໃນເວສາກົນ Miss Grand International ພ້ອມຄວາມກັບຄວາມຫມັ້ນໃຈສົດໃສ

68

ເຮັດຜົນງານທີ່ຫນ້າພູມໃຈເລີຍ ສໍາລັບ ດາວມີໄຊ ພະຈັນສິດທິ ຕົວແທນສາວລາວໃນເວທີສາກົນ Miss Grand International 2021 ລຸ້ນຈະຄວ້າມົງມາຄອງ ແລະ ສ້າງປະຫວັດຕິສາດຫນ້າໃຫມ່ໃຫ້ກັບວົງການນາງງາມລາວ ຫລືບໍ່! ແຕ່ເທົ່າທີ່ແອັດມິນເຫັນນ້ອງໃນຮອບຕ່າງໆ ໂດຍສະເພາະແມ່ນຮອບຊຸດລອຍນໍ້າ ບອກໄດ້ເລີຍວ່າເລີດ ແລະ ປັງທີ່ສຸດ ຈົນແຟນໆນາງງາມທີ່ໄດ້ເຫັນນ້ອງໃນຮອບນີ້ແມ່ນຕ່າງພາກັັນວ້າວກັບການສະແດງອອກ ແລະ ຄວາມຫມັ້ນໃຈທີ່ນ້ອງມີເລີຍ.

ສໍາລັບ ດາວ ມີໄຊ ຖືວ່າເປັນອີກຫນຶ່ງສາວງາມທີ່ເປັນຕົວແທນຂອງລາວທີ່ມີຄວາມສາມາດຄົບເຄື່ອງ ແລະ ຮອບດ້ານອີຫລີ ບໍ່ວ່າຈະເປັນຮູບຮ່າງ, ຫນ້າຕາ, ການຍ່າງ, ການຕອບຄໍາຖາມ ແລະ  ຄວາມຫມັ້ນໃຈ ມີຄວາມເປັນແກຣນທີ່ສຸດຄືມາເຕັມສໍາລັບຄົນນີ້

ດາວມີໄຊ ພະຈັນສິດທິ Miss Grand Laos 2021 ຄົນລ່າສຸດ ປັດຈຸບັນ ອາຍຸ 22ປີ ເຊິ່ງຈົບການສຶກສາລະດັບປະລິນຍາຕີ ຈາກຄະນະວິທະຍາສາດປ່າໄມ້, ມະຫາວິທະຍາໄລແຫ່ງຊາດ ເປັນສາວງາມຈາກແຂວງສະຫວັນນະເຂດຂອງເຮົານີ້ເອງ.

ນ້ອງດາວມີໄຊ ຜ່ານມາເຄີຍປະກວດມາຢູ່ 2 ເວທີດ້ວຍກັນ ຄືເວທີທໍາອິດແມ່ນ ເວທີ Miss Laos  ແລະ ເວທີສອງແມ່ນ Miss World Laos ແລະ ທັງສອງເວທີນັ້ນນັ້ນ ນ້ອງກໍເຮັດຜົນງານໄດ້ເປັນຢ່າງດີເລີຍເຂົ້າຮອບເລິກໆທັງນັ້ນ ແລະ ສໍາຄັນສ້າງຄວາມປະທັບໃຈ ເຮັດໃຫ້ມີແຟນໆລຸ້ນເຊຍໃຫ້ໄປເວທີຕ່າງໆ.

ທີມງານຂ່າວບັນເທີງເຄີຍໄດ້ສໍາພາດນ້ອງ ສໍາລັບການກຽມຕົວກ່ອນຈະໄປເວທີໃຫຍ່ ແລະ ນ້ອງໄດ້ບອກວ່າ: ໄດ້ມີການກຽມໂຕຫລາຍຢ່າງເລີຍຄື ບໍ່ວ່າຈະເປັນການຮຽນຍ່າງ, ຮຽນແນະນໍາໂຕ, ຮຽນເວົ້າໃສ່ໄມ, ຮຽນເຕັ້ນ, ຮຽນບຸກຄະລິກກະພາບ ແລະ ອີກຫລາຍໆຢ່າງເພື່ອນໍາໄປປັບປ່ຽນໃຊ້ໃນເວທີແມ່ ແລະ ເປັນເວທີສາກົນໃຫ້ດີທີ່ສຸດ ໃນທີ່ສຸດນ້ອງກໍເຮັດໄດ້ສົມກັບສິ່ງທີ່ນ້ອງພະຍາຍາມ ແລະ ຝຶກຝົນມາໂດຍຕະຫລອດສ້າງຜົນງານໃນແຕ່ລະຮອບໄດ້ຢ່າງພາກພູມໃຈທີ່ສຸດ.

ມາລຸ້ນຕໍ່ວ່າ ຄວາມຄາດຫວັງຂອງນ້ອງໃນເວທີໃຫຍ່ Miss Grand International ຄືການໄດ້ເຂົ້າໄປຢືນຢູ່ Top5 finalists Miss Grand International 2021 ເພື່ອສ້າງປະຫວັດສາດຫນ້າໃຫມ່ໃຫ້ກັບວົງການນາງງາມ ແລະ ສ້າງຊື່ສຽງໃຫ້ກັບປະເທດລາວ ນ້ອງຈະເຮັດໄດ້ຫລືບໍ່ ແລະ ທີ່ສໍາຄັນຄົນລາວເຮົາທຸກຄົນກໍ່ຢ່າລືມສົ່ງກຳລັງໃຈ ແລະ ເຊຍນ້ອງດ້ວຍ.

ຝາກເຊຍ ແລະ ຮ່ວມໃຫ້ກໍາລັງໃຈຕົວແທນສາຍສະພາຍລາວຄົນນີ້ແນ່ເດີ ເພື່ອໃຫ້ນ້ອງໄດ້ເຮັດຫນ້າທີ່ ອັນຊົງກຽດນີ້ໃຫ້ດີທີ່ສຸດ ທີມຂ່າວບັນເທີງຂອງພວກເຮົາກໍຕ້ອງຂໍຝາກແຟນໆນາງງາມທຸກຄົນ ຊ່ວຍເຊຍ ແລະ ສົ່ງກໍາລັງໃຫ້ສາວງາມຂອງປະເທດລາວ ທີ່ຈະເປັນຕົວແທນ ແລະ ເປັນໄປຫນ້າຂອງປະເທດນໍາເອົາວັດທະນະທໍາຮີດຄອງປະເພນີອັນດີງາມຂອງລາວເຮົາໄປເຜີຍແຜ່ທີ່ສາກົນດ້ວຍ. ການຕິດຕາມທາງເຟສບຸກສ່ວນຕົວ Daomixay Pcst ແລະ ທາງເພຈກອງປະກວດ MISS GRAND LAOS ມີສແກຣນລາວ.

ຮູບ: MISS GRAND LAOS