ຈາກຕໍານານນາງຮອງ ຈະຄວ້າມຸງກຸດ Miss Universe Laos ໄປຄອງໄດ້ຫລືບໍ່! ມະນີດາ ແໜ້ນຮວງມາລາ ໝາຍເລກ016

136

ຜ່ານມາສາວງາມຄົນນີ້ ເຄີຍປະກວດນາງສາວອາພອນເຜົ່າ 2015 ສາມາດຄວ້າລາງວັນຮອງດັບ 1ໄດ້, ປະກວດປະຕິທິນ 2017 ຂອງບໍລິສັດຊີມັງລາວຕິດ 1ໃນ6 ຂອງການຖ່າຍປະຕິທິນ, ຫຼ້າສຸດແມ່ນເຂົ້າປະກວດເວທີ Miss Lao 2018 ສາມາດຄວ້າລາງວັນຮອງອັນດັບ3ມາໄດ້ ຖືໄດ້ວ່າຜ່ານມາຫລາຍເວທີ ແລະ ປະສົບການແຫນ້ນເລີຍຄົນນີ້.

ເຄື່ອງຫນ້າເຫມືອນຟ້າປະທານເລີຍສາວງາມຄົນນີ້ ບໍ່ວ່າຈະແຕ່ງຫນ້າອອກມາລຸກໃດ ຫວານ, ຄົມ ຫລືງາມແບບທຳມະຊາດແມ່ນໄດ້ຫມົດ ຈາກຕຳນານນາງຮອງ ຈະພາຄວ້າມຸງກຸດແຫ່ງຈັກກະວານໃນເວທີ Miss Universe Laos 2021 ນີ້ໄປຄອງໄດ້ຫລືບໍ່! ແຟນໆເຊຍຫນັກ ເພາະຫນ້າຕາແມ່ນໂດດເດັ່ນແຮງໄປປະຊັນກັບເວທີຈັກກະວານໄດ້ຢ່າງດຸເດືອດ ກັບສາວຄົນນີ້ ມະນີດາ ແໜ້ນຮວງມາລາ ໝາຍເລກ016 ປັດຈຸບັນອາຍຸ 26ປີ ມາຈາກແຂວງສະຫວັນນະເຂດ ,ຈົບການສຶກສາລະດັບປະລິນຍາຕີ ຈາກມະຫາວິທະຍາໄລສະຫວັນນະເຂດ.

ຄວາມໄຝ່ຝັນ ແລະ ແຮງພັກດັນທີ່ເຮັດໃຫ້ນ້ອງຄິດຢາກກ້າວສູ່ເວທີອັນສູງສຸດທີ່ແມ່ຍິງຫລາຍໆຄົນໃຝ່ຝັນນີ້ແມ່ນເວທີ MUL 2021 ສາມາດປ່ຽນຊີວິດຂອງແມ່ຍິງໄປຕະຫລອດການ ແລະ ຖ້າໄດ້ຮັບໂອກາດນ້ອງຢາກເຂົ້າຮ່ວມງານໃນວົງການບັນເທິງ.

ຄະຕິປະຈຳໃຈ “ບຸກຄົນທີ່ບໍ່ເຄີຍເຮັດຜິດພາດ ຈະບໍ່ມີວັນໄດ້ຮຽນຮູ້ສິ່ງໃໝ່” ສໍາລັບ ເຫດຜົນສຳຄັນທີ່ນ້ອງເລືອກເຂົ້າປະກວດເວທີນີ້ແມ່ນ ນ້ອງຢາກເປັນແມ່ຍິງລາວຄົນທຳອິດ ທີ່ສ້າງປະຫວັດສາດຫນ້າໃໝ່ໃຫ້ຄົນລາວທັງຊາດ ແບບສະຫງ່າງາມຢ່າງໝັ້ນໃຈ ເປັ່ງປະກາຍສູ່ຈັກກະວານ ເພື່ອສ້າງຄວາມພາກພູມໃຈໃຫ້ຄົນລາວທັງຊາດ ແລະ ຊາວແຂວງສະຫວັນນະເຂດ ຖ້າຜ່ານເຂົ້າຮອບເລິກໆ ນ້ອງຈະໂຊສັກກະຍະພາບຂອງຕົວເອງໃຫ້ເຕັມທີ່ ເພື່ອໃຫ້ທຸກຄົນໄດ້ຮູ້ວ່າ ນ້ອງພ້ອມທີ່ສຸດທີ່ຈະໄປເສີດສາຍເທິງເວທີລະດັບສາກົນ.

ຈຸດເດັ່ນຂອງມະນິດາ ຄື: ແວວຕາ, ສີຜິວ ຄວາມໝັ້ນໃຈ ແລະ ຄວາມເປັນເອກະລັກຂອງຕົວເອງ ທີ່ຈະເອົາຊະນະໃຈກຳມະການໄດ້ແນ່ນອນ ແລະ ກ່ອນເຂົ້າປະກວດນີ້ ນ້ອງເອງໄດ້ຮຽນຮູ້ການພັດທະນາຕົນເອງ ໃນດ້ານຮູບຮ່າງ ແລະ ໜ້າຕາ ຜິວພັນ ແລະ ຍັງໄດ້ຮຽນຮູ້ປະສົບການຈາກລຸ້ນອ້າຍ, ລຸ້ນເອື້ອຍ ແລະ ຮຽນຮູ້ທາງສື່ອອນລາຍໃນການປະກວດໃນເວທີຕ່າງໆ ເພື່ອມາພັດທະນາປັບປຸງຕົນເອງເພື່ອເຂົ້າສູ່ການປະກວດໃຫ້ດີທີ່ສຸດ ຖ້າໄດ້ຕຳແຫນ່ງນ້ອງຢາກປະກອບສ່ວນເຂົ້າຊ່ວຍເຫລືອສັງຄົມໃນຫລາຍໆດ້ານຄື ທີ່ຮູ້ກັນຢູ່ໃນປະຈຸບັນນີ້ກໍຄື ອັນທີ1 ພະຍາດລະບາດ COVID-19 ຢູ່ພາຍໃນປະເທດນ້ອງຢາກເປັນກະບອກສຽງລະດົມໃຫ້ທຸກຄົນຫັນມາປ້ອງກັນຕົນເອງ ແລະ ຄົນໃກ້ຊິດຢ່າງຈິງຈັງ ເພື່ອຫລຸດຜ່ອນການແຜ່ເຊື້ອ, ອັນທີ2 ແມ່ນການປົກປ້ອງສິດທິຂອງແມ່ຍິງ ແລະ ເດັກນ້ອຍທີ່ຢູ່ເຂດຊົນນະບົດທີ່ຫ່າງໄກສອກຫຼີກ

ຜ່ານມາເຄີຍມີຜົນງານ ຖ່າຍແບບ, ເດີນແບບ, ຖ່າຍໂຄສະນາ ພາຍໃນແຂວງ ແລະ ຂໍຝາກຜົນງານປັດຈຸບັນແດ່ເດີ້ ມາຮອດນີ້ ນ້ອງຂໍສະແດງຄວາມຂອບໃຈມາຍັງເພສ ຂ່າວເສດຖະກິດການຄ້າແລະ ແຟນນາງງາມທີ່ຄອຍເຊຍ ແລະ ໃຫ້ກຳລັງໃຈນ້ອງມາຕະຫຼອດ ແລະ ຝາກຕິດຕາມຜົນງານສາວສະຫວັນນະເຂດແດ່ເນີທາງFacebook ສ່ວນຕົວ Manida Nenhouangmala ສາວສະຫວັນດິນແດນໄດໂນເສົາ

ຮູບພາບ ແລະ ແຕ່ງໜ້າ: Tutou Nouaneviengkham