ເປ້ ຈິນຕະນາ MTL24 ສາວໄວໃສທີ່ມີເປົ້າຫມາຍຊັດເຈນ ໃນການຕາມຫາຄວາມຝັນ

358

ແນະນໍາ ເປ້ ຈິນຕະນາ ສຸວັນມະນີ MTL24 ຜູ້ຜ່ານເຂົ້າຮອບ 25ຄົນໃນເວທີ Miss Teen Laos 2021 ປັດຈຸບັນ ອາຍຸ 17 ປີ ຈາກແຂວງສະຫວັນນະເຂດ, ກຳລັງສຶກສາຢູ່ທີ່ໂຮງຮຽນສາມັນສຶກສາ ມິດຕະພາບລາວ-ຫວຽດນາມ ຄວາມໄຝ່ຝັນຂອງສາວນ້ອຍຄົນນີ້ແມ່ນການທີ່ໄດ້ເຮັດໃນສິ່ງທີ່ຕົນເອງຮັກ, ການເຮັດວຽກໃນວົງການບັນເທີງ ບໍ່ວ່າຈະເປັນເດີນແບບ, ນັກສະແດງ ແລະ ທີສໍາຄັນຄືການໄດ້ຄອບຄອງມຸງກຸດອັນຊົງກຽດໃນເວທີ Miss Teen Laos ເປັ່ງປະກາຍດວງດາວແຫ່ງຍຸກສະໄຫມ

ຖ້າເປ້ໄດ້ຮັບຕຳແໜ່ງ Miss Teen Laos2021ນີ້ ເປ້ຢາກຈະຊ່ວຍເປັນກະບອກສຽງໃຫ້ກັບຄົນ ຫຼື ເດັກນ້ອຍທີ່ດ້ອຍໂອກາດໃນດ້ານການເວົ້າ,ໃນດ້ານການອອກຄວາມຄິດເຫັນຕ່າງໆ ແລະທີ່ສຳຄັນແມ່ນເປ້ຢາກຊ່ວຍເດັກນ້ອຍທີ່ດ້ອຍໂອກາດທາງດ້ານການສຶກສາ ເພາະຍັງມີເດັກນ້ອຍຈຳນວນຫຼາຍທີ່ກືກໜັງສືຍ້ອນການສຶກສາອາດຈະບໍ່ທົ່ວເຖິງ ເປ້ຢາກໃຫ້ເຂົາເຈົ້າໄດ້ຮັບການສຶກສາທີ່ດີ ເພາະການສຶກສຳຄັນຫຼາຍຕໍ່ເຂົາເຈົ້າມັນຈະສອນໃຫ້ເຂົາເປັນຄົນດີ, ສະຫຼາດ ເມື່ອເຂົາເຈົ້າຈະໃຫຍ່ຂຶ້ນມາເປັນເດັກນ້ອຍທີ່ມີຄຸນນະພາບ ແລະ ສາມາດພັດທະນາປະເທດຊາດໄດ້.

ເປ້ບໍ່ເຄີຍປະກວດເວທີໃດມາກ່ອນເວທີນີ້ແມ່ນເວທີທຳອິດເລີຍ ແລະ  ເປ້ກໍຢາກເຮັດຕາມຄວາມຝັນຂອງເປ້ເອງ ແລະ ສາມາດບັນລຸເປົ້າໝາຍທີ່ເຮົາວາງໄວ້ ກໍຄືຕອນນີ້ລະເປ້ກໍພະຍາຍາມເຝິກຝົນຕົນເອງໃຫ້ເປັນຄົນທີ່ເກັ່ງ ເພື່ອໃຫ້ເປ້ເປັນຄົນທີ່ເໝາະສົມທີ່ສຸດໃນການໄດ້ຮັບຕຳແໜ່ງ Miss Teen Laos 2021ນີ້ ແລະ ເປ້ເຊື່ອວ່າທຸກສິ່ງມັນຍ່ອມເປັນໄປໄດ້ຖ້າເຮົາລົງມືເຮັດ ຄືຄໍາຄົມທີ່ເປ້ໃຊ້ມາສະເຫມີກໍຄື ‘’ຢ່າປ່ອຍໃຫ້ເປັນພຽງແຕ່ຄວາມຝັນ ຈົ່ງລົງມືເຮັດ ເພາະຄວາມສໍາເລັດ, ຄວາມສຸກເກີດຈາກເຮົາເປັນຄົນສ້າງ’’.

ກ່ອນເຂົ້າປະກວດເປ້ກຽມຕົວຫຼາຍເລີຍ ມີທັງການຊ້ອມຢ່າງແບບ, ເບິ່ງ ແລະ ຊ້ອມການຕອບຄໍາຖາມ, ບຸກຄະລິກກະພາບ, ຄວາມສາມາດພິເສດຕ່າງໆ ແລະ ເປ້ກໍຊ້ອມມາຕະຫຼອດຕັ້ງແຕ່ລົງສະໝັກ ແລະ ຕອນນີ້ເປ້ກໍຍັງຕັ້ງໃຈຊ້ອມທຸກສິ່ງທຸກຢ່າງ ແລະ ເປ້ຈະຊ້ອມແບບນີ້ໄປເລື້ອຍໆ.

ຍາມວ່າງເປ້ມັກຊ້ອມເຕັ້ນ ເພາະມັນເປັນການອອກກຳລັງກາຍໄປໃນໂຕເລີຍ, ຊ້ອມເດີນແບບ,ເບິ່ງວິດີໂອຕອບຄຳຖາມ ສໍາລັບເປ້ເປັນຄົນທີ່ມັກແຕ່ງໂຕຫຼາຍ ແລະ ສາມາດແຕ່ງໄດ້ທຸກສະຕາຍບໍ່ວ່າຈະເປັນ: ເທ້, ຫວານ, ເຊັກຊີ້ ກໍແຕ່ງໄດ້ໝົດ ຂຶ້ນກັບສະຖານະການ ແລະ ສະຖານທີ່ນັ້ນໆ ສຸດທ້າຍນີ້ ເປ້ກໍຂໍຝາກໃຫ້ທຸກຄົນຕິດຕາມຜົນງານຂອງເປ້ ແລ້ວກໍຢ່າລືມເຊຍ ແລະ ເປັນກຳລັງໃຈໃຫ້ເປ້ສາວສະຫວັນນະເຂດຄົນນີ້ແນ່ເດີ້ ຝາກເປ້ໄວ້ໃນຫົວໃຈດວງນ້ອຍໆຂອງທຸກຄົນນຳແນ່ເດີ້ ເປ້ຈະຕັ້ງໃຈເຝິກຊ້ອມ ແລະ ພັດທະນາຕົນເອງໃຫ້ເກັ່ງຂຶ້ນເລື້ອຍໆ ແລະ ຢາກໃຫ້ທຸກຄົນຈົ່ງເຊື່ອໃຈວ່າເປ້ເຮັດໄດ້ແນ່ນອນ ທຸກຄົນນຢ່າຟ້າວລືມກັນເດີ້ ເປ້ ຈິນຕະນາ ສຸວັນມະນີ MTL24 ເຟສບຸກ  Chintana Souvanmany.

ຮູບ: Chintana Souvanmany.