ຫນ້າຮັກສົດໃສສົມໄວທີ່ສຸດເລີຍ ເຊຍກັນຫລືຍັງ ນໍ້າຝົນ ສຸກທະໄຊ MTL17

177

ນ້ອງນ້ອຍສຸດໃນເວທີປະກວດ Miss Teen Laos 2021 ສາວນ້ອຍ ຮອຍຍິ້ມສົດໃສ ນຳ້ຝົນ ສຸກທະໄຊ ພຸດທະວົງ MTL17 ປັດຈຸບັນ ອາຍຸ16 ປີ ມາຈາກແຂວງຄຳມ່ວນ, ຮຽນມັດທະຍົມຕອນປາຍທ່າແຂກ.

ຝົນຄິດວ່າຈຸດເດັ່ນຂອງຕົນເອງແມ່ນຮອຍຍິ້ມທີ່ສົດໃສ , ຄວາມຫມັ້ນໃຈ, ການເປັນຕົວຂອງໂຕເອງ ແລະ ສະແດງສັກກະຍາພາບທີ່ໂດດເດັ່ນຂອງຝົນໃຫ້ກຳມະການເຫັນວ່ານ້ໍາຝົນພ້ອມທີ່ຈະເປັນ Miss Teen Laos 2021 ຄົນຕໍ່ໄປ ເພາະນ້ອງໄດ້ກຽມຕົວຝຶກຝົນເຕັມທີ່ເພື່ອໃຫ້ມີຄວາມພ້ອມ ແລະ ພັດທະນາໃນດ້ານຕ່າງໆໃນແບບສະບັບຂອງຕົນເອງເປັນຕົ້ນແມ່ນ ດ້ານບຸກຄະລິກກະພາບ, ດ້ານທັກສະການຕອບຄຳຖາມ, ຄວາມຮູ້ຄວາມສາມາດ ແລະ ການຍ່າງທີ່ສະຫງ່າງາມ.

ເປົ້າຫມາຍ ຖ້າຝົນໄດ້ເປັນ Miss Teen Laos 2021 ຝົນຈະຊ່ວຍເຫຼືອສັງຄົມດ້ວຍການເຄື່ອນໄຫວກິດຈະກຳຕ່າງໆເພື່ອໃຫ້ເກີດປະໂຫຍດສູງສຸດເປັນຕົ້ນແມ່ນ ການເຜີຍແຜ່ຄວາມຮູ້ດ້ານການສຶກສາ, ສົ່ງເສີມດ້ານວັດທະນະທຳຂອງລາວເຮົາ ແລະ ພ້ອມເປັນກະບອກສຽງໃຫ້ແມ່ຍິງ, ເດັກນ້ອຍ ແລະ ໄວໜຸ່ມລາວ ໄດ້ຮັບການສຶກສາຢ່າງທົ່ວເຖິງ ເພື່ອຫຼຸດປາກົດການການກືກຫນັງສື ໂດຍສະເພາະໃນເຂດທີ່ຫ່າງໄກຈາກຕົວເມືອງ ໃນນາມຝົນເອງທີ່ມາຈາກຕ່າງແຂວງ ສະນັ້ນ ຝົນຍັງເຫັນຫລາຍຂົງເຂດທີ່ການສຶກສາຍັງເຂົ້າບໍ່ເຖິງ ຍັງຂາດແຄນດ້ານອຸປະກອນການຮຽນທີ່ທັນສະໄຫມ ແລະ ບຸກຄະລາກອນ ຝົນຈຶ່ງຢາກປະກອບສ່ວນໃນການຊ່ວຍເຫລືອສັງຄົມໃນດ້ານນີ້.

ກິດຈະກຳຍາມວ່າງທີ່ນ້ອງມັກເຮັດແມ່ນ ການປູກຕົ້ນໄມ້ກັບຄອບຄົວ ເນື່ອງຈາກນ້ອງມັກຮັກໃນຄວາມສະບາຍຕາຂອງສີຂຽວທຳມະຊາດ ຢູ່ທີ່ບ້ານນ້ອງກໍມັກຈະບົວລະບັດຮັກສາຕົ້ນໄມ້ ແລະ ທຸກໆເສົາທິດນ້ອງກໍຈະອອກສວນ ເພື່ອປູກຕົ້ນໄມ້ກັບຄອບຄົວປະຈຳ ນອກຈາກນີ້, ນ້ອງກໍຫຼິ້ນກັບສັດລ້ຽງທີ່ນ້ອງລ້ຽງໄວ້ບໍ່ວ່າຈະເປັນນ້ອງໝາ ແລະ ປານ້ອງນັ່ງເບິ່ງປາທີລອຍໄປມາເພາະມັນເຮັດໃຫ້ນ້ອງຮູ້ສຶກສະຫງົບເບິ່ງແລ້ວມີຄວາມສຸກກັບມັນ.

ສຸດທ້າຍນີ້ກໍຝາກເຊຍແລະເປັນກຳລັງໃຈໃຫ້ນຳ້ຝົນແນ່ເດີ້ທຸກຄົນຝາກ MTL17 ຄົນນີ້ໄວ້ອ້ອມອົກອ້ອມໃຈແນ່ເດີ້ ສາມາດຕິດຕາມຜົນງານຂອງນ້ຳຝົນໄດ້ທີ່ຊ່ອງທາງ Facebook: Soukthaxay Phoutthavong.


ຮູບ: Soukthaxay Phoutthavong,