ຜົນກວດຊັດເຈນ! ລີເດຍ ແລະ ແມັດທິວ ຕິດເຊື້ອໂຄວິດ-19 ທັງສອງ

809

ຜົນກວດອອກມາເປັນຜົນບວກ ຢືນຢັນແລ້ວ ລີເດຍ ເມຍຂອງໜຸ່ມ ແມັດທິວ ດີນ ດາລາ, ພິທີກອນ, ເຈົ້າຂອງຄ້າຍມວຍຊື່ດັງຂອງໄທ ຕິດເຊື້ອໂຄວິດ-19, ເຊິ່ງກ່ອນໜ້ານີ້ ຜູ້ເປັນສາມີກໍ່ໄດ້ອອກມາອັດຄລິບ ຜ່ານໄອຈີສ່ວນຕົວ ວ່າຕົນເອງຕິດເຊື້ອໂຄວິດ-19 ພ້ອມແຈ້ງໃຫ້ທຸກຄົນທີ່ໃກ້ຊິດກັບຕົນເອງກວດຫາເຊື້ອພະຍາດດັ່ງກ່າວໂດຍໄວ.

ຜົນກວດອອກມາຢ່າງເປັນທາງການ ແລະ ສາວລີເດຍກໍ່ໄດ້ອອກມາໂພສພາບພ້ອມຂໍ້ຄວາມຢືນຢັນວ່າຕົນເອງຕິດເຊື້ອໂຄວິດ-19 ແທ້, ສ່ວນລູກອີກ 2ຄົນແມ່ນຍັງມີອາການປົກກະຕິດີ ເຊິ່ງຕອນນີ້ລໍຖ້າຜົນກວດຂອງທັງສອງຢູ່.

ທັງນີ້, ຜູ້ຄົນທີ່ເຄີຍໃກ້ຊິດ ຫຼື ບຸກຄົນໃນຄອບຄົວຂອງແມັດທິວ ແລະ ລີເດຍ ຖືວ່າເປັນກຸ່ມສ່ຽງທີ່ສຸດ ໂດຍສະເພາະແມ່ນ ລູກຂອງທັງສອງ ເນື່ອງຈາກໃຊ້ຊີວິດຢູ່ຮ່ວມກັນຕະຫຼອດເວລາ. ເຖິງຢ່າງໃດກໍ່ຕາມ ຂໍສົ່ງກໍາລັງໃຈເຖິງຄອບຄົວນີ້ ໃຫ້ຜ່ານພົ້ນວິກິດໄປໄດ້ໂດຍໄວ.