ຊຸດປະຈຳຊາດຂອງນ້ອງ ເມ ວິຈິດຕາ ພອນວິໄລ MISS UNIVERSE LAOS 2019

661

ຊຸດປະຈຳຊາດຂອງນ້ອງ ເມ ວິຈິດຕາ ພອນວິໄລ MISS UNIVERSE ໄດ້ຈັບເອົາຊ້າງ ທີ່ຖືເປັນສັດປະຈຳຊາດຂອງລາວ ແຕ່ໃດມາ ທີ່ນຳເອົາລວດລາຍຂອງການເຄື່ອງສານ ທີ່ເຮົາພົບເຫັນໃນຮູບແບບ ຂອງແອບເຂົ້າ (ຕິບເຂົ້າ) ມາເປັນລວດລາຍຂອງຊ້າງພ້ອມທັງຕົບແຕ່ງດ້ວຍສັນຍາລັກຂອງຊາດ ກໍ່ຄືພະທາດຫລວງ ແລະ ທຸງຊາດລາວ ປະດັບດ້ວຍກິ່ນອາຍຂອງດອກຈຳປາ.

ຄວາມໂດດເດັ່ນຂອງການອອກແບບໃນຄັ້ງນີ້ ບໍ່ແມ່ນພຽງແຕ່ ການນຳເອົາເອກະລັກຂອງຊາດ ຂຶ້ນສູ່ເວທີສາກົນພຽງຢ່າງດຽວ ແຕ່ຍັງໄດ້ສອດແຊກເນື້ອຫາ ເພື່ອເປັນການຮຽກຮ້ອງ ການໃຫ້ຄວາມສຳຄັນຕໍ່ການປົກປັກຮັກສາ ປ່າໄມ້ ກໍ່ຄື ທຳມະຊາດ ໂດຍການນຳເອົາ ປ່າອາເມໂຊນ ທີ່ປຽບເຫມືອນ “ປອດຂອງໂລກ” ທີ່ຖືກໄຟໄຫມ້ໄປສ່ວນຫນຶ່ງໃນບໍ່ດົນນີ້ ທີ່ເປັນການສູນເສຍທີ່ຂ້ອນຂ້າງສ້າງຜົນກະທົບຫລາຍສົມຄວນຕໍ່ກັບລະບົບນິເວດ ແລະ ສະພາບແວດລ້ອມບໍລິເວນນັ້ນ ເຊິ່ງຈະຕ້ອງໃຊ້ເວລາຍາວນານ ສຳລັບການຟື້ນຟູຜືນປ່າ.

ເພື່ອໃຫ້ທຸກຄົນເຫັນເຖິງຄວາມສຳຄັນຂອງປ່າໄມ້ ໃນໂລກ ກໍ່ຄື ຢູ່ໃນ ສປປ ລາວ ທີ່ນັບມື້ນັບຫຼຸດໜ້ອຍຖອຍລົງ.

ຂອບໃຈຂໍ້ມູນ ແລະ ພາບຈາກ: May Vichitta Phonevilay