ສຸດໂກ້! ຄູ່ວິວາປ້າຍແດງ ແຈກເຂົ້າສານ 10 ໂຕນ ສະຫຼອງງານແຕ່ງ

384

ເຫັນແລ້ວກໍ່ປຶ້ມ ແລະ ຍິນດີກັບຄູ່ບ່າວສາວປ້າຍແດງ ທີ່ຫາກໍ່ສຳເລັດງານສະຫຼອງວັນແຕ່ງອີກຄັ້ງ. ເຊິ່ງງານແຕ່ງດອງຄັ້ງນີ້ຊ່າງແຕກຕ່າງ ຈາກງານທີ່ຫຼາຍໆຄູ່ແຕ່ງຢ່າງສິນເຊີງ. ເນື່ອງຈາກວ່າ ບ່າວສາວຄູ່ນີ້ ໄດ້ມີການແຈກເຂົ້າ 5 ກິໂລກຣາມ, ຈຳນວນ 2.000 ຖົງ, ໃຫ້ຜູ້ສູງອາຍຸໃນວັນສະຫຼອງອີກດ້ວຍ ເຊິ່ງມີຜູ້ຄົນມາຮ່ວມຍິນດີ ແລະ ສະແດງຄວາມດີໃຈແໜ້ນໜາກັນເລີຍ!!

ເຊິ່ງງານແຕ່ງດອງນີ້ ເກີດຂຶ້ນທີ່ປະເທດເພື່ອບ້ານ ປະເທດໄທ ໃນວັນທີ 19 ພະຈິກ 2019 ທີ່ເຂດເທດສະບານເມືອງ ໂພລາລາມ ໄດ້ຈັດແຈກເຂົ້າສານໃຫເກັບຜູ້ສູງອາຍຸ ຈຳນວນ 2.000 ຖົງ ປະມານ 10 ໂຕນ ເພື່ອສະເຫຼີມສະຫຼອງຄູ່ສົມລົດລະຫວ່າງ ທ້າວ ນະປະພັດ ພົນຫຼ້າ ແລະ ນາງ ພອນທິບ ກົມລະພັນທິບ ເຊິ່ງເປັນລູກສາວຂອງ ທ້າວ ໄຊທິບ ກົມລະພັນທິບ ອະດີດຜູ້ສະໝັກສະພາຜູ້ແທນລາດຊະດອນ (ປະຊາຊົນ) ເຂດ 3 ແລະ ນາງ ສົມຄິດ ກົມລະພັນທິບ ພັນລະຍາ ໂດຍມີກວ່າ 2.000 ຄົນ ມາຮັບເຂົ້າສານໃນຄັ້ງນີ້ ພ້ອມຍັງອວຍພອນໃຫ້ຄູ່ກັບຄູ່ບ່າວສາວ ໃຫ້ເປັນຄູ່ຄອງກັນຕະຫຼອດໄປຍິືງຍືນນານ.

ຂະນະທີ່, ທ້າວໄຊທິບເຜີຍວ່າ: ການແຈກເຂົ້າສານໃຫ້ກັບຜູ້ສູງອາຍຸໃນວັນນີ້ ແມ່ນຕັ້ງໃຈເປັນຢ່າງຍິ່ງ ເພາະເປັນວັນທີ່ລູກສາວນັ້ນຈະມີຄວາມສຸກ, ໄດ້ເປັນຝັ່ງເປັນຝາ ຂຶ່ງຢາກໃຫ້ພີ່ນ້ອງຊາວໂພລາລາມ ມີຄວາມສຸກເຊັ່ນດຽວກັນ ຈຶ່ງໄດ້ໃອບເຂົ້າສານໃຫ້ເປັນຂອງຂວັນ ໃນການສະຫຼອງວັນສໍາຄັນຂອງຄູ່ບ່າວສາວ. ເຊິ່ງກ່ອນໜ້ານີ້ ກໍ່ມີການແຈກເຂົ້າຢູ່ເປັນປະຈຳເຊັ່ນດຽວກັນ.