MVT 15 ສາວຜູ້ຮັກໃນການໃຫ້ ປຸ້ຍ ເກດມະນີ ຜູ້ເຂົ້າປະກວດ ນາງສາວນະຄອນຫຼວງປີ 2019

416

ປຸ້ຍ ເກດມະນີ ວົງປະເສີດ ໝາຍເລກ MVT 15 ໜຶ່ງໃນຜູ້ເຂົ້າປະກວດນາງສາວນະຄອນຫຼວງປີ 2019 ຫຼື Miss Vientiane 2019 ອາຍຸ 21 ປີ, ສ່ວນສູງ 164 ຊັງຕີແມັດ, ສັດສ່ວນ 30, 23, 34.

ປັດຈຸບັນນ້ອງ ປຸ້ຍ ກຳລັງສຶກສາຢູ່ ມະຫາວິທະຍາໄລແຫ່ງຊາດ ຄະນະເສດຖະສາດ ແລະ ບໍລິຫານທຸລະກິດປີທີ 4, ເປັນອາສາສະຫມັກໂຄງການແບ່ງປັນປື້ມໃຫ້ນ້ອງອ່ານ ຂອງ ຄສບ ທີ່ຊ່ວຍເຫຼືອນ້ອງນັກຮຽນ, ສັງຄົມທີ່ຫ່າງໄກສອກຫຼີກ ແລະ ເປັນນາງແບບໃນສັງກັດຂອງ SSS Agency.

ຄວາມສາມາດພິເສດຂອງນ້ອງແມ່ນນ້ອງສາມາດຟ້ອນ, ເດີນແບບ, ພິທີກອນ ແລະ ສະແດງລະຄອນ 3. ທີ່ຜ່ານມາໄດ້ຮັບຕໍາແຫນ່ງຮອງອັນດັບ 2 Miss Swensens’ idol 2016, ຮັບຕໍາແໜ່ງສາວງາມ ສູນອາຫານ ມຊ 2018, ເຂົ້າຮອບ 20 ຄົນ Miss Wolrd laos 2018 ແລະ ລ່າສຸດເຂົ້າຮອບ 20 ຄົນ Miss Vientiane 2019.

ປຸ້ຍບອກວ່າ: “ແນ່ນອນວ່າທຸກໆການປະກວດເຮົາຕ້ອງຄາດຫວັງເປັນເລື່ອງທຳມະດາ ແຕ່ສຳລັບນ້ອງ ນ້ອງຄິດວ່າບໍ່ຕ້ອງຄາດຫວັງສູງຈົນເກີນໄປ ເຮັດຕາມຄວາມສາມາດຂອງເຮົາໃຫ້ດີທີ່ສຸດກໍພໍ, ສິ່ງທີ່ຄິດວ່າຈະໄດ້ຈາກເວທີນີ້ກໍຄືໄດ້ພົບປະສັງຄົມໃໝ່ໆ ໄດ້ມິດຕະພາບທີ່ດີຈາກໝູ່ເພື່ອນນາງສາວນະຄອນຫຼວງ ແລະ ເອື້ອຍລ້ຽງ ພ້ອມດຽວກັນນັ້ນກໍຍັງໄດ້ເກັບກ່ຽວເອົາບົດຮຽນຈາກກອງປະກວດໄປພັດທະນາໂຕເອງອີກດ້ວຍ”

“ຈຸດເດັ່ນທີ່ຈະເຮັດໃຫ້ນ້ອງໄດ້ເປັນນາງສາວນະຄອນຫຼວງຄືຄວາມເອົາໃຈໃສ່ ແລະ ຄວາມຕັ້ງໃຈ ເພາະນ້ອງເຊື່ອວ່າການທີ່ເຮົາເອົາໃຈໃສ່ຕໍ່ວຽກ, ມີຄວາມຕັ້ງໃຈ ມີຄວາມມຸ່ງໝັ້ນເຮັດມັນຜົນທີ່ໄດ້ຮັບຍ່ອມງົດງາມສະເໝີ”

“ປຸ້ຍເອງໃນນາມຜູ້ເຂົ້າຮອບນາງສາວນະຄອນຫລວງວຽງຈັນປີ 2019 ຂໍກຳລັງໃຈຈາກພີ່ນ້ອງຊາວລາວທຸກຄົນ ຝາກເຊຍ ແລະ ໃຫ້ກຳລັງໃຈກັນແນ່ເດີ້ ສັນຍາຈະເຮັດໃຫ້ເຕັມທີ່ເຖິງວ່າຜົນມັນຈະອອກມາເປັນແບບໃດກໍຕາມ ປຸ້ຍບໍ່ເສຍໃຈເພາະປຸ້ຍໄດ້ຕັດສິນໃຈເຮັດລົງໄປແລ້ວ ດີກວ່າເສຍໃຈທີ່ບໍ່ໄດ້ເຮັດ, ການທີ່ນ້ອງມາປະກວດເວທີນີ້ກໍຄືການເດີນຕາມຄວາມຝັນຂອງນ້ອງ ແລະ ເປັນການໄຝ່ຫາຄວາມຮູ້ ປະສົບການໃໝ່ໆເພື່ອພັດທະນາໂຕເອງ – ນອກຈາກການປະກວດເວທີນາງງາມແລ້ວ ສິ່ງທີ່ນ້ອງຢາກເຮັດທີ່ສຸດຄືການເປັນອາສາສະໝັກຊ່ວຍເຫລືອສັງຄົມ ຫຼືທີ່ເຮົາເອີ້ນກັນວ່າຈິດອາສາເປັນການສານຕໍ່ໂຄງການທີ່ໄດ້ເຮັດຢູ່ໃຫ້ຂະຫຍາຍວົງກວ້າງຂຶ້ນ ລະດົມທຶນຊ່ວຍສັງຄົມທີ່ດ້ອຍໂອກາດໃຫ້ໄດ້ຫລາຍທີ່ສຸດ”

ຮ່ວມໂຫວດເຊຍໃຫ້ ປຸ້ຍ ໄດ້ເປັນ ນາງສາວ ຂວັນໃຈມະຫາຊົນແດ່ ດ້ວຍການ ພິມ MVT 15*1 ສົ່ງໄປທີ່ເບີ 2018 ຈະໄດ້ 1 ຄະແນນ ,ແຕ່ຖ້າ ພິມ MVT 15*10 ຈະໄດ້ 10 ຄະແນນ (ຂໍຂອບໃຈທຸກການໂຫວດ) ການໂຫວດນີ້ແມ່ນໂຫວດໄດ້ພຽງເຄືອຂ່າຍ ETL ເທົ່ານັ້ນ”

ຈາກ: Poui Ketmany