ປີນີ້ໂຈະບຸນຊ່ວງເຮືອ ສສກ ແຈ້ງ! ຫ້າມຈັດການແຂ່ງຂັນກີລາເຮືອຊ່ວງທຸກປະເພດ

154

ອີງຕາມແຈ້ງການຂອງຄະນະສະເພາະກົດ ນະຄອນຫຼວງວຽງຈັນ ສະບັບເລກທີ 38/ ສພກ,ນວ ລົງວັນທີ 15 ຕຸລາ 2021, ກ່ຽວກັບການສືບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ການແກ້ໄຂການລະບາດຂອງພະຍາດໂຄວິດ-19 ຢູ່ນະຄອນຫຼວງວຽງຈັນ ໃນໄລຍະ 16-30 ຕຸລາ 2021. ອີງຕາມຮີດຄອງປະເພນີອັນດີງາມຂອງປະຊາຊົນລາວບັນດາເຜົ່າ ທີ່ບັນພະບຸລຸດພວກເຮົາເຄີຍສົບທອດປະຕິບັດກັນມາແຕ່ດົນນານ ແລະ ອີງຕາມຄວາມເປັນເອກະພາບຂອງຄະນະພະແນກສຶກສາທິການ ແລະ ກີລາ ນະຄອນຫຼວງວຽງຈັນ ຄັ້ງວັນທີ 20 ຕຸລາ 2021.

May be an image of one or more people, people standing and body of water

ຫົວໜ້າພະແນກສຶກສາທິການ ແລະ ກີລາ ນະຄອນຫຼວງວຽງຈັນ ຈຶ່ງໄດ້ອອກແຈ້ງການສະບັບເລກທີ 2443/ສກ.ນວ ລົງວັນທີ 20 ຕຸລາ 2021 ຫ້າມຈັດການແຂ່ງຂັນກີລາເຮືອຊ່ວງ ນັບແຕ່ວັນທີ 20-30 ຕຸລາ 2021 ເຖິງຫົວໜ້າຫ້ອງການສຶກສາທິການ ແລະ ກີລາ ເມືອງ 09 ຕົວເມືອງ, ຫົວໜ້າ ປກສ ກຸ່ມບ້ານ, ນາຍບ້ານ, ພໍ່ແມ່ປະຊາຊົນ ແລະ ຜູ້ະກອບການຫົວໜ່ວຍທຸລະກິດກີລາ ໃນທົ່ວນະຄອນຫຼວງວຽງຈັນ ຫ້າມຈັດການແຂ່ງຂັນກີລາ ເຮືອຊ່ວງທຸກປະເພດ.

May be an image of 2 people, people standing and outdoors

ໂດຍສະເພາະແມ່ນວັນບຸນອອກພັນສາປະວໍລະນາ ທີ່ປະຊາຊົນລາວເຮົາເຄີຍສືບທອດກັນມາ, ແຕ່ຍ້ອນການແຜ່ລະບາດຂອງພະຍາດໂຄວິດ-19 ຢູ່ໃນນະຄອນຫຼວງວຽງຈັນ ເຫັນວ່າຍັງມີກໍລະນີຜູ້ຕິດເຊື້ອໃນຊຸມຊົນເພີ່ມຂຶ້ນຫຼາຍ ເຊິ່ງມີຄວາມສ່ຽງສູງທີ່ຈະເກີດການແຜ່ລະບາດໃນຊູມຊົນ ແລະ ຂະຫຍາຍເປັນວົງກວ້າງ ແລະ ເພື່ອເຮັດໃຫ້ການຈັດຕັ້ງປະຕິບັດແຈ້ງການສະບັບນີ້ໃຫ້ໄດ້ຮັບຜົນດີ, ມອບໃຫ້ຂະແໜງກີລາມວນຊົນ ສົມທົບກັບຫ້ອງການສຶກສາທິການ ແລະ ກີລາເມືອງ, ພາກສ່ວນທີ່ກ່ຽວຂ້ອງລົງກວດກາ, ຕິດຕາມ ແລະ ແນະນໍາໃຫ້ທຸກພາກສ່ວນ ຈຶ່ງໄດ້ຈັດຕັ້ງປະຕິບັດແຈ້ງການສະບັບນີ້ຢ່າງເຂັ້ມງວດ.