ຄອບຄົວທີ່ຖືກອັກຄີໄພຢູ່ບ້ານໂຄກສະຫວັນ ໄດ້ຮັບການຊ່ວຍເຫຼືອຈາກ​ການ​ນຳ​ເມືອງ​ປາກ​ລາຍແລ້ວ

111

ເພື່ອເປັນການບັນເທົາທຸກ ປະຊາຊົນຜູ້ປະສົບເຫດການໄຟໄໝ້ເຮືອນ ການນຳເມືອງປາກລາຍຈຶ່ງນຳເອົາເຄື່ອງໄປຊ່ວຍເຫຼືອໃຫ້ແກ່ຄອບຄົວຖືກອັກຄີໄພຢູ່ບ້ານໂຄກສະຫວັນ ເຫດການດັ່ງກ່າວແມ່ນເກີດຂຶ້ນໃນວັນທີ 1 ຕຸລາ 2021 ຜ່ານມາ ເສຍຫາຍ100% ລວມມູນຄ່າ 7 ລ້ານກວ່າກີບ ເຊິ່ງແມ່ນຄອບຄົວຂອງ ທ້າວ ສອນ ແລະ ນາງ ແກ້ວ.

ໃນວັນທີ 8 ຕຸລາ 2021 ທາງອໍານາດການປົກຄອງເມືອງປາກລາຍ ເຊິ່ງນໍາໂດຍ ທ່ານ ບຸນພະລັງ ວິໄລສັກ ຮອງເຈົ້າເມືອງປາກລາຍ, ຜູ້ຊີ້ນໍາວຽກງານຂົງເຂດວັດທະນະທໍາ-ສັງຄົມ ແລະ ຕຸລາການ ທັງເປັນປະທານຄະນະກໍາມະການຄຸ້ມຄອງໄພທິບັດຂັ້ນເມືອງ, ມີທ່ານ ບົວຈາວ ຈໍາປາ ປະທານແນວລາວສ້າງຊາດເມືອງ ພ້ອມດ້ວຍຂະແໜງການທີ່ກ່ຽວຂ້ອງຂອງເມືອງໄດ້ນໍາເອົາເຄື່ອງໄປມອບໃຫ້ແກ່ຄອບຄົວດັ່ງກ່າວ.

May be an image of 1 person, standing and outdoors

ປະກອບມີ: ເຄື່ອງໃຊ້ໃນຄົວເຮືອນ, ເຄື່ອງນຸ່ງຫົ່ມ, ເຂົ້າສານຈໍານວນ 50 ກິໂລ, ໝີ່, ປາກະປ໋ອງ ພ້ອມດ້ວຍເງິນສົດ 1.170.000 ກີບ ລວມມູນຄ່າທັງໝົດ 3 ລ້ານກວ່າກີບ.