ຕິດເຊື້ອໃນຊຸມຊົນທົ່ວປະເທດມີ 419 ຄົນ ລາຍລະອຽດດັ່ງນີ້

138

ຖະແຫຼງຂ່າວປະຈໍາວັນທີ 9 ຕຸລາ 2021 ວ່າ: ມາຮອດວັນທີ 8 ຕຸລາ 2021 ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 5.081 ຕົວຢ່າງ, ໃນນັ້ນກວດພົບຜູ້ຕິດເຊືື້ອໃໝ່ 425 ຄົນ, ນໍາເຂົ້າ 6 ຄົນ, ເສຍຊີວິດ 2 ຄົນ, ຊຸມຊົນ 419 ຄົນ.

May be an image of 1 person

ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ລາຍງານໂດຍຫຍໍ້ຂອງຜູ້ຕິດເຊື້ອໃນຊຸມຊົນ 419 ຄົນ ມີດັ່ງນີ້:

ນະຄອນຫຼວງ 273 ຄົນ: ເມືອງຈັນທະບູລີ ມີ 12 ຄົນ 7 ບ້ານ; ເມືອງສີໂຄດຕະບອງ ມີ 70 ຄົນ 29 ບ້ານ; ເມືອງໄຊເສດຖາ ມີ 62 ຄົນ 12 ບ້ານ; ເມືອງສີສັດຕະນາກ ມີ 45 ຄົນ 9 ບ້ານ; ເມືອງນາຊາຍທອງ ມີ 55 ຄົນ 9 ບ້ານ; ເມືອງໄຊທານີ ມີ 17 ຄົນ 5 ບ້ານ ແລະ ເມືອງຫາດຊາຍຟອງ ມີ 11 ຄົນ 7 ບ້ານ.

ແຂວງຫຼວງພະບາງ 51 ຄົນ: ນະຄອນຫຼວງພະບາງ ມີ 12 ບ້ານ (27 ຄົນ); ເມືອງຊຽງເງີນ ມີ 2 ບ້ານ (9 ຄົນ); ເມືອງງອຍ ມີ 3 ບ້ານ (6 ຄົນ); ເມືອງຈອມເພັດ ມີ 2 ບ້ານ (4 ຄົນ); ເມືອງນໍ້າບາກ ມີ 04 ບ້ານ (04 ຄົນ); ບ້ານນໍ້າມີ້ ເມືອງວຽງຄໍາ ມີ 1 ຄົນ.

ແຂວງສະຫວັນນະເຂດ 20 ຄົນ: ເມືອງອຸທຸມພອນ ມີ 5 ບ້ານ (11 ຄົນ) ແລະ ນະຄອນໄກສອນ ມີ 7 ບ້ານ (9 ຄົນ).

ແຂວງວຽງຈັນ 19 ຄົນ ເມືອງແກ້ວອຸດົມ ມີ 6 ບ້ານ (9 ຄົນ); ເມືອງວັງວຽງ ມີ 4 ບ້ານ (7 ຄົນ); ເມືອງຫີນເຫີບ ມີ 2 ບ້ານ (3 ຄົນ).

ແຂວງບໍ່ແກ້ວ 18 ຄົນ: ເມືອງຕົ້ນເຜິ້ງ: ບ້ານພຽງງາມ 11 ຄົນ; ບ້ານດອນມູນ 02 ຄົນ ແລະ ເຂດພິເສດ 1 ຄົນ; ເມືອງຫ້ວຍຊາຍ: ບ້ານມົກກະຈອກ 2 ຄົນ; ບ້ານອຸດົມ 2 ຄົນ.

ແຂວງບໍລິຄຳໄຊ 13 ຄົນ: ເມືອງປາກກະດິງ ມີ 8 ຄົນ ແລະ ເມືອງປາກຊັນ ມີ 5 ຄົນ.

ແຂວງຫຼວງນໍ້າທາ 7 ຄົນ: ຄົນຈີນ ແມ່ນການລັກລອບເຂົ້າເມືອງ ໃນໄລຍະປີຜ່ານມາເພື່ອມາເຮັດວຽກຢູ່ສາມຫຼ່ຽມຄໍາ; ສ່ວນຄົນລາວ 4 ຄົນນັ້ນ (3 ຄົນ ແມ່ນມີອາຊີບຂັບລົດບັນທຸກລົດພ່ວງຍາວຢູ່ດ່ານບໍ່ເຕັນ ແລະ ອີກ 1 ແມ່ນ ກໍາມະກອນເຂດພິເສດ ສາມຫຼ່ຽມຄຳ).

ແຂວງຈໍາປາສັກ 7 ຄົນ: ນະຄອນປາກເຊ ມີ 3 ບ້ານ (4 ຄົນ); ເມືອງປະທຸມພອນ ມີ 2 ບ້ານ (2 ຄົນ); ເມືອງບາຈຽງຈະເລີນສຸກ 1 ຄົນ.

ແຂວງຄຳມ່ວນ 6 ຄົນ: ເມືອງທ່າແຂກ ມີ 5 ຄົນ, ສູນກັກກັນເມືອງຍົມມະລາດ ມີ 1 ຄົນ.

ແຂວງສາລະວັນ 3 ຄົນ: ບ້ານໂນດູ ເມືອງເລົ່າງາມ ມີ 2 ຄົນ (ເປັນຄົນຫວຽດນາມ); ບ້ານຫຼັກສອງ ເມືອງສາລະວັນ ມີ 1 ຄົນ (ເປັນຄົນລາວ).

ແຂວງຊຽງຂວາງ 2 ຄົນ: ບ້ານຫໍສິມ ເມືອງຜາໄຊ ມີ 2 ຄົນ (ນັກຮຽນ ແລະ ປະຊາຊົນທັງສອງຄົນ ແມ່ນມີຄົນໃນຄອບຄົວຕິດເຊື້ອ).