ຊາວໜຸ່ມຕະລຸມບອນ ແຂວງອຸດົມໄຊ ກຳລັງກຽມສູນກັກກັນໃຫ້ກຸ່ມສ່ຽງພະຍາດໂຄວິດ

343

ໃນວັນທີ 28 ກັນຍາຜ່ານມານີ້ ທີ່ໂຮງຮຽນ ມສ ຫ້ວຍຂຸມ ຫຼັງເກົ່າ ຊາວໜຸ່ມຕະລຸມບອນ ແຂວງອຸດົມໄຊ ໄດ້ສ້າງຂະບວນການອອກແຮງງານປັບປຸງອາຄານສະຖານທີ່ ເພື່ອເປັນການກຽມພ້ອມຮັບມືໃນການຈັດຕັ້ງປະຕິບັດມາດຕະການປ້ອງກັນພະຍາດໂຄວິດ-19 ໃຫ້ສອດຄ່ອງກັບສະຖານະການ ເພື່ອສ້າງເປັນສູນກັກກັນຂອງແຂວງອຸດົມໄຊຕໍ່ໄປ ເຊິ່ງນຳພາໂດຍ ສະຫາຍ ສົມດີ ເຕັງເບຼຍຈື ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍຄະນະ ເກືອບ 400 ແຮງງານເຂົ້າຮ່ວມ.

May be an image of one or more people, people standing and outdoors

ໂດຍມີການປະຕິບັດຄື: ຕິດຕັ້ງ ແລະ ສ້ອມແປງໄຟຟ້າ-ນ້ຳປະປາ, ສ້ອມແປງຮົ້ວ, ປະຕູທາງເຂົ້າ, ປັບປຸງ-ສ້ອມແປງອາຄານ, ຫ້ອງນ້ຳ ແລະ ອ່າງອາບນ້ຳ ເພື່ອເປັນທີ່ພັກຂອງກຸ່ມສ່ຽງ ສະຫາຍ ສົມດີ ເຕັງເບຼຍຈື ໄດ້ກ່າວວ່າ: ປັດຈຸບັນສະພາບການລະບາດຂອງພະຍາດໂຄວິດ-19 ຢູ່ບັນດາແຂວງຍັງສືບຕໍ່ມີການລະບາດ ເຊິ່ງແຂວງອຸດົມໄຊ ກໍມີຄວາມສ່ຽງສູງໃນການປະເຊີນໜ້າກັບບັນຫາດັ່ງກ່າວ ເນື່ອງຈາກວ່າແຂວງອຸດົມໄຊ ເປັນແຂວງທີ່ຕັ້ງຢູ່ຈຸດໃຈກາງທາງຜ່ານຂອງບັນດາແຂວງພາກເໜືອ ມີຜູ້ຄົນຜ່ານໄປ-ມາ.