ໃນໂລກຍັງມີ15ປະເທດທີ່ລອດພົ້ນຈາກໂຄວິດ-19

1071

ປັດຈຸບັນໂຄວິດ-19ຍັງຄົງລະບາດໄປທົ່ວໂລກໃນອັດຕາທີ່ເປັນທະວີຄູນ,ແຕ່ລະຊົ່ວໂມງທີ່ຜ່ານມາທັງປະເທດໃຫຍ່ ແລະ ປະເທດນ້ອຍຕ່າງລາຍງານພົບຜູ້ຕິດພະຍາດລາຍໃໝ່ຢ່າງຕໍ່ເນື່ອງ ແລະ ບາງປະເທດກໍເລີ່ມຫຼຸດລົງແລ້ວ.ແຕ່ຍັງເຫຼືອອີກ15ປະເທດທີ່ຍັງບໍ່ມີລາຍງານຜູ້ຕິດພະຍາດດັ່ງກ່າວ.

ຕາມຂ່າວຟ໊ອກນິວລາຍງານເມື່ອວັນທີ2ເດືອນ ເມສາທີ່ຜ່ານມາໃຫ້ຮູ້ວ່າ:ເມື່ອທ້າຍອາທິດທີ່ຜ່ານມາຍັງເຫຼືອພຽງແຕ່15ປະເທດທີ່ຍັງບໍ່ມີລາຍງານຜູ້ຕິດໂຄວິດ-19ໃນປະເທດຂອງພວກເຂົາ.ຂະນະທີ່ຈໍານວນຜູ້ຕິດພະຍາດດັ່ງກ່າວທົ່ວໂລກເມື່ອວັນທີ8ເດືອນ ເມສາທີ່ຜ່ານມາກວ່າ1.400.000ຄົນ ແລະ ຜູ້ເສຍຊີວິດກວ່າ80.000ຄົນ.

ປະເທດທີ່ບໍ່ມີໂຄວິດ-19ປະກອບມີ:ຄໍໂມໂຣດ,ສາທາລະນະລັດຄິຣິບາດ,ລາດຊະອານາຈັກເລໂຊໂທ,ມາລາວີ,ປາເລົາ,ຊາມົວ,ເຊົາຕູເມ ແລະ ປຣິນຊິປິ,ໝູ່ດອນໂຊໂລມອນ,ຊູດານໃຕ້,ທາຈິກິດສະຖານ,ຕອງກາ,ເຕິກເມນິສະຖານ,ຕູວາລູ,ວານູອາຕູ ແລະ ເຢເມນ.

ຢ່າງໃດກໍຕາມ,ບັນດາເຈົ້າໜ້າທີ່ສາທາລະນະສຸກ ແລະ ຜູ້ຊ່ຽວຊານຂອງໂລກວິເຄາະຂໍ້ມູນດັ່ງກ່າວຢ່າງລະມັດລະວັງເນື່ອງຈາກມີບາງປະເທດທີ່ບໍ່ໄດ້ລາຍງານຈໍານວນຜູ້ຕິດພະຍາດບໍ່ໄດ້ໝາຍຄວາມວ່າຈະບໍ່ມີຜູ້ຕິດ,ໃນນັ້ນບາງສ່ວນຍັງມີຊັບພະຍາກອນສໍາລັບກວດພະຍາດທີີ່ໜ້າເຊື່ອຖື ແລະ ອີກບາງປະເທດກໍເປັນປະເທດກໍເປັນປະເດັນກ່ຽວກັບການກົດຂີ່ຂູດຮີດປະຊາຊົນຂອງອໍານາດ.