ສັງຄົມຢູ່ຍາກຂຶ້ນນັບມື້! ແມ່ຍິງກໍ່ເຫດເລາະລັກເຄື່ອງຕາມຄອກຝາກລົດ

491

ກໍາລັງເປັັນກະແສທີ່ສັງຄົມໃຫ້ຄວາມສົນໃຈຫຼາຍສໍາລັບກໍລະນີ ແມ່ຍິງຄົນໜຶ່ງລັກຊີ້ນໝູໃນກະຕ່າລົດຄົນທີ່ຝາກລົດຈັກໄວ້ໃນຄອກຝາກລົດຕະຫຼາດແຫ່ງໜຶ່ງ, ເຊິ່ງມີຄົນຖ່າຍຄຣິບເຫດການດັ່ງກ່າວໄວ້ດ້ວຍ.

ຄຣິບເຫດການດັ່ງກ່າວແມ່ນຖືກບັນທຶກ ແລະ ເຜີຍແຜ່ໃນຜູ້ໃຊ້ເຟສບຸກຊື່ວ່າ ຊຸບ ຕາແຊມ ເຈ້ສີ ພ້ອມຂໍ້ຄວາມລະບຸວ່າ:

ເຕືອນໄພເດີພີ່ນ້ອງ ມິດສາຊິບ ຊອກລັກເຄື່ອງຕາມຄອກລົດຈັກ ບໍ່ຮູ້ວ່າລາວຢູ່ບ້ານໃດເຫັນແຕ່ມາລັກຊີ້ນ5ກີໂລ ຢູ່ຕະຫລາດທົ່ງຂັນຄຳຕອນເຊົ້າມື້ນີ່, ເອື້ອຍໝວກສີຂຽວແມ່ນເຈົ້າຂອງຊີ້ນ, ຜູ້ຊາຍຈັບແຂນລາວແມ່ນເຈົ້າຂອງຄອກລົດຈັກ.

ດັ່ງນັ້ນ, ໃຫ້ລະມັດລະວັງຕອນໄປຕະຫລາດຊື້ເຄື່ອງຂອງແລ້ວຫ້ອຍມ້ຽນຕາມລົດຈັກ ແລ້ວໄປເລາະຊື້ເຄື່ອງຕື່ມ ພວກລັກເຂົາສວຍໂອກາດເຮັດທຳທ່າວ່າຊີເອົາລົດອອກໃຫ້ພວກຄອກລົດເຜີ ແລ້ວສວຍໂອກາດຈັບເອົາເຄື່ອງໃນລົດຄົນອື່ນໄປ

ເຊິ່ງຫລັງຈາກເຈົ້າຂອງຄອກລົດຈັບໄດ້ ດ້ານຈັດສັນຕະຫລາດກໍ່ເອົາໄປຫ້ອງການເພື່ອໄກ່ເກ່ຍ, ແນວໃດກໍ່ດີ ຝາກເຖິງທຸກຄົນຕ້ອງມີສະຕິລະວັງຕົວນໍາກັນເດີ້.