ລູກທັງສອງຈະຢູ່ແບບໃດ? ຫຼັງສູນເສຍພໍ່ແມ່ຈາກເຫດໄຟໄໝ້

328

ກ່ອນໜ້ານີ້ເຄີຍເປັນຂ່າວດັງຄຶກໂຄມຢູ່ຊ່ວງໜຶ່ງສໍາລັບເຫດການໄຟໄໝ້ຢູ່ປະເທດເພື່ອບ້ານ ໂດຍສັນນິຖານສາເຫດມາຈາກການສາກແບັດຖິ້ມໄວ້ແລ້ວນອນ ເປັນເຫດໃຫ້ສອງຄົນທີ່ນອນຢູ່ໃນເຮືອນຜູ້ເປັນເມຍເສຍຊີວິດຄາທີ່ສ່ວນຜົວບາດເຈັບສາຫັດ ແຕ່ປັດຈຸບັນ ຊາຍຄົນດັ່ງກ່າວໄດ້ເສຍຊີວິດລົງແລ້ວ ເຫຼືອພຽງລູກຊາຍ 2ຄົນທີ່ຕ້ອງຢູ່ພຽງລໍາພັງ.

ເພຈຂ່າວສົດລາຍງານວ່າ: ໃນມື້ນີ້ວັນທີ 28 ທັນວາ 2019 ເຈົ້!ໜ້າທີ່ໄດ້ຮັບແຈ້ງຈາກໂຮງໝໍທີ່ຜູ້ເຄາະຮ້າຍຮັກສາຕົວຢູ່ ໄດ້ເສຍຊີວິດລົງແລ້ວ ເນື່ອງຈາກຕິດເສື້ອໃນກະແສເລືອດຈາກບາດແຜທີ່ຖືກໄຟໄໝ້ທົ່ວຮ່າງກາຍ, ຫຼັງຈາກທີ່ແພດ ແລະ ພະຍາບານໄດ້ທໍາການຮັກສາຢ່າງເຕັມຄວາມສາມາດແຕ່ກໍ່ບໍ່ສາມາດຢື້ຊີວິດຜູ້ກ່ຽວໄວ້ໄດ້.

ທັງນີ້ຜູ້ເສຍຊີວິດແມ່ນໄດ້ເຂົ້າທໍາການຮັກສານັບແຕ່ມື້ໄຟໄໝ້ ມາຮອດປັດຈຸບັນເປັນເວລາ 10 ວັນຈົນມາຮອດມື້ນີ້ອາການຊຸດໜັກລົງກ່ວາເກົ່າ ກ່ອນເສຍຊີວິດໃນເວລາຕໍ່ມາ, ສ້າງຄວາມໂສກເສົ້າໃຫ້ແກ່ລູກຊາຍ 2ຄົນ ທີ່ຕ້ອງສູນເສຍທັງພໍ່ແລະ ແມ່ຈາກເຫດການໄຟໄມ້ໃນຄັ້ງນີ້

ເຖິງຢ່າງໃດກໍ່ຕາມແອັດຂໍສະແດງຄວາມເສຍໃຈຕໍ່ເຫດການທີ່ກໍ່ໃຫ້ເກີດຄວາມສູນເສຍໃນຄັ້ງນີ້ດ້ວຍ