ຊົມເຊີຍ! ປະກາດ ໂຮງຮຽນແກ້ວປັນຍາ ເປັນໂຮງຮຽນ “ປາສະຈາກຈອກ ແລະ ທໍ່ດູດຢາງ”

449

ເປັນກະແສໃນສັງອອນລາຍໄປໄລຍະໜຶ່ງສໍາລັບເລື່ອງລາວຂອງໂຮງຮຽນແກ້ວປັນຍາ ທີ່ປຸກລະດົມໃຫ້ນັກຮຽນນໍາໃຊ້ຈອກໄມ້ໄຜ່ແທນການນໍາໃຊ້ຈອກຢາງ ເຊິ່ງຖືເປັນແນວຄິດທີ່ແປກໃໝ່ ແລະ ຊ່ວຍຫຼຸດຜ່ອນການນໍາໃຊ້ປລາສຕິກໄດ້ພໍສົມຄວນ

ຫຼ້າສຸດ ວັນທີ 21 ພະຈິກ 2019 ຜູ້ໃຊ້ເຟສບຸກຊື່ Khamkeo Ounanongnouth ອອກມາໂພສພາບພ້ອມຂໍ້ຄວາມກ່ຽວກັບການປະກາດໂຮງຮຽນດັ່ງກ່າວເປັນໂຮງຮຍນ ປາສະຈາກຈອກ ແລະ ທໍ່ດູດຢາງ ໂດຍຂໍ້ຄວາມລະບຸວ່່າ

ສຳເລັດໄປຢ່າງຈົບງາມແລະເປັນຂີດໝາຍອັນສຳຄັນ ສຳລັບພິທີປະກາດ: ໂຮງຮຽນແກ້ວປັນຍາ “ປາສະຈາກຈອກ ແລະ ທໍ່ດູດຢາງ”(Zero Plastic Cup and Straw)

ໃນຕອນເຊົ້າຂອງວັນພຸດ,20/11/2019 ເຂົ້າຮ່ວມເປັນສັກຂີພະຍານມີ ທ່ານ ເຈົ້າເມືອງ ເມືອງຊຳເໜືອ, ຮອງຫົວໜ້າພະແນກຊັບພະຍາກອນທຳມະຊາດແລະສິ່ງແວດລ້ອມແຂວງ, ຮອງຫົວໜ້າອພບຕ, ຮອງຫົວໜ້າສຶກສາທິການແລະກິລາແຂວງ,ຫ້ອງການສຶກສາທິການແລະກິລາເມືອງ,ຫ້ອງວ່າການປົກຄອງເມືອງຊຳເໜືອ, ນາຍບ້ານບ້ານນາທອງ ແລະ ຂະແໜງການຕ່າງໆ ທີ່ກ່ຽວຂ້ອງ ແລະ ຄູອາຈານ,ນ້ອງໆນັກຮຽນແກ້ວປັນຍາ ເຂົ້າຮ່ວມ

ພາຍໃນພິທີໄດ້ຮັບຟັງ ບົດສະຫຼູບກ່ຽວກັບບັນດາກິດຈະກຳທີ່ກ່ຽວຂ້ອງກັບດ້ານສິ່ງແວດລ້ອມ ແລະ ແຜນການຈັດຕັ້ງປະຕິບັດ, ວັດຖຸປະສົງ,ຂັ້ນຕອນ ແລະ ການດຳເນີນຂັ້ນຕອນຂອງການເປີດໂຄງການ”ປອດຈອກແລະທໍ່ດູດຢາງ” ພ້ອມທັງກິດຈະກຳອື່ນໆ ທີ່ກຳລັງລົງມືປະຕິບັດ ໃນອານາຄົດອັນໃກ້ນີ້ ຈາກທ່ານອຳນວຍການ ໂຮງຮຽນແກ້ວປັນຍາ ເຊີ່ງໃນຕອນທ້າຍຂອງພິທີ ຍັງໄດ້ຮັບຟັງຄຳເຫັນ ແລະ ທິດຊີ້ນຳຈາກທ່ານເຈົ້າເມືອງ,ຮອງຫົວໜ້າພະແນກຊັບ,ຮອງຫົວໜ້າ ອພບຕ ທີ່ໄດ້ໃຫ້ຂໍ້ຄິດເຫັນ ແລະ ແນວທາງທີ່ດີໃຫ້ໂຮງຮຽນແກ້ວປັນຍາ ຈະໄດ້ສືບຕໍ່ພັດທະນາຂຶ້ນໄປເລື້ອຍໆ

ນອກຈາກນີ້ ພະແນກ ຊສ ແຂວງຫົວພັນ ຍັງໄດ້ມອບຖັງຂີ້ເຫຍື້ອ ຈຳນວນ 4ຖັງ ໃຫ້ກັບໂຮງຮຽນແກ້ວປັນຍາຕື່ມອີກ ແລະ ບັນດາທ່ານແຂກຍັງໄດ້ທ່ຽວຊົມເບີ່ງກິດຈະກຳໂຄງການອີໂຄບຣິກ, ການຜະລິດຝຸ່ນຊີວະພາບ, ວິທີແຍກເສດຂີ້ເຫຍຶ້ອ, ແລະ ການທົດລອງປູກຜັກໃສ່ນຳ້ແລະດິນ.

ຖືວ່າເປັນໂຮງຮຽນທໍາອິດໃນລາວເລີຍກໍ່ວ່າໄດ້ທີ່ສາມາດປະກາດເປັນບ່ອນປາສະຈາກຈອກຢາງ ແລະ ທໍ່ດູດຢາງ