ສຸດໂຫດ! ສາວລາວໄວ 19 ປີ ເກີດລູກແລ້ວໂຍນລົງດາດຟ້າ ເຫດເກີດຢູ່ປະເທດໄທ

358

ໃນວັນທີ 1 ພະຈິກ 2019 ເວລາ 11:00 ໂມງ ເຈົ້າໜ້າທີ່ໄດ້ຮັບແຈ້ງວ່າພົບສົບເດັກເກີດໃໝ່ຢູ່ເທິງດາດຟ້າ ດ້ານຫຼັງໂຮງງານຕັດຫຍິບແຫ່ງໜຶ່ງເຂດບາງບອນ, ປະເທດໄທ. ຫຼັງຈາກນັ້ນ, ເຈົ້າໜ້າທີ່ ແລະ ໜ່ວຍກູ້ໄພ ພ້ອມກັບແພດນິຕິເວດລົງກວດສອບບໍລິເວນທີ່ເກີດເຫດ.

ຫຼັງໄປເຖິງສະຖານທີ່ ພົບເປັນອາຄານຕຶກ 4 ຊັ້ນ ເຄິ່ງໜຶ່ງເປີດເປັນໂຮງງານຕັດຫຍິບເສື້ອຜ້າ. ຈາກການກວດສອບເທິງກັນສາດຊັ້ນ 2 ດ້ານຫຼັງໂຮງງານ ເຊິ່ງຕິດກັບຄອງລະບາຍນໍ້າ ພົບສົບເດັກນ້ອຍເພດຍິງ ອາຍຸປະມານ 1-2 ວັນ, ຜິວຂາວ ສະພາບມີຖົງຢາງຄຸມຫົວ ນອນຕະແຄງຊ້າຍເປືອຍກາຍ ແຖມຍັງມີສາຍສະບືຕິດຢູ່ຫຼັງກັນສາດ. ເຊິ່ງແພດສັນນິຖານວ່າເສຍຊີວີດມາແລ້ວບໍ່ເກີນ 24 ຊົ່ວໂມງ.

ຈາກການ ສອບສວນລູກຈ້າງພາຍໃນໂຮງງານເບື້ອງຕົ້ນ ນາງ ບົວຂັນ ອາຍຸ 19 ປີ ຊວລາວ ຍອມຮັບເປັນແມ່ເດັກ ໂດຍໃຫ້ການວ່າ ເຮັດວຽກ ແລະ ອາໄສຢູ່ເທິງດາດຟ້າຂອງໂຮງງານດັ່ງກ່າວ. ສ່ວນສົບເດັກທີ່ພົບເປັນລູກຂອງຕົນເອງທີ່ຖືພາໂດຍບໍ່ຮູ້ຕົວ ແລະ ໄດ້ເລີກລາກັບແຟນໜຸ່ມມາດົນແລ້ວ ຈົນຮອດອາຍຸຄັນໄດ້ 9 ເດືອນ ພໍມາເຖິງບ່າຍວານນີ້ (ວັນທີ 31 ຕຸລາ) ລູກໄຫຼຈາກຊ່ອງຄອດເອງ ແຕ່ບໍ່ຫາຍໃຈ ດ້ວຍຄວາມສັບສົນບວກກັບຄວາມຕົກໃຈ ຈຶ່ງຕັດສາຍສະບືເອງ ກ່ອນຈະນຊໍາເອົາຖົງຢາງມາຄຸມຫົວແລ້ວໂຍນສົບລູກມາຈາກດາດຟ້າ ຫວັງຈະຖິ້ມລົງຄອງລະບາຍ ແຕ່ສົບໄປຄ້າງຢູ່ເທິງກັນສາດ ເຮັດໃຫ້ຜູ້ຄົນເຫັນ ແລ້ວນຳໄປແຈ້ງຕຳຫຼວດ

ຈາກນັ້ນ, ເຈົ້າໜ້າທີ່ໄດ້ສອບຖາມຜູ້ຄົນໃນໂຮງງານ ແຕ່ກໍ່ບໍ່ມີໃຜຮູ້ວ່າ ນາງ ບົວຂັນຖືພາ ເນື່ອງຈາກບົວຂັນ ເປັນຄົນຕົວນ້ອຍ ປະກອບກັບຊ່ວງທີ່ເດັກເກີດກໍ່ບໍ່ມີໃຜເຫັນ. ຢ່າງໃດກໍ່ຕາມເຈົ້າໜ້າທີ່ໄດ້ນຳຕົວ ນາງ ບົວຂັນ ໄປກວດຮ່າງກາຍ ແລະ ສອບປາກຄຳໄວ້ກ່ອນ ເພື່ອລໍຖ້າຜົນສັນນະສູດຈາກແພດ ວ່າເດັກເສຍຊີວິດຢູ່ໃນຄັນ ຫຼື ເຮັດໃຫ້ເສຍຊີວິດຫຼັງເກີດ.

ເຫດການດັ່ງກ່າວນີ້ ຂໍໃຫ້ເປັນອຸທາຫອນເຕືອນ ກຸ່ມໄວຄຶກຄະນອງທີ່ຢາກຮູ້ຢາກລອງ ທີ່ບໍ່ຄວາມສາມາດຮັບຜິດຊອບພໍ ໃຫ້ຄິດຖີ່ຖ້ວນ ກ່ອນລົງມືເຮັດ ແລະ ທີ່ສໍາຄັນຄວນປ້ອງກັນຕົວເອງທຸກຄັ້ງຫາກມີເພດສຳພັນ.