ບໍ່ແກ້ວ ມີອຸປະຕິເຫດເກີດຂຶ້ນ 06 ລາຍ ໃນໄລຍະວັນອອກພັນສາ

399

ອຸບັດເຫດເກີດຂຶ້ນໃນໄລຍະວັນທີ 12 – 15 ຕຸລາ 2019 ຜ່ານມານີ້ ແຂວງບໍ່ແກ້ວ ມີອຸບັດເຫດເກີດຂຶ້ນ 06 ລາຍ. ໃນນີ້: ມີຜູ້ບາດເຈັບ 12 ລາຍ, ບາດເຈັບສາຫັດ 03 ລາຍ, ມີພາຫະນະເປ່ເພ ທັງໝົດ 11 ຄັນ, ລົດຈັກ 06 ຄັນ, ລົດໃຫຍ່ 05 ຄັນ ປີນີ້ບໍ່ມີຜູ້ເສຍຊີວິດ.

ທ່ານ ພັນຕີ ແຊລໍລີ ສີສຸພັນ ຫົວໜ້າພະແນກຈາລະຈອນແຂວງບໍ່ແກ້ວ ໃຫ້ຮູ້ວ່າ: ໃນໄລຍະ 03 ວັນອັນຕະລາຍ ບຸນອອກພັນສາວໍລະນະປະຈໍາປີ ຄສ 2562 ທາງເຈົ້າໜ້າທີ່ຂອງພວກເຮົາໄດ້ປະຈໍາຢູ່ຄວາມພ້ອມ 24 ຊົ່ວໂມງ. ເພື່ອລະບາຍລົດ ເຊິ່ງຈັດແບ່ງກໍາລັງປະຈໍາຢູ່ຕາມຈຸດຕ່າງໆ ເພື່ອລະບາດໃນການສັນຈອນໄປ-ມາທີ່ມີຄວາມສ່ຽງເກີດອຸປະຕິເຫດ.

ຜ່ານການລົງປະຕິບັດວຽກງານຕົວຈິງເຫັນວ່າອຸປະຕິເຫດເກີດຂຶ້ນທັງໝົດ 06 ລາຍ ໃນນີ້: ມີລົດຈັກຕໍາລົດຈັກ 2 ລາຍ, ລົດໃຫຍ່ຕໍາກັບລົດໃຫຍ່ 1 ລາຍ, ລົດບັນທຸກ 22 ລໍ້ເສຍຫຼັກ 1 ລາຍ, ລົດໃຫຍ່ຕໍາກັບຄົນຍ່າງ 1 ລາຍ, ລົດເກັ່ງຕໍາກັບລົດບັນທຸກ 22 ລໍ້ 1 ລາຍ. ເຮັດໃຫ້ພາຫະນະເປ່ເພ, ປະເພດລົດຈັກ 06 ຄັນ, ລົດໃຫຍ່ 05 ຄັນ ທຽບໃສ່ປີຜ່ານມາແມ່ນ ມີອຸປະຕິເຫດເພີ່ມຂຶ້ນ ຍ້ອນມີພາຫະນະເພີ່ມ ຂຶ້ນເຮັດໃຫ້ການສັນຈອນໄປ-ມາບໍ່ມີຄວາມສະດວກ, ຜູ້ຂັບດື່ມສິ່ງມືນເມົາ ຈຶ່ງນໍາພາໄປສູ່ການສູນເສຍຊັບສິນ ເງິນ-ຄໍາ, ເສຍເວລາ, ເສຍອານາຄົດ ຫາຍແຮງໄປກວ່ານັ້ນນໍາສູ່ເຖິງແກ່ຊີວິດ.

ທີ່ມາ: ໜັງສືພິມບໍ່ແກ້ວ