ທ່ານເກຍ ອູ່ສິດທິເດດ ເຈົ້າຂອງນໍ້າດື່ມໂລມາຄໍາມອບເຄື່ອງຊ່ວຍເຫຼືອຜູ້ປະສົບໄພເມືອງເຊໂປນ 21ລ້ານກວ່າກີບ

302

9.9.2019 ທ່ານເກຍ ອູ່ສິດທິເດດເຈົ້າຂອງໂຮງງານຜະລິດນໍ້າດື່ມແລະນໍ້າກ້ອນໂລມາຄໍາສະຫວັນນະເຂດຊ່ວຍໄພນໍ້າຖ້ວມເມືອງເຊໂປນຈໍານວນ1.250ແພັກມູນຄ່າ21ລ້ານກີບ ເພື່ອເປັນການຊ່ວຍເຫລືອແກ້ໄຂສຸກເສີນບັນເທົາທຸກໄພນໍ້າຖ້ວມຈາກພະຍຸກາຈີກີໄພພິບັດທໍາມະຊາດວັນທີ2-5ກັນຍາ,ດັ່ງນັ້ນໃນວັນທີ6ກັນຍາ2019ທີ່ຜ່ານມາ,ຢູ່ຫ້ອງວ່າການເມືອງເຊໂປນແຂວງສະຫວັນນະເຂດ,ທ່ານເກຍ ອູ່ສິດທິເດດເຈົ້າຂອງໂຮງງານຜະລິດນໍ້າດື່ມແລະນໍ້າກ້ອນໂລມາຄໍາໄດ້ເອົານໍ້າດື່ມ2.500ມິລິລິດຈໍານວນ200ແພັກ,ນໍ້າດື່ມ1.500ມິລິລິດຈໍານວນ100ແພັກ,ນໍ້າດື່ມ600ມິລິລິດຈໍານວນ300ແພັກ,ນໍ້າດື່ມ330ມິລິລິດຈໍານວນ350ແພັກ,ນໍ້າດື່ມ250ມິລິລິດຈໍານວນ300ແພັກລວມທັງໝົດ1.250ແພັກມູນຄ່າ21ລ້ານກີບມອບໃຫ້ເມືອງເຊໂປນເພື່ອນໍາໄປແຈກຢາຍໃຫ້ບ້ານ,ຄອບຄົວທີ່ຖືກນໍ້າຖ້ວມທົ່ວເຖີງໂດຍແມ່ນທ່ານເທີ ຢູນາຕ່າງໜ້າໂຮງງານຜະລິດນໍ້າດື່ມແລະນໍ້າກ້ອນໂລມາຄໍາເປັນຜູ້ກ່າວມອບ,ທ່ານບຸນມາ ໄຊຍະກຸລາງຮອງເລຂາພັກເມືອງ,ປະທານແນວລາວສ້າງຊາດເມືອງຕ່າງໜ້າເມືອງເປັນຜູ້ຮັບຊ້ອງໜ້າທ່ານບຸນລ້ອມ ສຸພະມີໄຊຄະນະປະຈໍາພັກ

ທ່ານສຸລີຍາ ມາຜາງວົງຮອງເຈົ້າເມືອງເຊໂປນພ້ອມດ້ວຍຫ້ອງການອອ້ມຂ້າງແລະຄະນະທິມງານທີ່ມາມອບເຄື່ອງໃນຄັ້ງນີ້ເປັນສັກຂີພິຍານນໍາດ້ວຍ.ຂ່າວຍັງແຈ້ງຕື່ມອີກວ່າໃນວັນທີ8ກັນຍາ2019,ທ່ານເກຍ ອູ່ສິດທິເດດເຈົ້າຂອງໂຮງງານຜະລິດນໍ້າດື່ມແລະນໍ້າກ້ອນໂລມາຄໍາກໍ່ໄດ້ມອບຈັກເຮືອຍີ່ຫໍ້ຮອນດ້າ13ແຮງມ້າຈໍານວນ2ເຄື່ອງມູນຄ່າ10.000.000ກີບໃຫ້ເມືອງເຊໂປນ.