ຮອງນາຍົກລົງຕິດຕາມສະພາບນ້ຳຖ້ວມຢູ່ແຂວງຈຳປາສັກ

328

ໃນວັນທີ 5 ກັນຍາ 2019 ນີ້ທ່ານ ສອນໄຊ ສີພັນດອນ ຮອງນາຍົກລັດຖະມົນຕິໄດ້ເດີນທາງມາເຄື່ອນໄຫວຕິດຕາມສະພາບນ້ຳຖ້ວມຢູ່ແຂວງຈຳປາສັກ ໃນໂອກາດນີ້ ທ່ານໄດ້ຂີ່ເຮືອກວດກາເບິ່ງເຮືອນຊານບ້ານຊ່ອງ,ເນື້ອທີ່ຜະລິດຂອງປະຊາຊົນຜູ້ປະສົບໄພນ້ຳຖ້ວມຢູ່ເຂດບ້ານແກ ນະຄອນປາກເຊ,ຈາກນັ້ນກໍ່ໄດ້ມອບເຂົ້າສານອາຫານແຫ້ງ,ນ້ຳດື່ມເພື່ອເປັນການບັນເທົາທຸກເບື້ອງຕົ້ນແກ່ປະຊາຊົນ 4 ບ້ານຢູ່ທີ່ສູນພັກຊົ່ວຄາວໂຮງຮຽນມັດທະຍົມຕົ້ນແກ້ວສຳພັນ ເຊີ່ງມີປະຊາຊົນບ້ານແກ,ແກ້ວສຳພັນ,ຫ້ວຍປູນ ແລະ ບ້ານໂພນສະອາດຈຳນວນ 50 ຄອບຄົວ.

ຈາກນີ້ທ່ານ ສອນໄຊ ສີພັນດອນ ຮອງນາຍົກລັດຖະມົນຕິຍັງໄດ້ເດີນທາງໄປຢ້ຽມຢາມຖາມຂ່າວຜູ້ປະສົບໄພນ້ຳຖວ້ມ ແລະ ມອບເຄື່ອງຊ່ວຍເຫຼືອແກ່ປະຊາຊົນຢູ່ເຂດອື່ນໆອີກ.ທັງນີ້ກໍເພື່ອນຳເອົາຄວາມເປັນຫ່ວງເປັນໄຍຂອງພັກ-ລັດຖະບານຕໍ່ປະຊາຊົນບັນດາເຜົ່າເວົ້າສະເພາະຕໍ່ຜູ້ປະສົບໄພນ້ຳຖ້ວມໃຫ້ມີກຳລັງໃຈອົດທົນຜ່ານຜ່າຄວາມຫຸ້ຍງຍາກຈົນກວ່າສະພາບຈະເຂົ້າສູ່ປົກກະຕິ.ຕິດຕາມຮອງນາຍົກເຄື່ອນໄຫວຊ່ວຍເຫຼືອຜູ້ປະສົບໄພນ້ຳຖ້ວມຄັ້ງນີ້ຍັງມີທ່ານ ສົມສະນິດ ບຸດຕິວົງ ຮອງເຈົ້າແຂວງໆຈຳປາສັກ,ທ່ານເມກສະຫວັນ ພົມພິທັກ ປະທານສະພາປະຊາຊົນແຂວງ,ທ່ານ ສຸລິວັນ ສະຫວັດທະສິນ ເຈົ້ານະຄອນປາກເຊ,ແລະ ບັນດາທ່ານຫົວໜ້າພະແນກການກ່ຽວຂ້ອງອີກຈຳນວນໜື່ງ.